Yêşû 2:11 - Kurmanji Încîl

¹¹ Gava me bihîst, dilê me heliya. Ji ber we êdî bi tu kesî re derman nema. Çimkî Xwedayê we Xudan hem li jor li ezmanan, hem jî li jêr li ser rûyê erdê Xwedê ye.

Yêşû 2:11 ပူးပေါင်းရင်းမြစ်များ

Padîşah I, 8:60

Bi vî awayî bila hemû gelên dinyayê bizanibin Xudan, Xwedê ye û ji xeynî wî yekî din tuneye.

Padîşah II, 5:15

Naeman û zilamên xwe vegeriyan ba zilamê Xwedê. Hat li pêşiya wî sekinî û got: “Va ye, niha ez êdî dizanim ku Xwedê li tevahiya dinyayê tuneye, tenê li welatê Îsraêl heye. Ez lava dikim, ji vî xulamê xwe xelatekê qebûl bike.”

Nehemya 6:16

Gava tevahiya dijminên me bihîst, hemû miletên li derdora me tirsiyan. Bi vî awayî bi tevahî baweriya xwe winda kirin. Çimkî pê hesiyan ku ev kar ji aliyê Xwedayê me ve hatiye kirin.

Ester 8:17

Li her herêmê û li her bajarê ku gotin û fermana padîşah gihîştê, di nav Cihûyan de şahî û kêfxweşî peyda bû. Çawa ku cejn be, şahî hatin lidarxistin. Di nav gelên welêt de gelek kes bûn Cihû. Çimkî tirsa Cihûyan ketibû dilê wan.

Zebûr 102:15

Netew ji navê Xudan, Hemû padîşahên dinê ji rewnaqiya te ditirsin.

Zebûr 22:14

Ez hatim rêtin wek avê, Hemû hestiyên min derketin ji movikan, Dilê min wek şimayê, dihele di hundirê min de.

Zebûr 58:7

Bila wek ava ku diherike, nemînin. Bila serê tîrê wan şikandî be, gava ku kevanê xwe dişidînin.

Zebûr 83:18

Da ku hîn bibin navê te Xudan e, Li ser tevahiya dinê, tenê tu berz î.

Derketin 15:14

Miletan bihîst û lerizîn. Tirs û sawê bi şêniyên Filîstîn girt.

Derketin 15:15

Tirsê bi begên Edomê girt, Serekên Moavê lerizîn. Her şêniyê Kenanê ji tirsa heliya.

Îşaya 13:7

Loma wê hemû dest sist bibin Û dilê her mirovî bihele.

Îşaya 19:1

Peyama li ser Misrê: Va ye, Xudan li ewrê bi lez siwar bûye Û diçe Misrê. Pûtên Misrê li ber wî dilerizin, Dilê Misriyan di nava wan de dihele.

Nahûm 2:10

Vala, vikîvala, wêran! Dil dihelin, çok dilerizin. Hemû hinav diêşin û hemû rû diçilmisin.

Dubarekirina Şerîetê 1:28

Em herin ku derê? Ji ber gotina birayên me, dilê me heliya. Wan got: Gelê wir ji me xurtir û bilindtir in. Bajarên wir mezin in û sûrên wan digihîjin ezmanan. Herwiha me Enaqî jî dîtine!’

Dubarekirina Şerîetê 20:8

“Wê peywirdar berdewam bikin û bêjin: ‘Kesê tirsonek û newêrek heye? Bila bizivire here mala xwe ku dilên birayên wî, wekî dilê wî nehelin.’

Dubarekirina Şerîetê 4:39

“Loma îro bizanibin û bixin dilê xwe ku Xudan, Xwedayê li jor, li ezmanan û li jêr, li erdê ye û ji xeynî wî yekî din tuneye.

Yêşû 14:8

Birayên ku bi min re hatin, çavê gel tirsand, lê min ji dil da pey Xwedayê xwe Xudan.

Yêşû 2:24

Wan ji Yêşû re got: “Xudan bi rastî jî tevahiya welêt da destê me. Dilê hemû şêniyên welêt li ber me ji tirsa heliya.”

Yêşû 5:1

Gava hemû padîşahên Amorî yên li rojavayê Çemê Şerîayê û hemû padîşahên Kenaniyên li ber Derya Spî bihîst ku Xudan heta ku Îsraêlî derbas bûne ava çêm ziwa kiriye, dilê wan heliya. Ji ber tirsa Îsraêliyan ziravê wan qetiya.

Yêşû 7:5

Ayiyan bi qasî sî û şeş Îsraêlî kuştin û ji ber dergehê bajêr heta Şevarîmê da pey wan. Wan li Îsraêliyên ku berjêr bûn û reviyan xistin û kuştin. Dilê wan ji tirsa heliya û bû av.

Yêşû 9:24

Wan bersiv da û got: “Ji ber ku me bi xwe jî emrê Xwedayê we Xudan li Mûsayê xulamê xwe kir bihîst. Wî li Mûsa emir kir ku ew tevahiya welatê bide we û hemû şêniyên welêt tune bike. Em ji ber canê xwe pir tirsiyan. Loma me ev yek kir.

Peyxam 6:16

Wan ji çiyan û latan re digot: «Bi ser me de bikevin û me ji ber rûyê yê ku li ser text rûniştiye û ji ber xezeba Berx veşêrin.