Yêşû 22:18 - Kurmanji Încîl

¹⁸ Hûnê jî îro dev jê berdin û terka Xudan bikin? Heke hûn îro serî li dijî Xudan rakin, wê sibê Xudan li tevahiya civaka Îsraêl hêrs bibe.

Yêşû 22:18 ပူးပေါင်းရင်းမြစ်များ

Samûêl II, 24:1

Xudan dîsa ji gelê Îsraêl hêrs bû, Dawid li dijî wan sor kir û got: “Here, gelê Îsraêl û gelê Cihûda bijmêre.”

Padîşah I, 9:6

“Lê heke hûn an zarokên we ji min bizivirin, emir û qanûnên ku min dan ber we pêk neyînin, herin xulamiya îlahan bikin û li ber wan deverû biçin erdê,

Padîşah II, 17:21

Gava Xudan, Îsraêl ji Mala Dawid veqetand, wan Yarovamê kurê Nevat kir padîşah. Yarovam jî Îsraêl ji riya Xudan derxist û bi wan gunehê mezin da kirin.

Dîrok I, 21:1

Îblîs li dijî gelê Îsraêl rabû û Dawid sor kir ku gelê Îsraêl bijmêre.

Dîrok I, 21:14

Li ser vê yekê Xudan kul şand ser welatê Îsraêl. Heftê hezar kes ji gelê Îsraêl mirin.

Lêwiyî 10:6

Mûsa ji Harûn û ji kurên wî Êlezar û Îtamar re got: “Porên xwe neyînin xwarê, kincên xwe jî neçirînin. Yan na hûnê jî bimirin û wê Xudan li tevahiya civakê hêrs bibe. Lê bila mirovên we û tevahiya Mala Îsraêl, ji bo agirê Xudan bigirîn.

Hejmartin 16:22

Mûsa û Harûn deverû çûn erdê û wan got: “Ya Xwedê, Xwedayê ruhên hemû beşerê, gava kesek guneh dike, tu li tevahiya civakê hêrs dibî?”

Hejmartin 32:15

Heke hûn dev ji rêveçûna pey wî berdin, wê Xudan dîsa wan li beriyê bihêle û hûnê bibin sedema tunebûna tevahiya vî gelî.”

Dubarekirina Şerîetê 7:4

Çimkî wê ev yek kurên we ji pey min bide zivirandin, wê xulamiya îlahên din bikin, wê hêrsa Xudan li dijî we rake û bi zû we tune bike.

Yêşû 22:15

Ew hatin axa Gîladê, ba eşîrên Gad, Rûbên û nîveşîra Minaşşe û wan got:

Yêşû 22:16

“Tevahiya civaka Xudan vê dibêje: ‘We îro bi çêkirina vê gorîgehê bi Xwedayê Îsraêl re nedilsozî kir û dev ji riya wî berda. Ev çi nedilsozî ye ku hûn li dijî Xwedayê Îsraêl dikin?

Yêşû 22:20

Ma Exanê kurê Zerah di tiştên ji Xudan re hatine veqetandin de nedilsozî nekir û xezeb bi ser tevahiya civaka Îsraêl de nehat? Jixwe ji ber sûcê xwe, ew tenê helak nebû!’”

Yêşû 7:1

Lê Îsraêlî li ser tiştên ku ji Xudan re hatibûn veqetandin nedilsoz bûn. Ji eşîra Cihûda, Exanê kurê Karmiyê kurê Zavdiyê kurê Zerah, hinek tiştên hatibûn veqetandin hildan. Li ser vê yekê Xudan li gelê Îsraêl hêrs bû.

Yêşû 7:11

Îsraêliyan guneh kir. Wan peymana min a ku min li wan emir kir binpê kir û ji tiştên ku hatibûn veqetandin birin. Wan hem dizî û hem jî hîlekarî kir. Ya ku dizîn di nav tiştên xwe de veşartin.

Yêşû 7:21

Dema min ji nav talên xiftanek xweşik ê karê Şînarê, du sed şekel zîv û pariyek zêr ê ku giraniya wê pêncî şekel e dîtin, min çav berdayê û min ew birin. Niha ew di nav konê min de, di axê de veşartî ne. Zîv di binî de ye.”

Samûêl I, 12:14

Heke hûn ji Xudan bitirsin, jê re xulamiyê bikin, guh bidin dengê wî, li dijî emrê wî dernekevin. Hem hûn, hem jî padîşahê ku bibe serwerê we, wê li pey Xwedayê xwe Xudan here. Evê ji bo we baş be.

Samûêl I, 12:20

Samûêl ji gel re got: “Netirsin, rast e we ev hemû xerabî kir. Lê dîsa jî dev ji riya Xudan bernedin. Bi hemû dilê xwe xulamiyê ji Xudan re bikin.