Yoêl 1:9 - Kurmanji Încîl

⁹ Pêşkêşiyên dexlê û rijandinê, Ji Mala Xudan hat birîn. Kahin û xizmetkarên Xudan şînê dikin.

Yoêl 1:9 ပူးပေါင်းရင်းမြစ်များ

Derketin 28:1

“Ji bo ku ji min re kahintiyê bikin, tu ji nav gelê Îsraêl kekê xwe Harûn û kurên wî Nadav, Avîhû, Êlezar û Îtamar bîne ba xwe.

Îşaya 61:6

Wê ji we re kahinên Xudan bê gotin, Wê ji we re xizmetkarên Xwedayê me bêjin. Hûnê serweta miletan bixwin Û bi dewlemendiya wan hûnê pesnê xwe bidin.

Lavijên Şînê 1:16

Ez li ser van tiştan digirîm, Hêsir ji çavên min dibarin. Çimkî teselîkar ji min dûr e Ku can bide canê min. Kurên min wêran bûn, Çimkî dijmin bi ser ket.”

Lavijên Şînê 1:4

Riyên Siyonê şînê dikin, Dema cejnê tu kes nayê. Hemû dergehên wê wêran bûn. Kahinên wê dinalin, Keçên wê şînê dikin, Kezeba wê dişewite.

Hoşêya 9:4

Wê pêşkêşiyên şerabê ji Xudan re nerijînin, Wê qurbanên wan wî razî nekin. Pêşkêşiyên wan bibe wek nanê şînê Ku kesê bixwe nepak bibe. Wê nanê wan tenê zikê wan têr bike; Ew nan wê nekeve Mala Xudan.

Yoêl 1:13

Kahinno, çûxê li xwe bikin! Xizmetkarên gorîgehê bizarin! Xizmetkarên Xudan werin Û di nav çûxê de şevê biborînin! Çimkî pêşkêşiyên dexlê û rijandinê, Ji Mala Xwedayê we hatin texsîrkirin.

Yoêl 1:16

Ma xwarina me li ber çavê me, Kêf û şahiya Mala Xwedayê me nehat birîn?

Yoêl 2:14

Kî dizane, belkî bizivire, dev jê berde Û ew bereketê li pey xwe dihêle. Wê gavê hûnê pêşkêşiyên dexlê û rijandinê Bidin Xwedayê xwe Xudan.

Yoêl 2:17

Bila kahin û xizmetkarên Xudan, Di navbera eywan û gorîgehê de bigirîn. Bila bêjin: ‘Ya Xudan, li ber gelê xwe bikeve! Mîrasa xwe riswa neke, Bila nebe pêkenoka miletan. Wê çima di nav gelan de bêjin: Ka Xwedayê wan li ku ye?’”