Yêşû 1:4 - Kurmanji Încîl

⁴ Wê ji beriyê heta herêma çiyayî ya Lubnanê, ji Çemê Mezin ê Feratê bigire –tevahiya welatê Hîtîtiyan jî di nav de– wê aliyê rojava heta Derya Spî bibe sînorên we.

Yêşû 1:4 ပူးပေါင်းရင်းမြစ်များ

Padîşah I, 10:29

Erebeyeke şer bi şeş sed şekel zîvî, hespek jî bi sed û pêncî şekel zîvî ji Misrê dihatin anîn. Bazirganan ew difirotin hemû padîşahên Hîtîtî û Aramiyan.

Padîşah I, 4:21

Silêman, ji Feratê heta welatê Filîstiyan, heta sînorê Misrê jî, li ser hemû padîşahiyan serwer bû. Wan bac anîn û di tevahiya jiyana xwe de xizmeta Silêman kirin.

Dîrok I, 18:3

Dawid, li nêzîkî Hamayê Hadadezerê Padîşahê Sovayê têk bir. Wî dixwest padîşahiya xwe heta Çemê Feratê xurt bike.

Dîrok I, 5:9

Li rojhilat, ji Feratê heta axa ku digihîje çolê diman. Çimkî heywanên wan li diyarê Gîladê zêde bûn.

Ezra 4:20

Li ser Orşelîmê padîşahên hêzdar hebûn ku serweriyê li ser tevahiya herêma rojavayê Feratê kirin. Ji wan re bac û xerac jî dihat dayîn.

Derketin 23:31

“Ezê sînorên te ji Derya Sor heta Derya Filîstiyan, ji beriyê heta Feratê deynim. Ezê şêniyên welêt bidim destên we ku tê ji pêş xwe biqewitînî.

Dubarekirina Şerîetê 1:7

De rabin bi rê bikevin. Herin herêma çiyayî ya Amoriyan û gelên derdorê –Erava, herêma çiyayî, Şefêla, Negev û keviya Derya Spî– welatê Kenaniyan û Lubnanê û heta ber Çemê mezin ê Feratê.

Dubarekirina Şerîetê 11:24

Her cihê pehniya piyê we lê bikeve, wê bibe ya we. Wê sînorên we ji beriyê heta Lubnanê, ji Çemê Feratê heta Derya Spî dirêj bibin.

Dubarekirina Şerîetê 3:25

Destûr bide ku ez derbas bibim û welatê qenc ê li aliyê din ê Çemê Şerîayê, herêma çiyayî ya xweş û Lubnanê bibînim.’

Peyxam 9:14

Deng ji milyaketê şeşan re, yê ku borî di destê wî de bû got: «Wan çar milyaketên ku li ba çemê Firatê yê mezin girêdayî ne, veke.»