Yêşû 1:6 - Kurmanji Încîl

⁶ Hêzdar û wêrek be. Çimkî diyarê ku min ji bav û kalên wan re sond xwar ku ezê bidim wan, tê wan bibî wî welatê ku ji xwe re bikin milk.

Yêşû 1:6 ပူးပေါင်းရင်းမြစ်များ

Destpêk 12:7

Xudan li Avram xuya bû û got: “Ezê vî welatî bidim ziriyeta te.” Avram li wir ji Xudan re gorîgehek çêkir ku lê xuya bû.

Destpêk 26:3

Bi xerîbî li vê derê bimîne. Ezê bi te re bim û te pîroz bikim. Ezê van hemû herêman bidim te û ziriyeta te. Ezê wê sonda ku min ji bavê te Îbrahîm re xwar bînim cih.

Samûêl II, 10:12

Hêzdar bin! Ji bo xatirê bajarên gelê xwe û Xwedayê xwe, divê em wêrek bin! Bila Xudan bi ya xwe bike.”

Padîşah I, 2:2

“Wekî her kesî ezê jî, ji vê dinyayê herim. Tu hêzdar û mêrxas be.

Dîrok I, 22:13

Heke tu qanûn û hikmên ku Xudan ji bo gelê Îsraêl li Mûsa emir kir, pêk bînî, wê karê te baş pêşve here. Hêzdar û wêrek be, netirse û neşikê.

Dîrok I, 28:10

Niha binêre! Çimkî Xudan ji bo ku maleke pîrozgehê ava bike, tu hilbijartî. Hêzdar be, rabe û bike!”

Dîrok I, 28:20

Dawid ji Silêmanê kurê xwe re got: “Hêzdar û wêrek be! Here bike! Netirse û neşikê. Çimkî Xwedê Xudan, Xwedayê min bi te re ye. Heta tevahiya karê xizmeta Mala Xudan neqede, ew te bêkêr nahêle û te bernade.

Zebûr 27:14

Li benda Xudan be, Hêzdar û bizirav be; Erê li benda Xudan be!

Daniyêl 10:19

Wî ji min re got: “Netirse, tu ew kes î ku pir jê hatiye hezkirin. Silametî li ser te be. Hêzdar be, belê hêzdar be.” Çaxê ew bi min re peyivî ez hêzdar bûm û min got: “Bipeyive ezbenî, çimkî te ez hêzdar kirim.”

Hagay 2:4

Ya Zerûbbabîl tu niha wêrek be!’” Ev e gotina Xudan. “‘Ya Yêşûyê Serkahinê kurê Yehosadaq, wêrek be! Ya gelê welêt, wêrek be!’” Ev e gotina Xudan. “‘Vî karî bidomînin. Ji ber ku ez bi we re me.’” Ev e gotina Xudanê Karîndar.

Zekeriya 8:9

“Xudanê Karîndar wiha dibêje: ‘Bila destê we hêzdar be. Hûn di van rojan de wan gotinan dibihîzin ku devê pêxemberan got. Ew pêxemberên ku gava bingeha Perestgehê, hîmê Mala Xudanê Karîndar hat danîn, li wir bûn.

Hejmartin 26:53

“Li gorî hejmara navên wan, wê welat bi mîrasî li wan bê parvekirin.

Hejmartin 33:53

Hûnê welêt ji xwe re bikin milk û lê rûnin. Çimkî min ew der bi milkî da we.

Korîntî I, 16:13

Hişyar bin, di baweriyê de hîmgirtî bin, mêrxas bin, hêzdar bin.

Efesî 6:10

Bi kurtî, bi Xudan û bi qeweta karîna wî bi hêz bibin.

Dubarekirina Şerîetê 1:21

Va ye Xwedayê we Xudan welat da we. De rabin! Çawa ku Xwedayê bavkalên we Xudan ji we re gotiye, wî ji xwe re bikin milk. Netirsin û neşikên.’

Dubarekirina Şerîetê 1:8

Va ye min ev welat da ber we. Herin wî welatî ji xwe re bikin milk ku min ji bav û kalên we Îbrahîm, Îshaq û Aqûb re sond xwaribû ku ez bidim ziriyeta wan.’

Dubarekirina Şerîetê 11:8

“Hemû emrên ez îro li we dikim pêk bînin ku hûn hêzdar bibin, herin welatê hûn derbasî wir bûbûn û ji xwe re bikin milk.

Dubarekirina Şerîetê 31:23

Xudan li Yêşûyê kurê Nûn emir kir û got: “Hêzdar û wêrek be. Çimkî tê gelê Îsraêl bibî welatê ku min bi sond da û ezê bi te re bim.”

Tîmotʼêyo II 2:1

Îcar kurê min, tu bi wê kerema ku bi Mesîh Îsa ye, bi hêz bibe.

Yêşû 1:18

Tu çi emir bikî, her kesê guh nede gotina te û li dijî emrên te rabe, wê bê kuştin. Tenê tu hêzdar û wêrek be.”

Yêşû 1:7

Tenê hêzdar û wêrek be. Hay jê hebe ku tu tevahiya Şerîeta xulamê min Mûsa li te emir kir, pêk bînî. Ji wê bi milê çep û rastê ve averê nebe ku li her dera tu diçî de bi ser bikevî.

Yêşû 1:9

Ma min ji te re negot hêzdar û wêrek be? Netirse û neşikê. Çimkî li her dera ku tu bimeşî, Xwedayê te Xudan bi te re ye.”

Yêşû 10:25

Yêşû ji wan re got: “Netirsin û neşikên! Hêzdar û wêrek bin! Çimkî ya ku wê Xudan bîne serê hemû dijminên we yên ku hûn li dijî wan şer dikin, ev e.”

Yêşû 13:6

Ezê hemû şêniyên herêma çiyayî ya ji Lubnanê heta Mîsrefot-Mayîmê û hemû Saydayiyan, ji ber gelê Îsraêl biqewitînim. Tenê çawa ku min li te emir kiriye, tu van deran bi riya pişkê di nava gelê Îsraêl de parve bike.

Yêşû 18:3

Yêşû ji gelê Îsraêl re got: “Hûnê heta kengê tiral bin û welatê ku Xwedayê bavkalên we Xudan daye we ji xwe re nekin milk?

Yêşû 21:43

Bi vî awayî Xudan tevahiya welêt da bav û kalên Îsraêliyan ku ji wan re sond xwar. Îsraêliyan jî ew ji xwe re kirin milk û tê de rûniştin.

Yêşû 5:6

Çil salan, heta ku tevahiya gel û şervanên ji Misrê derketibûn mirin, Îsraêlî li beriyê geriyan. Wan guhdariya dengê Xudan nekir û Xudan sond xwar ku wê welatê ku şîr û hingiv jê diherike û ji bav û kalên me re soz dabû ku wê bide me, nîşanî wan nede.

Samûêl I, 4:9

Bi hêz bin Filîstîno, mêrxas bin! An na, Îbraniyan çawa serî li ber we tewand, hûnê jî wisa serî li ber wan bitewînin. Ji ber vê yekê bi mêrxasî şer bikin!”