Yêşû 10:8 - Kurmanji Încîl

⁸ Xudan ji Yêşû re got: “Ji wan netirse. Min ew dan destê te. Wê tu kes ji wan nikaribe li ber te bisekine.”

Yêşû 10:8 ပူးပေါင်းရင်းမြစ်များ

Padîşah I, 20:13

Pêxemberek nêzîkî Ahavê Padîşahê Îsraêlê bû û got: “Xudan wiha dibêje: ‘Te ev artêşa mezin dît? Va ye, îro ezê wê bidim destê te û wî çaxî tê bizanibî ku ez Xudan im.’”

Romayî 8:31

Îcar em li ser van tiştan çi bêjin? Eger Xwedê ji aliyê me ye, kî dikare li hember me be?

Dubarekirina Şerîetê 3:2

Xudan ji min re got: ‘Jê netirse, çimkî min ew, tevahiya artêşa wî û welatê wî da destê te. Tişta ku te anî serê Sîhonê Padîşahê Amoriyan ê li Heşbonê dima, tê bînî serê wî jî.’

Dubarekirina Şerîetê 7:24

Wê padîşahên wan bide destê we û hûnê navê wan li bin ezmanan tune bikin. Heta ku hûn wan tune bikin, wê tu kes li ber we nesekine.

Yêşû 10:25

Yêşû ji wan re got: “Netirsin û neşikên! Hêzdar û wêrek bin! Çimkî ya ku wê Xudan bîne serê hemû dijminên we yên ku hûn li dijî wan şer dikin, ev e.”

Yêşû 10:9

Yêşûyê ku tevahiya şevê ji Gîlgalê dihat, jinişkave êrîşî Amoriyan kir.

Yêşû 11:6

Xudan ji Yêşû re got: “Ji wan netirse. Ezê sibê vî çaxî hemûyan li ber Îsraêliyan bişikênim. Hûnê hespên wan seqet bikin û erebeyên wan ên şer bişewitînin.”

Yêşû 8:1

Xudan ji Yêşû re got: “Netirse û neşikê. Rabe, hemû şervanan hilde û here bajarê Ayê. Va ye min Padîşahê Ayê, gel, bajar û welatê wî dan destê te.

Dadger 6:16

Xudan jê re got: “Lê ezê bi te re bim. Tê Mîdyaniyan wekî zilamekî têk bibî.”

Dadger 7:9

Wê şevê Xudan ji Gîdyon re got: “Rabe, êrîşî artêşgehê bike. Çimkî min ew dan destê te.

Samûêl I, 17:47

Hemû civaka li vir wê bizanibe ku Xudan bi şûr û mertalan rizgar nake. Çimkî şer, şerê Xudan e û wê we bide destê me.”