Yêşû 4:24 - Kurmanji Încîl

²⁴ Bi vî awayî bila hemû gelên dinyayê bizanibin destê Xudan hêzdar e û hûn jî hergav ji Xwedayê xwe Xudan bitirsin.’”

Yêşû 4:24 ပူးပေါင်းရင်းမြစ်များ

Padîşah I, 8:40

Bila ew li welatê ku te daye bav û kalên me, her roj ji te bitirsin.

Padîşah I, 8:60

Bi vî awayî bila hemû gelên dinyayê bizanibin Xudan, Xwedê ye û ji xeynî wî yekî din tuneye.

Padîşah II, 19:19

Ya Xwedayê me Xudan, lava dikim tu niha me ji destê Sanhêrîv rizgar bike ku hemû padîşahiyên dinyayê bizanibin tenê tu Xudan, Xwedê yî.”

Padîşah II, 5:15

Naeman û zilamên xwe vegeriyan ba zilamê Xwedê. Hat li pêşiya wî sekinî û got: “Va ye, niha ez êdî dizanim ku Xwedê li tevahiya dinyayê tuneye, tenê li welatê Îsraêl heye. Ez lava dikim, ji vî xulamê xwe xelatekê qebûl bike.”

Dîrok I, 29:12

Rûmet û dewlemendî ji te ne. Tu serwerê hemû tiştan î. Hêz û qewet di destê te de ne, Mezinkirin û hêzdarkirina her kesî di destê te de ye.

Eyûb 40:9

Zendê te wekî zendê Xwedê ye? Dengê te dikare wekî dengê wî bike gurmîn?

Zebûr 106:8

Belê ji bo ku hêza xwe nîşanî wan bide, Wî ji bo navê xwe, ew rizgar kirin.

Zebûr 89:13

Milên te hêzdar in, Destê te xurt, destê te yê rastê bilind e.

Zebûr 89:7

Di civata ezmaniyan de ew Xwedêyek pirr bi heybet e, Ji hemû yên li der û dora xwe ew bêtir tirsdar e.

Derketin 14:31

Îsraêliyan karên destê Xudan ên mezin ku li dijî Misriyan kir dîtin. Gelê Îsraêl ji Xudan tirsiya, ji Xudan û xulamê wî Mûsa bawer kir.

Derketin 15:16

Tirs û sawê bi ser wan de girt, Ew li ber zendê te yê mezin, Wekî kevir bêtevger man, Heta ku gelê te derbas bû, Heta ku ev gelê te derbas bû ya Xudan.

Derketin 20:20

Mûsa ji wan re got: “Netirsin, çimkî Xwedê ji bo we biceribîne hat ku tirsa wî di dilê we de hebe û hûn gunehan nekin.”

Derketin 9:16

Lê ji ber van sedeman min destûr da ku tu bijî: Ji bo hêza xwe nîşanî te bidim û tevahiya dinyayê navê min bizanibe.

Îşaya 52:10

Xudan li ber çavê hemû miletan Zendê xwe yê pîroz hilda. Hemû mirovên binê dinyayê jî Wê rizgarkirina Xwedayê me bibînin.

Yêremya 32:40

Ezê peymaneke herheyî bi wan re çêkim ku ezê ji qencîkirinê pişta xwe nedim wan. Ezê tirsa xwe bixim dilê wan ku xwe ji min nedin alî.

Dubarekirina Şerîetê 28:10

Wê hemû gelên dinyayê bibînin ku ew gel tu yî ku bi navê Xudan gazî te dikin. Loma wê ji te bitirsin.

Dubarekirina Şerîetê 6:2

Di tevahiya rojên xwe de hûn, zarok û neviyên we, wê ji Xwedayê xwe Xudan bitirsin û hemû emir û qanûnên wî yên ku min ji we re got pêk bînin ku emrê we dirêj be.

Samûêl I, 17:46

Îro wê Xudan te bide destê min. Ezê te bikujim û serê te ji gewdeyê te veqetînim. Ezê bedena leşkerên Filîstî jî bidim teyrên ezmanan û heywanên çolê! Bi vî awayî wê tevahiya dinya bizanibe ku Xwedê li welatê Îsraêl heye.