Yêşû 7:26 - Kurmanji Încîl

²⁶ Paşê wan li ser wî şikêreke keviran çêkir ku heta îro jî dimîne. Bi vî awayî hêrsa Xudan danî. Heta îro jî, ji wê derê re Deşta Exorê dibêjin.

Yêşû 7:26 ပူးပေါင်းရင်းမြစ်များ

Samûêl II, 18:17

Gelê Îsraêl ber bi konên xwe ve reviya. Di vê navberê de leşkerên Yoav, Avşalom rakirin û birin daristanekê, avêtin bin çaleke kûr. Paşê komeke kevirên mezin danîn ser wî.

Samûêl II, 21:14

Hestiyên Şawûl û Yonatanê kurê wî, di gora Qîşê bavê Şawûl de veşartin ku li Sêlaya herêma Binyamînê bû. Hemû fermanên padîşah bi cih anîn. Piştî vê yekê Xwedê bersiv da lavakirinên li ser welêt.

Ezra 10:14

Bila niha ji bo tevahiya civînê, serekên me tevahiya civînê temsîl bikin û ji bo ku hêrsa Xwedayê me ya dijwar ji ser me rabe, bila her kesê li bajarên me yên ku jinên xerîb anîne, di demên diyarkirî de tevî rîspî û hakimên bajarê wî were.”

Zebûr 85:4

Ey Xwedayê rizgariya me, me bizivirîne, Hêrsa xwe ya li hember me daxîne!

Derketin 32:12

Wê çima Misrî bêjin: ‘Xwedê ji bo xerabiyê, ji bo ku wan li çiyan bikuje û wan ji ser rûyê erdê tune bike ew ji Misrê deranî’? Ji hêrsa xwe vegere. Fikra xwe biguhere û wê xerabiyê bi gelê xwe neke.

Îşaya 40:2

Bi dilê Orşelîmê re bipeyivin, Gazî wê bikin. Bêjin ku dema şer temam bû, Neheqiya wê jî hat bexişandin. Çimkî di ber hemû gunehên xwe de, Ji destê Xudan du qat stand.”

Îşaya 65:10

Ji bo gelê min ê li min digere, Wê Şaron ji bo pezê wan bibe mêrg, Deşta Exorê ji bo dewarên wan bibe mexel.

Lavijên Şînê 3:53

Wan ez sax avêtim bîrê Û kevir avêtin ser min.

Hoşêya 2:15

Gava em ji wir vegerin, ezê rezên wê bidimê. Deşta Exorê jê re bikim deriyê hêviyê. Li wir wekî di rojên ciwaniyê de, Wekî dema ji welatê Misrê derketiye Wê bi şahî bersiva min bide.”

Hoşêya 2:17

Ezê ji devê wê navê Baalan bavêjim, Wê careke din navê wan neyê ser ziman.

Yoêl 2:13

Ne cilên xwe, dilê xwe biçirînin Û li Xwedayê xwe Xudan vegerin. Çimkî ew keremdar û dilrehm e, Zû hêrs nabe, dilovaniya wî zêde ye, Dev ji cezakirinê berdide.

Yoêl 2:18

Wî çaxî wê Xudan bibe xîretkêşê welatê xwe Û li ber gelê xwe bikeve.

Ûnis 1:15

Rabûn, Ûnis avêtin deryayê. Li ser vê yekê derya aram bû.

Zekeriya 6:8

Milyaket gazî min kir û got: “Binêre, yên ber bi bakur ve çûn, li wir hêrsa min kêm kir.”

Hejmartin 25:8

Wî da pey wî Îsraêlî, ket hundirê kon û bi rima destê xwe li zikê wî û jinikê xist. Bi vî awayî kula bi ser gelê Îsraêl de hat, sekinî.

Dubarekirina Şerîetê 13:17

Wê tiştekî ji malên hatine rakirin di destê we de nemîne ku hêrsa Xudan a dijwar dakeve û çawa ku Xudan ji bav û kalên we re sond xwariye, ew li ber we bikeve, li we were rehmê û we zêde bike.

Dubarekirina Şerîetê 13:18

Hûnê guhdariya dengê Xwedayê xwe Xudan bikin. Hûnê emrên ku îro ez li we dikim pêk bînin û tiştên di çavê Xudan de rast in bikin.

Yêşû 10:27

Çaxê roj çû ava, Yêşû emir kir û wan ew ji ser daran anîn xwarê. Piştre wan ew avêtin şikeftên ku xwe tê de veşartine û kevirên mezin gêrî devê şikeftê kirin. Heta îro jî ew li wê derê ne.

Yêşû 7:24

Yêşû û hemû gelê Îsraêl, Exanê kurê Zerah, zîv, xiftan, pariyê zêr, kur û keçên wî, ga û kerên wî, pezê wî, konê wî û her tiştê wî hildan û anîn Deşta Exorê.

Yêşû 8:29

Wî Padîşahê Ayê bi darekê ve daleqand û heta êvarê li wir hişt. Gava roj çû ava wî emir kir û wan cendekê wî ji darê anî xwarê û avêt ber dergehê bajêr. Wan li ser cendek şikêreke keviran çêkir ku heta îro jî dimîne.