Yêşû 11:6 - Kurmanji Încîl

⁶ Xudan ji Yêşû re got: “Ji wan netirse. Ezê sibê vî çaxî hemûyan li ber Îsraêliyan bişikênim. Hûnê hespên wan seqet bikin û erebeyên wan ên şer bişewitînin.”

Yêşû 11:6 ပူးပေါင်းရင်းမြစ်များ

Samûêl II, 8:4

Dawid hezar û heft sed siwarî û bîst hezar leşkerên peya jê girtin. Ji bilî sed hespên erebeyên şer, wî hemû hesp seqet kirin.

Padîşah II, 6:16

Wî got: “Netirse, çimkî yên me, ji yên wan zêdetir in.”

Zebûr 46:10

«Bîhnfireh bin û bizanibin ku ez im Xwedê, Ezê bilind bibim li nav netewan, Bilind bibim li rûyê erdê!»

Zebûr 46:11

Xudanê ordiyan bi me re ye, Xwedayê Aqûb birca me ye.

Zebûr 46:9

Şeran dide rawestin li çar aliyên dinê, Kevan dişikêne, perçe dike riman. Dişewitîne erebên cengê, bi agiran.

Methelokên 20:7

Kesê rast di riya kamiliyê de diçe, Xwezî bi wan kuran ku li pey wî tên!

Îşaya 30:16

We got: ‘Na! Emê li hespan siwar bibin û birevin.’ Belê hûnê bi rastî jî birevin. We got: ‘Emê li hespên beza siwar bibin.’ Belê kesên dane pey we jî wê lingsivik bin.

Îşaya 31:1

Wey li wan ku ji bo alîkariyê diçin Misrê, Xwe dispêrin hespan. Ji ber ku pir in, bi erebeyên hespan, Ji ber ku pir hêzdar in, bi siwaran ewle ne. Lê li Pîrozê Îsraêl nanêrin, Li Xudan nagerin.

Hoşêya 14:3

Aşûr nikare me rizgar bike. Emê li hespan siwar nebin, Êdî emê ji keda destê xwe re nebêjin: ‘Xwedayê me!’ Çimkî sêwî bi te re rehmê dibîne.

Nahûm 2:13

Gotina Xudanê Karîndar ev e: “Va ye ez li dijî te me, Ezê erebeyên te yên şer di nav dûyê de bişewitînim Û şûr wê şêrên te yên ciwan daqurtînin. Ezê ji ser rûyê erdê nêçîra te rakim Û êdî wê dengê qasidên te neyê bihîstin.”

Dubarekirina Şerîetê 7:16

Hûnê hemû gelên ku wê Xwedayê we Xudan bide destê we tune bikin. Li ber wan nekevin û xulamiya îlahên wan nekin. Çimkî wê ev ji bo we bibe dafik.

Yêşû 10:8

Xudan ji Yêşû re got: “Ji wan netirse. Min ew dan destê te. Wê tu kes ji wan nikaribe li ber te bisekine.”

Yêşû 11:5

Ev hemû padîşah bûn yek, hatin li ber keviyên ava Mêromê û artêşgehên xwe danîn ku li dijî gelê Îsraêl şer bikin.

Yêşû 11:7

Îcar Yêşû bi tevahiya artêşa xwe re, li ber keviyên ava Mêromê jinişkave bi ser wan ve çû û êrîşî wan kir.

Yêşû 11:9

Çawa ku Xudan lê emir kiribû, Yêşû wiha kir. Wî hespên wan seqet kirin û erebeyên wan ên şer şewitandin.

Yêşû 3:5

Yêşû ji gel re got: “Xwe pîroz bikin, çimkî wê sibê di nav we de Xudan kerametan bike.”

Dadger 20:28

û Pînehasê kurê Êlezarê kurê Harûn li ber wê nobedarî dikir.– Wan got: “Em dîsa li dijî Binyamîniyên pismamên xwe şer bikin an na?” Xudan got: “Şer bikin, çimkî ezê wan sibê bidim destê we.”

Dadger 7:9

Wê şevê Xudan ji Gîdyon re got: “Rabe, êrîşî artêşgehê bike. Çimkî min ew dan destê te.

Samûêl I, 11:9

Ji qasidên Yavêşî re wiha gotin: “Ji xelkê Yavêş-Gîladê re bêjin: ‘Heta sibê nîvro hûnê rizgar bibin.’” Gava qasid çûn û ev xeber gihandin wan, Yavêşî gelekî kêfxweş bûn.