Yêşû 17:11 - Kurmanji Încîl

¹¹ Di nav axa Aşêr û Îssexariyan de jî parên Minaşşeyiyan hebûn; Bêtşean û gundên wê, Yîvleam û gundên wê, Dor û gundên wê, Eyn-Dor û gundên wê, Taenax û gundên wê, Megîddo û gundên wê. Yê sisêyan Nefet bû.

Yêşû 17:11 ပူးပေါင်းရင်းမြစ်များ

Samûêl II, 21:12

ew çû û hestiyên Şawûl û Yonatanê kurê wî ji xelkê Yavêş-Gîladê standin. Roja ku Filîstiyan li Çiyayê Gilboayê Şawûl kuşt, cendekê wî û cendekê kurê wî, li qada Bêtşeanê daleqandibûn. Xelkê Yavêş-Gîladê jî cendek bi dizî ji wir anîbûn.

Padîşah I, 9:15

Sedema ku Silêmanê Padîşah suxrevan berhev dikirin ew bû ku Mala Xudan, qesra xwe, Mîllo, dîwarê Orşelîmê, Hasorê, Megîddoyê û Gezerê ava bikin.

Padîşah II, 9:27

Gava Ahazyayê Padîşahê Cihûdayê ev yek dît, ber bi riya Bêthagganê ve reviya. Yêhû da pey wî û got: “Wî jî bikujin.” Li nêzîkî Yîvleamê, di hevrazê Gûrê de, di erebeyê de lê xistin. Bi birîndarî heta Megîddoyê reviya û li wê derê mir.

Dîrok I, 6:70

Ji nîveşîra Minaşşe, Anêr û mêrgên wê û Bîlam û mêrgên wê dan binemalên mayî yên Qohatiyan.

Dîrok I, 7:29

herwiha li ser sînorên eşîra Minaşşeyiyan, Bêtşean û gundên wê, Taenax û gundên wê, Megîddo û gundên wê, Dor û gundên wê bûn. Kurên Ûsivê kurê Îsraêl li van bajaran rûniştin.

Zebûr 83:10

Ew li Endorê helaq bûn, Ji bo axê bûn hok.

Yêremya 49:2

Gotina Xudan ev e: “Va ye roj tên ku ezê qîrîna şer Li dijî Rabbaya Emmoniyan bidim bihîstin. Wê Rabba bibe xirbeyekî demên berê û gundên wê bên şewitandin. Paşê wê gelê Îsraêl, kesên ew qewitandiye biqewitîne.” Ev e gotina Xudan.

Zekeriya 12:11

Wê rojê şîna ku li Orşelîmê tê kirin, wê mîna şîna li Hadad-Rîmmona Deşta Megîddoyê, mezin be.

Yêşû 11:2

ji padîşahên herêma çiyayî ya bakur, padîşahên Eravaya ku li başûrê Gola Kînneretê ye, padîşahên Şefêlaya bakur, padîşahên Nafot-Dora ku li rojava ye,

Yêşû 12:21

Padîşahê Taenaxê, Padîşahê Megîddoyê,

Yêşû 12:23

Padîşahê Dorê ya li Nafat-Dorê, Padîşahê Goyîmê ya li Gîlgalê

Yêşû 16:9

Herwiha bajar û gundên di nav mîrasa Minaşşeyiyan de hebûn ku ji Efrayîmiyan re ketine.

Yêşû 17:10

Axa li başûr ya Efrayîmiyan, ya li milê bakur ya Minaşşeyiyan bû. Bi vî awayî axa Minaşşeyiyan ji Derya Spî destpê dikir, ji aliyê bakur ve digihîşt axa Aşêriyan, ji aliyê rojhilat ve jî digihîşt axa Îssexariyan.

Yêşû 17:16

Ûsiviyan got: “Herêma çiyayî têra me nake. Lê hem Kenaniyên Bêtşean û gundên wê, hem jî yên Deşta Yîzreyêlê xweyên erebeyên şer ên hesin ne.”

Dadger 1:27

Eşîra Minaşşe şêniyên Bêtşean û gundên wê, Taenax û gundên wê, Dor û gundên wê, Yîvleam û gundên wê û Megîddo û gundên wê neqewitandin. Kenaniyan ji bo ku li welêt bimînin, li ber xwe da.

Dadger 5:19

Ji bo şer padîşah hatin. Li Taenaxê û li ber ava Megîddoyê, Padîşahên Kenanê şer kir. Lê ne zîv û ne jî talan standin.

Samûêl I, 28:7

Li ser vê yekê Şawûl wiha emir da peywirdarên xwe: “Ji min re jineke cinbaz bibînin ku ez bi saya wê şîretê bixwazim.” Peywirdaran got: “Li Eyn-Dorê jineke cinbaz heye.”

Samûêl I, 31:10

Çekên Şawûl xistin perestgeha Eştoretê û cendekê wî li ser sûra Bêtşeanê mîx kir.

Samûêl I, 31:12

hemû mêrxas rabûn û bi şev çûn Bêtşeanê. Wan cendekên Şawûl û kurên wî ji sûrê daxistin, birin Yavêşê û li wir şewitandin.