Yêşû 1:14 - Kurmanji Încîl

¹⁴ Wê jinên we, zarokên we û heywanên we li rojhilatê Çemê Şerîayê bimînin ku wî ew ax da we. Îcar hûn, hemû mêrxasên şervan bi çekên xwe, beriya birayên xwe çêm derbas bikin.

Yêşû 1:14 ပူးပေါင်းရင်းမြစ်များ

Derketin 13:18

Xwedê gel di riya beriyê re, ber bi Derya Sor ve bir. Îsraêliyên çekdar ji welatê Misrê derketibûn.

Hejmartin 32:26

Wê jinên me, zarokên me, keriyên me û hemû heywanên me yên din li vir, li bajarên Gîladê bimînin.

Dubarekirina Şerîetê 20:8

“Wê peywirdar berdewam bikin û bêjin: ‘Kesê tirsonek û newêrek heye? Bila bizivire here mala xwe ku dilên birayên wî, wekî dilê wî nehelin.’

Dubarekirina Şerîetê 3:19

Bila tenê jin, zarok û heywanên we –ez dizanim gelek heywanên we hene– li bajarên ku min dane we bimînin.

Dubarekirina Şerîetê 33:21

Wî ya herî bijare, ji bo xwe hilbijart. Li wir para serweriyê hatiye terxankirin. Çaxê serekên gel civiyan, Wî rastî û edaleta Xudan Ji bo gelê Îsraêl pêk anî.”

Yêşû 1:13

“Gotina ku Mûsayê xulamê Xudan li we emir kir bi bîr bînin ku digot: ‘Wê Xwedayê we Xudan vî welatî bide we û we bigihîne rihetiyê.’

Yêşû 1:15

Çawa ku Xudan rihetî daye we, gava bide wan û ew jî axa ku Xwedayê we Xudan dide wan, ji xwe re bikin milk, hûnê ji wan re bibin alîkar. Wî çaxî hûnê vegerin ser axa xwe û ji xwe re bikin milk. Çimkî Mûsayê xulamê Xudan ev axa li rojhilatê Çemê Şerîayê daye we.”

Yêşû 4:12

Çawa ku Mûsa li wan emir kiribû, eşîrên Gad, Rûbên û nîveşîra Minaşşe bi çekên xwe hatin pêşiya gelê Îsraêl.

Peyxam 17:4

Jinik bi cilên binefşî û sor hatibû wergirtin û bi zêr, bi kevirên hêja, bi lal û duran hatibû xemilandin û kaseke zêrîn di destê wê de bû. Kas jî tije tiştên mekruh û tiştên fuhûşiya wê yên murdar bû.