Yêşû 10:3 - Kurmanji Încîl

³ Li ser vê yekê Adonî-Sedeqê Padîşahê Orşelîmê ji Hohamê Padîşahê Hevronê, Pîramê Padîşahê Yarmûtê, Yafiyayê Padîşahê Laxîşê û Devîrê Padîşahê Eglonê re xeber şand û got:

Yêşû 10:3 ပူးပေါင်းရင်းမြစ်များ

Destpêk 23:2

Sara li Qîryat-Arbayê –ku Hevron e– li welatê Kenanê mir. Îbrahîm şîna wê kir û li ser giriya.

Destpêk 37:14

Aqûb got: “Here binêre ka birayên te û pez bi silamet in. Ji min re xeberekê bîne.” Bi vî awayî wî ew ji Deşta Hevronê şand. Çaxê Ûsiv gihîşt Şexemê,

Samûêl II, 2:11

Dawid li Hevronê li ser Mala Cihûda heft sal û şeş mehan padîşahî kir.

Padîşah II, 18:14

Gava Padîşahê Aşûrê li bajarê Laxîşê bû, Hîzqiyayê Padîşahê Cihûdayê qasid şandin û jê re got: “Ez sûcdar im! Bela xwe ji min veke, çi bar bikeve ser milê min ezê bidim.” Padîşahê Aşûrê, sê sed telant zîv û sî telant zêr xist stûyê Hîzqiyayê Padîşahê Cihûdayê.

Padîşah II, 18:17

Padîşahê Aşûrê serfermandar, serkarmend û fermandarê xwe bi artêşa mezin re ji Laxîşê şand Orşelîmê ba Hîzqiyayê Padîşah. Ew rabûn hatin Orşelîmê. Li ber Zeviya Kincşûştinê li ber coya li ba Hewza Jorîn sekinîn.

Yêremya 34:7

Wê gavê artêşa Padîşahê Babîlê li dijî Orşelîmê û li dijî Laxîş û Ezêqayê şer dikir ku bajarên Cihûdayê bûn ku hê neketine dest. Wê gavê di nav bajarên Cihûdayê yên bisûr de tenê ev mabûn.

Mîxa 1:13

Laxîşîno! Hespên beza bi erebeyên şer ve girê bidin. We cara yekem Siyona keç xist nava gunehan, Hûn bûn sedema serhildana gelê Îsraêl!

Hejmartin 13:22

Herwiha wan Negevê derbas kir û hatin Hevrona ku ji binemalên Enaqiyan; Ahîman, Şêşay û Talmay li wir diman. –Hevron heft sal beriya Bajarê Soanê hatibû avakirin ku ew bajar li Misrê bû.–

Yêşû 10:1

Gava Adonî-Sedeqê Padîşahê Orşelîmê bihîst ku Yêşû Ayê desteser kir, bi tevahî tune kir û çawa ku anîbû serê bajarê Erîhayê û padîşahê wê, wisa jî anî serê Ayê û padîşahê wê, herwiha gava bihîst ku şêniyên Gîvonê ku bi gelê Îsraêl re peymaneke aştiyê çêkiriye û pê re ye,

Yêşû 10:23

Wan wiha kir û her pênc padîşah; Padîşahê Orşelîmê, Padîşahê Hevronê, Padîşahê Yarmûtê, Padîşahê Laxîşê û Padîşahê Eglonê ji şikeftê deranîn û anîn ba Yêşû.

Yêşû 10:34

Yêşû bi gelê Îsraêl re ji Laxîşê çû Eglonê. Wî li dijî bajêr artêşgeh ava kir û şer kir.

Yêşû 10:5

Paşê pênc padîşahên Amoriyan –padîşahên Orşelîm, Hevron, Yarmût, Laxîş û Eglonê– artêşên xwe civandin û çûn. Wan li dijî Gîvonê artêşgehê xwe ava kir û şer kir.

Yêşû 14:15

Navê Hevronê yê berê Qîryat-Arba bû. Arba navê mirovê herî mezin ê Enaqiyan bû. Bi vî awayî şer qediya û welat di nav aştiyê de ma.

Yêşû 15:54

Hûmta, Qîryat-Arba –ku Hevron e– û Sîor; bi gundên xwe ve neh bajar.

Yêşû 15:63

Lê Cihûdayiyan Yevûsiyên ku li Orşelîmê rûdiniştin neqewitandin. Yevûsî heta îro jî di nav Cihûdayiyan de li Orşelîmê dimînin.

Yêşû 18:28

Sêla, Haelef, Yevûs –ku Orşelîm e– Gîva û Qîryat; bi gundên xwe ve çardeh bajar. Mîrasa binemalên Binyamîniyan ev bû.