Yêşû 3:8 - Kurmanji Încîl

⁸ Tê li kahinên ku Sindoqa Peymanê hildigirin emir bikî û bibêjî: ‘Çaxê hûn hatin ber keviya Çemê Şerîayê, di avê de bisekinin.’”

Yêşû 3:8 ပူးပေါင်းရင်းမြစ်များ

Padîşah II, 2:6

Paşê Êlyas jê re got: “Tu li vir bimîne. Xudan ez şandim ber Çemê Şerîayê.” Lê Êlîşa got: “Bi navê Xudanê Jîndar û ji bo xatirê canê te, ez te bernadim.” Bi vî awayî herduyan riya xwe domandin.

Nehemya 13:22

Min emir da Lêwiyiyan ku ji bo Roja Septê pîroz bikin, xwe paqij bikin, werin û li ber dergehan bisekinin. Ya Xwedayê min, ji bo vê yekê jî min bi bîr bîne û bi dilovaniya xwe ya mezin li ber min bikeve.

Nehemya 13:28

Kurekî Yoyadayê kurê Êlyaşîvê Serkahin hebû ku bi keça Sanballatê Horonî re zewicî bû. Min ew ji ba xwe qewitand.

Derketin 14:13

Mûsa ji wan re got: “Netirsin, li cihê xwe bisekinin û rizgarkirina ku wê Xudan îro ji we re bîne bibînin. Çimkî Misriyên hûn îro dibînin, hûnê tu caran nebînin.

Lavijên Şînê 3:26

Mayîna bêdengî ya li benda rizgariya Xudan, qenc e.

Yêşû 3:17

Gava tevahiya gelê Îsraêl Çemê Şerîayê derbas dikir, kahinên ku Sindoqa Peymana Xudan hildigirin, li erdê ziwa yê di nîvê çêm de sekinî. Bi vî awayî tevahiya milet çemê ziwa derbas kir.

Yêşû 3:3

Wan li gel emir kir û got: “Gava we dît kahinên Lêwiyî Sindoqa Peymana Xwedayê we Xudan hilda û bir, hûn jî rabin û bidin pey.

Yêşû 3:7

Di vê navberê de Xudan ji Yêşû re wiha got: “Ji îro pê ve ezê te li ber çavê tevahiya gelê Îsraêl mezin bikim. Wê bizanibin ku çawa ez bi Mûsa re bûm, wisa jî bi te re me.

Yêşû 3:9

Yêşû ji gelê Îsraêl re got: “Nêzîk bibin û guh bidin gotinên Xwedayê xwe Xudan.”

Yêşû 4:11

Piştî ku tevahiya gel çem derbas kir, Sindoqa Xudan û kahin ketin pêşiya gel.