Zebûr 1:1 - Kurmanji Încîl

¹ Xwezî bi wî mirovê ku bi şîreta xeraban rêve naçe, Bi pey gunehkaran nakeve, Li komela tinazkaran rûnanê.

Zebûr 1:1 ပူးပေါင်းရင်းမြစ်များ

Destpêk 49:6

Ya canê min tu nekeve komeke wan, Beşdar nebe li civînên wan. Çimkî çaxê ew hêrsbûn mirov kuştin, Bi kêfa xwe dewar kulek hiştin.

Destpêk 5:24

Henox bi Xwedê re diçû û êdî nehat dîtin, çimkî Xwedê ew hilkişandibû.

Padîşah I, 16:31

Ahav, çawa ku gunehên bi çûna Yarovamê kurê Nevat ne bes bin, rabû bi ser de jî keça Etbaalê Padîşahê Saydayiyan Îzabelê ji xwe re anî. Piştre ji Baal re xulamî kir û perizî wî.

Eyûb 10:3

Ma li xweşa te diçe, tu zordariyê dikî, Keda destê xwe kêm dibînî Û bi keremdarî li şêwra xeraban dinêrî?

Eyûb 21:16

Lê dewlemendiya wan ne di destê wan de ye, Bila şêwra xeraban ji min dûr be.

Eyûb 31:5

“Heke ez bi derewkarî meşiyabim Û lingê min li pey hîleyê lezandibe,

Zebûr 1:6

Çimkî Xudan riya qencan dizane, Belê riya xeraban neman e.

Zebûr 106:3

Xwezî bi wan ku dadperweriyê diparêzin, Û hergav ya rast dikin!

Zebûr 112:1

Pesnê Xudan bidin! Xwezî bi wan ku ji Xudan ditirsin, Bi emrên wî gellek dilşa dibin!

Zebûr 119:115

Ey xerabno, ji min dûr bin, Da ku ez emrên Xwedayê xwe bînim cih.

Zebûr 144:15

Xwezî bi wî gelî ku di vê rewşê de ye! Xwezî bi wî gelî ku Xudan Xwedayê wan e.

Zebûr 146:5

Xwezî bi wan ku alîkarê wan Xwedayê Aqûb e, Hêviya wan bi Xwedayê wan Xudan e.

Zebûr 146:9

Xudan xerîban diparêze, Ji sêwî û jinebiyan re dibe alîkar, Û riya xeraban şaş dike.

Zebûr 2:12

Kur maç bikin, da ku hêrs nebe, Kes ji we, li ser rê tune nebe. Çimkî bi derbekê radibe hêrsa wî, Xwezî bi wan, ku xwe avêtine wî.

Zebûr 26:12

Lingê min li dera rast e. Di civatê de ezê pesnê te bidim ya Xudan.

Zebûr 34:8

Tam bikin û bibînin, çi qenc e Xudan. Xwezî bi wî zilamî ku xwe spartiye Xudan!

Zebûr 36:4

Li nav nivînên xwe ew difikire derew, Li ser riya ku qencî jê nayê dimîne, nefret nake ji derew.

Zebûr 64:2

Ji şêwrên dizî yên xeraban, Tu min veşêre ji welwela fesadan.

Zebûr 81:12

Min jî ew bi dilê wan ê hişk ve hêşt, Da ku ew bi şîretên xwe rêve herin.

Zebûr 84:12

Ey Xudanê ordiyan, Yê ku bi te ewle ye, çiqas dilgeş e!

Methelokên 1:15

Lawo, bi wan re nemeşe, Piyê xwe ji rêçika wan dûr bixe.

Methelokên 1:22

“Sexikno, hûnê heta kengê ji sexikiyê hez bikin? Tinazkarno, hûnê heta kengê bi tinazkirinê şa bin? Bêaqilno, hûnê heta kengê ji zanînê nefretê bikin?

Methelokên 13:15

Serwextiya baş keremê tîne, Lê riya bêbextan helakbûn e.

Methelokên 13:20

Kesê bi şehrezayan re digere şehreza dibe, Lê hevalê bêaqilan xisarê dibîne.

Methelokên 19:29

Ji tinazkaran re ceza, Ji pişta bêaqilan re jî lêdan amade ye.

Methelokên 2:12

Ku te ji riya xerab, Ji gotina kesê şaş rizgar bike.

Methelokên 3:34

Ew tinazên xwe bi tinazkaran dike, Lê ji nefsbiçûkan re keremdar e.

Methelokên 4:19

Lê riya xeraban wekî taristana kûr e, Ew nizanin ji ber çi diterpilin.

Methelokên 9:12

Heke tu şehreza bî, ji bo xwe şehreza yî, Heke tu tinazkar jî bî, tê bi tenê êşa wê bikişînî.”

Yêremya 15:17

Ez di koma şabûyiyan de rûneniştim, Min şahî nekir. Ji ber destê te ez bi tena serê xwe rûniştim, Çimkî te ez bi xezebê dagirtim.

Yêremya 17:7

“Bereket li wî mirovî ku bi Xudan ewle ye, Kesê ku ewlebûna wî bi Xudan e.

Metta 16:17

Îsa lê vegerand û got: «Xwezî bi te, ey Şimûnê kurê Ûnis, çimkî yê ku ev ji te re vekiriye ne xwîn û goşt e, lê Bavê min ê li ezmanan e.

Lûqa 11:28

Lê wî got: «Rast e, lê hê bêtir xwezî bi wan ên ku peyva Xwedê dibihîzin û pêk tînin!»

Lûqa 23:51

Ev mirov bi xwestin û kirina civîna giregiran razî nebûbû. Ew ji bajarekî Cihûyan, ji Arîmetyayê bû û li hêviya hatina Padîşahiya Xwedê bû.

Yûhenna 13:17

Madem ku hûn van tiştan dizanin, xwezî bi we, eger hûn wan bikin.

Yûhenna 20:29

Îsa ji wî re got: «Ji ber ku te ez dîtim tu bawer dikî? Xwezî bi wan ên ku nebînin, lê dîsa bawer dikin!»

Romayî 5:2

Bi saya wî em bi baweriyê gihîştine vê kerema ku em tê de sekinî ne. Û em bi hêviya rûmeta ku Xwedê wê bide, pesnê xwe didin.

Efesî 6:13

Ji ber vê yekê hemû çekên Xwedê bistînin, da ku hûn bikarin di roja xerab de li ber xwe bidin û piştî ku we her tişt kir, li cihê xwe rawestin.

Dubarekirina Şerîetê 14:6

Di nav heywanan de hûnê hemû heywanên ku dikayên û simên wan ên rastîn ango simên qelaştî hene, bixwin.

Dubarekirina Şerîetê 33:29

Ya gelê Îsraêl, xwezî bi te! Ma kî heye wekî te? Tu ew gel î ku ji aliyê Xudan ve hatiye rizgarkirin. Ew ji te re mertalê parastinê û şûrê rewnaq e. Wê dijminên te li ber te biçûk bin, Tê jî wan biperçiqînî.”

Petrûs I 4:3

Êdî bes e ku we li gor xwestina pûtperestan dema jiyana xwe ya derbasbûyî bi bêedebî, şehwet, serxweşî, kêfkirina bi harîtî, şerabvexwarina civatî û di pûtperestiya pîs de derbas kir.

Peyxam 22:14

«Xwezî bi wan ên ku xiftanê xwe şuştine, da ku heqê wan hebe, ku bên dara jiyanê û di dergehên bajêr re bikevin hundir!