Yêşû 10:30 - Kurmanji Încîl

³⁰ Xudan bajar û padîşahê wî dan destê gelê Îsraêl. Wî bajar û hemû kesên tê de dan ber şûran, tu kesî sax nehişt. Ya ku anîbû serê Padîşahê Erîhayê, anî serê padîşahê wê jî.

Yêşû 10:30 ပူးပေါင်းရင်းမြစ်များ

Padîşah II, 10:11

Yêhû, hemû kesên Mala Ahavê li Yîzreyêlê mayî kuştin. Heta ku tu kesê jê nemîne, hemû mezinên wî, dostên wî yên nêzîk û kahinên wî kuştin.

Hejmartin 32:22

û welat jî li ber wî bikeve dest, wî çaxî hûnê bikaribin vegerin û beramberî Xudan û gelê Îsraêl nekevin bin barekî. Wê gavê wê ev der li ber Xudan bibe milkê we.

Dubarekirina Şerîetê 2:33

Xwedayê me Xudan ew danî ber me. Me ew, kurên wî û hemû gelê wî tune kirin.

Dubarekirina Şerîetê 7:2

gava Xwedayê we Xudan ew dan destê we û we li wan xist, hûnê wan bi tevahî tune bikin. Hûnê bi wan re peymanekê çênekin û li ber wan nekevin.

Yêşû 10:28

Yêşû wê rojê Maqqêda desteser kir. Wî padîşah û gelê wî da ber şûran. Wî li bajêr tu kesî nehişt, hemû kuştin. Wî ya ku anîbû serê Padîşahê Erîhayê, anî serê Padîşahê Maqqêdayê jî.

Yêşû 10:29

Yêşû bi gelê Îsraêl re ji Maqqêdayê bi ser Lîvnayê de çû ku şer bike.

Yêşû 10:31

Yêşû bi gelê Îsraêl re ji Lîvnayê çû Laxîşê. Wî li dijî bajêr artêşgeh ava kir û şer kir.

Yêşû 11:12

Çawa ku Mûsayê xulamê Xudan lê emir kiribû, Yêşû tevahiya wan padîşahan û bajarên wan desteser kirin, dan ber şûran û bi tevahî tune kirin.

Yêşû 12:15

Padîşahê Lîvnayê, Padîşahê Edûllamê,

Yêşû 8:24

Paşê gelê Îsraêl hemû şêniyên Ayê ku li beriyê dabûn pey wan kuştin û tevahiya wan dan ber şûran, tevahiya gel vegeriya Ayê û kesên di bajêr de mabûn, dan ber şûran.

Yêşû 8:29

Wî Padîşahê Ayê bi darekê ve daleqand û heta êvarê li wir hişt. Gava roj çû ava wî emir kir û wan cendekê wî ji darê anî xwarê û avêt ber dergehê bajêr. Wan li ser cendek şikêreke keviran çêkir ku heta îro jî dimîne.

Yêşû 9:3

Lê gava şêniyên Gîvonê tişta ku Yêşû aniye serê Erîha û Ayê bihîst,