Yêremya 9:23 - Kurmanji Încîl

²³ Xudan wiha dibêje: “Bila şehreza bi şehrezayiya xwe, Mêrxas bi mêrxasiya xwe Û dewlemend bi dewlemendiya xwe pesnê xwe nede.

Yêremya 9:23 ပူးပေါင်းရင်းမြစ်များ

Eyûb 32:13

Nebe hûn bêjin: ‘Me şehrezayî dît, Bila Xwedê wî têk bibe, ne mirov.’

Eyûb 41:15

Pişta wî bi rêzên pûlikan hatiye çêkirin Ku bi morê hatiye girtin.

Zebûr 33:5

Ji rastî û edaletê hez dike, Heskirina wî dinê tije dike.

Zebûr 34:3

Bi min re mezinahiya Xudan bidin bihîstin, Em bi hev re navê wî bilind kin.

Zebûr 44:9

Lê niha te em berdan, em riswa kirin, Bi ordiyên me re, tu naçî şer.

Zebûr 62:10

Pişta xwe nedin zordariyê, pesnê xwe nedin bi talanê, Serwet zêde bibe jî, dilê xwe pê ve girê nedin.

Methelokên 11:4

Di roja xezebê de serwet bi kêrî tiştekî nayê, Lê rastî ji mirinê rizgar dike.

Methelokên 21:30

Ne şehrezayî, ne fêmdarî, ne jî şêwir heye Ku li dijî Xudan bi ser bikeve.

Methelokên 3:5

Bi hemû dilê xwe ewle be bi Xudan, Xwe nespêre fêmdariya xwe.

Waiz 2:19

Kî dizane ka wê şehreza yan bêaqil be? Dîsa jî wê li ser her tiştî rûne ku min li dinyayê bi ked û şehrezayî dest xist. Ev jî pûç e.

Waiz 9:11

Min li ser rûyê erdê ev jî dît: Di bezînê de ne lingsivik, Ne jî di şer de mêrxas bi ser nakevin. Şehreza nên, biaqil jî dewlemendiyê bi dest naxin. Qedrê zanayan jî nayê girtin. Ya ku tê serê her kesî li gorî wext û bextê wan e.

Îşaya 10:8

Ew dibêje: “Ma hemû fermandarên min ne padîşah in?

Îşaya 20:5

Ji ber Kûşa ku pê ewle bûn û Misra ku pê pesnê xwe didan, wê bişikên û şermezar bibin.

Îşaya 47:10

“Çimkî tu bi xerabiya xwe ewle bûyî. Te got: ‘Tu kes min nabîne.’ Zanîn û şehrezabûna te tu şaş kirî. Loma te di dilê xwe de got: ‘Ez heme û ji xeynî min yeka din tuneye.’

Îşaya 5:21

Wey li wan kesan ku xwe Di çavê xwe de şehreza dibînin û fêmdar dihesibînin.

Yêremya 31:34

Wê tu kes êdî hînî bira û cîranê xwe neke û nebêje: ‘Xwedayê xwe nas bike!’ Çimkî ji biçûkan heta mezinan, Wê hemû min nas bikin.” Ev e gotina Xudan. “Çimkî ezê neheqiyên wan bibexişînim Û êdî ezê gunehên wan bi bîr neyînim.”

Yêremya 48:14

“Tu çawa dibêjî, ‘Em mêrxas in û şervanên amade ne’?

Yêremya 48:7

“Ji ber ku te xwe spart kar û xezîneyên xwe, Tê jî bêyî standin. Wê îlahê te Kemoş jî, Bi kahin û serekên xwe re sirgûn bibe.

Yêremya 49:4

Ya keça çivanok! Tu çima bi deştên xwe pesnê xwe didî? Dexlê deştên te kêm dibe. Te xwe spartiye xezîneyên xwe û dibêjî: ‘Wê kî bi ser min de were?’”

Daniyêl 3:15

Gava hûn dengê boriyê, neyê, lîrê, qanûnê, çengê, defê û dengên her cure amûrên muzîkê bibihîzin, hûn deverû herin erdê û biperizin gelek baş e! Lê heke hûn neperizin, hûnê yekser bên avêtin nav tenûra sincirî! Wî çaxî emê bibînin, wê kîjan îlah we ji destê min rizgar bike?”

Daniyêl 4:37

Ez Nebûxadnessar, ez ji Padîşahê Ezmanan re spasdar im. Ez pesnê wî didim û wî berz dikim. Çimkî hemû karên wî rastî û riyên wî dadperwerî ne. Ew dikare yên ku di riya quretiyê de dimeşin nizim bike.”

Mîxa 6:8

Mirovo! Xudan ya qenc û ya ji te dixwaze, gotiye. Ma wî nexwest ku tu edaletê pêk bînî, Ji dilovaniyê hez bikî Û bi nefsbiçûkî bi Xwedayê xwe re bimeşî?

Sefanya 1:18

Wê di roja xezeba Xudan de Zîvên wan jî, zêrên wan jî Wê nikaribe wan rizgar bike. Di agirê xîreta Xudan de Wê tevahiya welêt bê daqurtandin. Çimkî wê hemû şêniyên welêt ber bi dawiyê, Ber bi dawiyeke tirs û sawê ve bibe.

Marqos 10:24

Şagirt li van gotinên wî ecêbmayî man, lê Îsa careke din got: «Zarono! Ketina Padîşahiya Xwedê çiqas zehmet e!

Romayî 1:22

Wan digot: «Em zana ne», lê bêaqil derketin.

Korîntî I, 1:31

Ji bo vê yekê çawa ku hatiye nivîsîn: «Yê ku pesnê xwe dide, bila bi Xudan pesnê xwe bide.»

Dubarekirina Şerîetê 8:17

Di dilê xwe de nebêjin: ‘Hêz û qeweta destê min ev mal û milk da hev.’

Filîpî 3:10

Ez dixwazim Mesîh û hêza vejîna wî bizanim û bibim hevparê cefayên wî û bi mirina wî bibim wek wî,

Filîpî 3:8

Hê zêdetir, ez ji bo feyda zanîna bilind a Xudanê xwe Mesîh Îsa, her tiştî zirar hesab dikim. Di ber wî de min dev ji her tiştî berdaye û ez wan wek zibil hesab dikim, da ku ez Mesîh qezenc bikim

Tîmotʼêyo I 6:10

Çimkî hezkirina peran çavkaniyeke her cûreyê xerabiyê ye. Hinekan dilê xwe birin vê yekê, ji baweriyê ketin û bi gelek êşan cefa dan xwe bi xwe.

Samûêl I, 17:42

Ji serî heta binî temaşeyî Dawid kir. Dît ku ew bi tenê ciwanekî bedew, lihevhatî û rûsorik bû, lewma wî ew kêm dît.