Yêşû 22:9 - Kurmanji Încîl

⁹ Bi vî awayî eşîrên Gad, Rûbên û nîveşîra Minaşşe, ji Şîloya ku li axa Kenanê ye, ji ba Îsraêliyan rabûn û çûn. Ew çûn axa Gîladê, axa mîrasa xwe ku li ser fermana devê Xudan ku bi riya Mûsa hatiye dayîn, standibû.

Yêşû 22:9 ပူးပေါင်းရင်းမြစ်များ

Samûêl II, 2:9

Avnêr ew li wê derê kir Padîşahê Gîladiyan, Geşûriyan, Yîzreyêliyan, Efrayîmiyan, Binyamîniyan û tevahiya gelê Îsraêl.

Dîrok I, 5:9

Li rojhilat, ji Feratê heta axa ku digihîje çolê diman. Çimkî heywanên wan li diyarê Gîladê zêde bûn.

Zebûr 60:7

Gilad, ya min e, Manasse jî ya min, Efrayim kumzirxê serê min, Cihûda gopalê padîşahiya min.

Hejmartin 32:1

Gelek zêde pez û dewarên Gadî û Rûbêniyan hebûn. Gava wan dît ku axa Yazêrê û axa Gîladê ji bo xweyîkirina heywanan baş in,

Hejmartin 32:20

Mûsa ji wan re got: “Heke hûn vê yekê bikin, çekên xwe hildin, li pêşberî Xudan herin şer

Hejmartin 32:22

û welat jî li ber wî bikeve dest, wî çaxî hûnê bikaribin vegerin û beramberî Xudan û gelê Îsraêl nekevin bin barekî. Wê gavê wê ev der li ber Xudan bibe milkê we.

Hejmartin 32:26

Wê jinên me, zarokên me, keriyên me û hemû heywanên me yên din li vir, li bajarên Gîladê bimînin.

Hejmartin 32:29

Mûsa ji wan re got: “Heke Gadî û Rûbêniyên çekdar li ber Xudan bi we re Çemê Şerîayê derbas bikin û welat li ber we bikeve dest, hûnê herêma Gîladê bi milkî bidin wan.

Dubarekirina Şerîetê 3:18

“Wê gavê min li we emir kir û got: ‘Xwedayê we Xudan ev welat da we ku hûn ji xwe re bikin milk. Lê bila hemû şervanên we bi çekên xwe bidin pêşiya birayên me yên Îsraêlî.

Dubarekirina Şerîetê 3:20

Xudan hûn deranîne rihetiyê. Gava birayên we jî derîne rihetiyê û ew jî welatê li aliyê din ê Çemê Şerîayê bistînin ku Xwedayê we Xudan dide wan, her yekî ji we dikare vegere ser mîrasa ku min daye we.’

Dubarekirina Şerîetê 34:1

Piştre Mûsa ji deştên Moavê hilkişiya Çiyayê Neboyê û derket serê Pîsgayê ku li pêşberî Erîhayê ye. Xudan tevahiya welêt nîşanî wî da; ji welatê Daniyan heta Gîladê,

Yêşû 13:11

Gîlad, axa Geşûrî û Maexayiyan, tevahiya Çiyayê Hermonê, tevahiya Başanê heta Salkayê,

Yêşû 13:25

Axa wan ev bû: Yazêr, hemû bajarên Gîladê û nîvê axa Emmoniyan a ku digihîşt Eroêra nêzîkî Rabbayê tê de bû,

Yêşû 13:31

nîvê Gîladê û bajarên Eştarot û Edreiya di bin serweriya Ogê Padîşahê Başanê de bûn. Ev der li gorî binemalan, ji nîvê kurên Maxîrê kurê Minaşşe re hatin veqetandin.

Yêşû 22:10

Çaxê eşîrên Gad, Rûbên û nîveşîra Minaşşe gihîştin herêma Çemê Şerîayê ya ku li axa Kenanê dimîne, li ber çêm gorîgeheke mezin û biheytehol çêkir.

Dadger 20:1

Tevahiya gelê Îsraêl, ji Danê heta Beêr-Şevayê, bi welatê Gîlad re bi rê ket, li Mîspayê li hizûra Xudan wekî bedenekê civiyan.

Dadger 5:17

Gîladî li rojhilatê Çemê Şerîayê man, Danî li ba gemiyan geriyan. Aşêrî li keviya deryayê rûniştin, Li ba keştiyan, bêhna xwe vedan.