Yêşû 11:12 - Kurmanji Încîl

¹² Çawa ku Mûsayê xulamê Xudan lê emir kiribû, Yêşû tevahiya wan padîşahan û bajarên wan desteser kirin, dan ber şûran û bi tevahî tune kirin.

Yêşû 11:12 ပူးပေါင်းရင်းမြစ်များ

Dubarekirina Şerîetê 7:2

gava Xwedayê we Xudan ew dan destê we û we li wan xist, hûnê wan bi tevahî tune bikin. Hûnê bi wan re peymanekê çênekin û li ber wan nekevin.

Dubarekirina Şerîetê 9:3

Îro bizanibin, yê ku li pêşiya we wekî agirekî ku dixwe û tune dike, Xwedayê we Xudan e. Wê wan tune bike û li ber we nizim bike. Çawa ku Xudan ji we re got, hûnê zû wan biqewitînin û tune bikin.

Yêşû 10:20

Gava Yêşû û Îsraêliyan li dijminên xwe xistin û bi dijwarî ew têk birin, kesên ji wan ên saxmayî xwe avêtin bajarên bisûr.

Yêşû 10:28

Yêşû wê rojê Maqqêda desteser kir. Wî padîşah û gelê wî da ber şûran. Wî li bajêr tu kesî nehişt, hemû kuştin. Wî ya ku anîbû serê Padîşahê Erîhayê, anî serê Padîşahê Maqqêdayê jî.

Yêşû 10:30

Xudan bajar û padîşahê wî dan destê gelê Îsraêl. Wî bajar û hemû kesên tê de dan ber şûran, tu kesî sax nehişt. Ya ku anîbû serê Padîşahê Erîhayê, anî serê padîşahê wê jî.

Yêşû 10:32

Xudan bajar da destê gelê Îsraêl û wan di roja diduyan de ew desteser kir. Çawa ku wî li Lîvnayê kiribû, bajar û hemû kesên tê de dan ber şûran.

Yêşû 10:35

Wan wê rojê bajar desteser kir û kesên tê de dan ber şûran. Çawa ku li Laxîşê kiribû, wî wê rojê hemû kesên di bajêr de bi tevahî tune kirin.

Yêşû 10:37

û desteser kir. Wî padîşahê wê, gundên wê û hemû kesên tê de dan ber şûran. Wî tu kesî sax nehişt. Çawa ku li Eglonê kiribû, wî û hemû kesên tê de bi tevahî tune kirin.

Yêşû 11:13

Lê ji bilî bajarê Hasorê yê ku Yêşû agir berdayê, gelê Îsraêl tu bajarên li ser giran neşewitandin.

Yêşû 11:15

Çawa ku Xudan li Mûsayê xulamê xwe emir kiribû, Mûsa wiha li Yêşû emir kiribû û Yêşû jî wiha kir. Wî hemû tiştên Xudan li Mûsa emir kiribûn, pêk anîn.

Yêşû 13:6

Ezê hemû şêniyên herêma çiyayî ya ji Lubnanê heta Mîsrefot-Mayîmê û hemû Saydayiyan, ji ber gelê Îsraêl biqewitînim. Tenê çawa ku min li te emir kiriye, tu van deran bi riya pişkê di nava gelê Îsraêl de parve bike.

Yêşû 21:44

Çawa ku wî ji bav û kalên wan re sond xwaribû, Xudan ji her alî ve aramî da wan. Ji dijminên wan, tu kes li ber wan nesekinî. Xudan hemû dijminên wan dan destê wan.

Yêşû 8:31

Çawa ku Mûsa li gelê Îsraêl emir kiriye, bi awayê ku di Nivîsa Şerîeta Mûsa de hatiye nivîsandin, wî gorîgeheke ji kevirên necirandî ku amûrên hesin pê nebûne çêkir. Wan tê de qurbanên aştiyê û şewitandinê pêşkêşî Xudan kirin.

Yêşû 8:8

Piştî we bajar stand, li gorî gotina Xudan, hûnê wî bişewitînin. Va ye, min li we emir kir.”

Yêşû 9:24

Wan bersiv da û got: “Ji ber ku me bi xwe jî emrê Xwedayê we Xudan li Mûsayê xulamê xwe kir bihîst. Wî li Mûsa emir kir ku ew tevahiya welatê bide we û hemû şêniyên welêt tune bike. Em ji ber canê xwe pir tirsiyan. Loma me ev yek kir.