Yêşû 10:12 - Kurmanji Încîl

¹² Roja Xudan Amorî dan destê gelê Îsraêl, Yêşû li ber çavê gelê Îsraêl ji Xudan re got: “Ya roj, tu bisekine li ser Gîvonê, Ya heyv, tu jî li Deşta Ayalonê.”

Yêşû 10:12 ပူးပေါင်းရင်းမြစ်များ

Samûêl II, 2:12

Avnêrê kurê Nêr, bi zilamên Îşboşetê kurê Şawûl re ji Mahanayîmê çû Gîvonê.

Padîşah II, 20:10

Hîzqiya got: “Deh derence dirêjbûna siyê hêsantir e, bila deh derence kurt be.”

Padîşah II, 20:11

Li ser vê yekê Îşayayê Pêxember ji Xudan lava kir. Xudan siya ji derenceyên Ahaz berjêr bûbû, deh derence kurt kir.

Padîşah II, 20:9

Îşaya got: “Ji bo te nîşana ku Xudan soza xwe pêk bîne ev e: Bila siya rojê, deh derence dirêj be yan deh derence kurt be?”

Dîrok I, 8:13

Beriya û Şemayê ku serekên binemalên li Ayalonê diman. Wan şêniyên Gatê revandin.

Eyûb 9:7

Ew li rojê emir dike, roj dernakeve Û stêran mor dike û dinixême.

Zebûr 148:3

Ey roj û hîv, pesnê wî bidin, Ey hemû stêrên birqok, pesnê wî bidin!

Zebûr 19:4

Belê dengê wan belav dibe li tevahiya dinê, Û dengê wan diçe heta dawiya cîhanê. Xwedê, ji bo rojê li ezmanan çadir danî.

Zebûr 74:16

Roj ya te ye, şev jî ya te, Roj û ronahî te amade kir.

Îşaya 28:21

Çimkî Xudan Çawa li Çiyayê Perasîmê rabû, Wê rabe. Çawa li Deşta Gîvonê hêrs bû, Wê hêrs bibe. Wê karê xwe temam bike, Karekî wî çiqas ecêb e! Wê xebata xwe temam bike, Xebata wî ewqas balkêş e!

Îşaya 38:8

Ezê siya tavê ya ku dikeve ser derenceyên Ahaz deh derence kêm bikim.’” Bi vî awayî siya tavê ya li ser derenceyan deh derence kêm bû.

Îşaya 60:20

Êdî wê roja te neçe ava Û heyva te xwe nede alî. Çimkî wê Xudan bibe ronahiya te ya herheyî, Wê rojên te yên şînê xilas bin.

Yêremya 28:1

Wê salê, di destpêka padîşahiya Sîdqiyayê Padîşahê Cihûdayê de, di meha pêncan a sala çaran de, Hananyayê Pêxember ê kurê Ezzûrê Gîvonî, li Mala Xudan, li ber kahin û tevahiya gel ji min re got:

Amos 2:9

Lê min li ber wan Amorî tune kirin. Tevî ku bilindahiya wan bi qasî dara sedrê Û hêza wan wekî darmaziyê jî bûn, Min li jor fêkiyên wan, Li jêr koka wan ziwa kirin.

Amos 8:9

Gotina Reb Xudan ev e: “Wê rojê ezê danê nîvro rojê bibim ava Û dema tav û rojê erdê tarî bikim.

Habaqûq 2:20

“Xudan di Perestgeha xwe ya pîroz de ye. Bila tevahiya dinyayê li ber wî bêdeng be!”

Habaqûq 3:11

Ji ber biriqîna tîrên te yên hildifirin, Ji ber şewqa rima te ya dibiriqe, Roj û heyv li cihên xwe sekinîn.

Zekeriya 2:13

Hemû beşer, li ber Xudan hiş bin! Ji ber ku ew ji warê xwe yê pîroz rabû û tê.

Dubarekirina Şerîetê 17:3

ango kesê here ba îlahan û li ber wan çok bide –çi roj, çi heyv, an jî çi nexşên ezmanan bin ku min ew li wan qedexe kiriye–

Dubarekirina Şerîetê 4:19

Gava hûn bala xwe bidin ezmanan û roj, heyv, stêr û hemû nexşên li ezmanan bibînin, ji rê dernekevin! Li ber wan xwe netewînin û ji wan re xulamiyê nekin. Jixwe van tiştan Xwedayê we Xudan wekî par da hemû gelên bin ezmanan.

Yêşû 10:13

Wê gavê heta gel heyfa xwe ji dijminên xwe stand, roj sekinî û heyv li cihê xwe ma. Ev yek di Nivîsa Yaşar de jî hatiye nivîsandin. Roj di nava ezmanan de sekinî û bi qasî tevahiya rojekê bi derengî çû ava.

Yêşû 19:42

Şaelabbîn, Ayalon, Yîtla,

Yêşû 21:24

Ayalon û mêrgên wî û Gat-Rîmmon û mêrgên wî; çar bajar,

Dadger 12:12

Gava mir, li Ayalona welatê Zevûlon hat veşartin.

Dadger 5:20

Ji ezmanan stêr beşdarî şer bûn, Wan ji şopên xwe li dijî Sîsera şer kir.

Samûêl I, 12:18

Samûêl gazî Xudan kir û Xudan wê rojê gurmînî da ezmanan û baran şand. Temamiya gel ji Xudan û Samûêl gelekî tirsiya.

Samûêl I, 14:31

Wê rojê gelê Îsraêl ji Mîkmasê heta Ayalonê Filîstî têk birin. Lê leşker ji hal ketibûn.