Yoêl 1:13 - Kurmanji Încîl

¹³ Kahinno, çûxê li xwe bikin! Xizmetkarên gorîgehê bizarin! Xizmetkarên Xudan werin Û di nav çûxê de şevê biborînin! Çimkî pêşkêşiyên dexlê û rijandinê, Ji Mala Xwedayê we hatin texsîrkirin.

Yoêl 1:13 ပူးပေါင်းရင်းမြစ်များ

Samûêl II, 12:16

Dawid ji bo zarok, lavayî Xwedê kir û rojî girt. Ew çû mala xwe û şevên xwe bi raketina li erdê derbas kir.

Padîşah I, 21:27

Piştî gotinên Êlyas, Ahav cilê xwe veçirand, çûx li xwe kir û rojî girt. Di nav çûxê de raza û da ser riya nefsbiçûkiyê.

Îşaya 22:12

Wê rojê Reb Xudanê Karîndar, Gazî we kir ku hûn bigirîn, Li xwe bixin, porê xwe kur bikin Û çûx li xwe bikin.

Îşaya 61:6

Wê ji we re kahinên Xudan bê gotin, Wê ji we re xizmetkarên Xwedayê me bêjin. Hûnê serweta miletan bixwin Û bi dewlemendiya wan hûnê pesnê xwe bidin.

Yêremya 4:8

Loma çûx li xwe bikin, Şînê bikin û bikin zarîn. Çimkî hêrsa Xudan a dijwar ji ser me ranebû.

Yêremya 9:10

Ezê ji bo çiyayan bigirîm û şînê bikim, Ezê li ser mêrgên çolê lavijeke şînê bêjim, Çimkî şewitîn û kes tê re derbas nabe. Dengê keriyan nayê bihîstin, Ji teyrên ezmanan û heta heywanên çolê reviyan û çûn.

Hoşêya 9:5

Hûnê di roja cejnê de, Di roja cejna Xudan de çi bikin?

Yoêl 2:12

Gotina Xudan ev e: “Niha bi hemû dilê xwe, Bi rojî, bi şînê û bi girînê Li min vegerin.

Yoêl 2:14

Kî dizane, belkî bizivire, dev jê berde Û ew bereketê li pey xwe dihêle. Wê gavê hûnê pêşkêşiyên dexlê û rijandinê Bidin Xwedayê xwe Xudan.

Yoêl 2:17

Bila kahin û xizmetkarên Xudan, Di navbera eywan û gorîgehê de bigirîn. Bila bêjin: ‘Ya Xudan, li ber gelê xwe bikeve! Mîrasa xwe riswa neke, Bila nebe pêkenoka miletan. Wê çima di nav gelan de bêjin: Ka Xwedayê wan li ku ye?’”

Hejmartin 28:14

Hûnê wekî pêşkêşiya rijandinê bi her conegayekî re nîv hîn, bi berên re sêyeka hînekê û bi her berxî re çarîka hîneke şerabê pêşkêş bikin. Ji bo tevahiya salekê qurbana şewitandinê ya her mehê ev e.

Hejmartin 28:4

Hûnê berxekî serê sibê, yê din jî ber êvarê pêşkêş bikin.

Hejmartin 28:7

Herwiha bi berx re wekî pêşkêşiya rijandinê, wê çaryeka hîneke şerabê jî bê pêşkêşkirin. Hûnê pêşkêşiya rijandinê ji Xudan re li Pîrozgehê pêşkêş bikin.

Hejmartin 29:6

Ji xeynî pêşkêşiya şewitandinê ya mehane û pêşkêşiya wê ya dexlê, pêşkêşiyên rojane û pêşkêşiya wê ya dexlê û pêşkêşiyên wan ên rijandinê, hûnê van pêşkêşiyan li gorî rêbazên wan pêşkêşî Xudan bikin ku bêhna wan xweş bin.

Korîntî I, 4:1

Bila mirov me xizmetkarên Mesîh û şahneyên sirên Xwedê bihesibînin.

Korîntî I, 9:13

Ma hûn nizanin, yên ku di karê Perestgehê de dixebitin, ji Perestgehê dixwin û yên ku di gorîgehê de xizmetê dikin, parê ji gorîgehê distînin?

Korîntî II, 11:23

Ma ew xizmetkarên Mesîh in? Ez wek yekî ku aqilê wî tune bipeyivim – ez hê zêdetir im. Min zêdetir ked daye, ez zêdetir ketime zîndanê, min bêtir lêdan xwar, ez pirr caran gihîştime ber mirinê.

Korîntî II, 3:6

Wî kir ku em têrê bikin, bibin xizmetkarên Peymana Nû; ne xizmetkarên herfan, lê belê yên Ruh. Çimkî herf dikuje, lê belê Ruh vedijîne.

Korîntî II, 6:4

Lê belê bi xizmetkarîtiya Xwedê em di her tiştî de xwe pêşkêşî qîmanîna we dikin. Di ragirtina giran de, di tengahî, zehmetî û belayan de,

Peyxam 11:3

Û ezê desthilatiyê bidim du şahidên xwe û ewê xirarî li xwe kirî hezar û du sed û şêst rojan pêxemberîtiyê bikin.»