Yoêl 1:7 - Kurmanji Încîl

⁷ Wî mêwên min xera kir, Darhejîrên min kirin sîx, Qalikên wan qeşartin û avêtin erdê. Çiqlên wan fîqspî bûn.

Yoêl 1:7 ပူးပေါင်းရင်းမြစ်များ

Zebûr 105:33

Li rezên wan, li darên hêjîrên wan xist, Perçe bi perçe kir darên welatê wan.

Derketin 10:14

Li seranserê welatê Misrê kulî bariyan û her derê tije kirin. Kulî ewqas pir bûn ku tiştek wiha berê tu caran çênebûbû û piştre jî wê çênebûya.

Derketin 10:15

Wan tevahiya welêt nixamt ku welat reş û tarî bû. Wan giyayê seranserê welêt û fêkiyê hemû darên ku ji ber zîpikê mabûn xwarin. Li seranserê welatê Misrê, ne dar, ne giyayên çolê, tu şînahî nema.

Îşaya 24:7

Şeraba nû çikiya, Mêw çilmisîn, Dilşa hemû dinalin.

Îşaya 32:12

Li ser zeviyên berdar, Li ser mêwên biber, Li singê xwe bixin,

Îşaya 5:6

Ezê wî wêran bikim, wê neyê kesaxtin û tevrikirin. Wê devî û dirî tê de derkevin. Ezê emir li ewran bikim ku baranê li ser nebarîne.”

Yêremya 8:13

Gotina Xudan ev e: “‘Ezê wan bi tevahî biqedînim. Wê di mêwê de tirî Û di darhejîrê de hejîrek tunebe, Wê pel jî biçilmisin. Ya ku min daye wan, wê ji wan derkeve.’”

Hoşêya 2:12

Ezê mêw û darhejîrên wê wêran bikim ku li ser wan digot: ‘Ev destmiza min e, yarên min ev dan min.’ Ezê wan bikim daristan, Wê ji heywanên çolê re bibin çêre.

Yoêl 1:12

Mêw hişk bûn, darhejîr çilmisîn. Hemû darên fêkiyan; hinar, xurme û sêv jî hişk bûn. Şahiya mirovan jî miçiqî.

Amos 4:9

“Min gelek caran bi kifik û germebayê Li we, li rez û bexçeyên we xist, Kuliyan darhejîr û darzeytûnên we xwarin. Dîsa jî hûn li min venegeriyan.” Ev e gotina Xudan.

Habaqûq 3:17

Heke darhejîr kulîlk nedin, Bi mêwan ve tirî tunebe, Darzeytûn berê xwe nedin, Zevî dexil nedin, Hevşî ji pez vala bibin Û di axuran de dewar nemînin,

Melaxî 3:11

Ezê nehêlim kulî zadên we bixwin ku berê axê xera nebe. Wê mêwên we yên çolê êdî bêber nebin” Xudanê Karîndar dibêje.