Yêşû 17:16 - Kurmanji Încîl

¹⁶ Ûsiviyan got: “Herêma çiyayî têra me nake. Lê hem Kenaniyên Bêtşean û gundên wê, hem jî yên Deşta Yîzreyêlê xweyên erebeyên şer ên hesin ne.”

Yêşû 17:16 ပူးပေါင်းရင်းမြစ်များ

Padîşah I, 18:45

Wê gavê ezman bi ba û ewrên reş û tarî tije bû û baraneke giran bariya. Ahav siwar bû û berê xwe da Yîzreyêlê.

Padîşah I, 18:46

Destê Xudan li ser Êlyas bû. Wî pişta xwe girê da û heta Yîzreyêlê li pêşiya Ahav beziya.

Padîşah I, 21:1

Li Yîzreyêlê li ba qesra Ahavê Padîşahê Sameryayê, rezekî Navotê Yîzreyêlî hebû.

Padîşah I, 21:23

“Xudan ji bo Îzabelê jî got: ‘Li ber dîwarê Yîzreyêlê wê kûçik Îzabelê bixwin.’

Padîşah I, 4:12

Li Taenax, Megîddo, tevahiya Bêtşeana ku li jêra Yîzreyêlê û li kêleka Saretanê ye, ji Bêtşeanê heta Avêl-Meholayê, ji wir heta wî aliyê Yoqmeamê, Baenayê kurê Ahîlûd bû.

Padîşah II, 9:10

Li erdên Yîzreyêlê, wê kûçik Îzabelê bixwin û wê kesekî wê veşêre jî tunebe.” Xulam derî vekir û reviya.

Padîşah II, 9:37

Wê cendekê Îzabelê li nav erdên Yîzreyêlê, li ser rûyê erdê bibe zibil ku kesek nebêje: Ev Îzabel e.’”

Yêremya 49:2

Gotina Xudan ev e: “Va ye roj tên ku ezê qîrîna şer Li dijî Rabbaya Emmoniyan bidim bihîstin. Wê Rabba bibe xirbeyekî demên berê û gundên wê bên şewitandin. Paşê wê gelê Îsraêl, kesên ew qewitandiye biqewitîne.” Ev e gotina Xudan.

Yêşû 15:56

Yîzreyêl, Yoqdeam, Zanoah,

Yêşû 17:11

Di nav axa Aşêr û Îssexariyan de jî parên Minaşşeyiyan hebûn; Bêtşean û gundên wê, Yîvleam û gundên wê, Dor û gundên wê, Eyn-Dor û gundên wê, Taenax û gundên wê, Megîddo û gundên wê. Yê sisêyan Nefet bû.

Yêşû 17:15

Yêşû ji wan re got: “Heke hûn pir qelebalix bin û herêma çiyayî ya Efrayîmê ji we re teng be, herin daristanên welatê Perîzzî û Refayiyan û cihê xwe fireh bikin.”

Yêşû 17:17

Yêşû ji Mala Ûsiv re, ji eşîrên Efrayîm û Minaşşe re got: “Hûn mezin in û pir hêzdar in. Wê ji bo we bi tenê pişkek çênebe.

Yêşû 17:18

Wê herêma çiyayî jî ya we be. Ew der daristan e, hûnê darên wê bibirin û heta sînoran wê derê ji xwe re bikin milk. Tevî ku ew hêzdar in û erebeyên wan ên hesin jî hene, hûnê Kenaniyan biqewitînin.”

Yêşû 19:18

Di mîrasa wan de ev hebûn: Yîzreyêl, Kesullot, Şûnêm,

Dadger 1:19

Xudan bi eşîra Cihûda re bû. Wan herêma çiyayî ji xwe re kir milk, lê ew nikaribûn şêniyên deştê biqewitînin. Çimkî erebeyên wan ên şer ên hesin hebûn.

Dadger 4:13

wî hemû erebeyên xwe, neh sed erebeyên hesin û hemû zilamên pê re ji Haroşet-Goyîmê deranî û li Geliyê Qîşonê civandin.

Dadger 4:3

Gelê Îsraêl li Xudan kir hewar. Çimkî neh sed erebeyên wî yên hesin hebûn û wî bîst salan zordariya dijwar li gelê Îsraêl kir.

Dadger 6:33

Di vê navberê de Mîdyanî, Emalêqî û gelên din ên rojhilat bûn yek, di Çemê Şerîayê re derbas bûn û li Deşta Yîzreyêlê artêşgeh ava kirin.

Samûêl I, 29:1

Filîstiyan tevahiya artêşên xwe li Afêqê kom kirin. Îsraêliyan jî artêşgehek li keviya kaniya Yîzreyêlê danîbû û li wir diman.