Yêremya 51:11 - Kurmanji Încîl

¹¹ “Tîran tûj bikin! Tîrdankan tije bikin! Xudan ruhê padîşahên Medan hişyar kir, Armanca wî hilweşandina Babîlê ye. Çimkî ev heyfa Xudan e, Heyfa Perestgeha wî ye.

Yêremya 51:11 ပူးပေါင်းရင်းမြစ်များ

Padîşah I, 11:14

Xudan Hadadê Edomî li dijî Silêman derxist. Ew li Edomê ji ziriyeta padîşah bû.

Padîşah I, 11:23

Xwedê dijminekî din li dijî Silêman rakir. Ew jî Rezonê kurê Êlyada ku ji xweyê xwe Hadadezerê Padîşahê Sovayê reviyabû.

Dîrok I, 5:26

Loma Xwedayê Îsraêl ruhê Pûlê Padîşahê Aşûrê ango Tîglat-Pîleserê Aşûrî hişyar kir. Wî Gadî, Rûbênî û nîveşîra Minaşşe sirgûn kirin. Wî ew ber bi Halahê, Havûrê, Harayê û Çemê Gozanê ve ajotin. Heta niha jî li wir in.

Ezra 1:1

Di yeksaliya padîşahiya Koreşê Padîşahê Parsê de ji bo peyva xwe ya bi riya Yêremya gotiye bi cih bîne, Xudan ruhê Koreşê Padîşahê Parsê hişyar kir. Koreş ji tevahiya gelên di bin desthilatdariya wî de ne, ev nivîs daye xwendin:

Îşaya 10:26

Çawa ku wî Mîdyanî li Zinarê Orêvê têk birin, wê Xudanê Karîndar qemçî li dijî wan rake. Wê gopalê wî li ser deryayê be û wekî wî li Misrê kir, wê li dijî wan jî rake.

Îşaya 21:2

Ji min re dîtiniyeke dijwar hat eşkerekirin. Yê bêbext bêbextî dikir, Yê xerabkar xera dikir. Ya Elam, rabe! Ya Medya, dor lê bipêçe! Ezê dawiya hemû nalînên wê bînim.

Îşaya 21:5

Ew sifrê amade dikin, Xaliyan radixin, Dixwin û vedixwin. Serekno, rabin! Mertalan rûn bikin!

Îşaya 41:25

“Min li bakur kesek rakir ser lingan Û ji dera avêtina rojê tê. Wê gazî navê min bike. Çawa ku cerçêker gilê biperçiqîne, Wê were û serekan wekî heriyê Di bin lingên xwe de biperçiqîne.

Îşaya 45:1

Xudan ji kesê kifş kiriye, Ji Koreşê bi destê wî yê rastê girtiye ku Miletan li ber xwe bitewîne, Padîşahan bêçek bike Û deriyan li ber xwe veke re –Wê ew dergeh neyên girtin– wiha dibêje:

Îşaya 45:5

Xudan ez im, yekî din tuneye, Ji xeynî min Xwedê tuneye. Tevî ku tu min nas nakî, Ezê te çekdar bikim.

Îşaya 46:11

Yê ku ji rojhilat gazî teyrê dirinde, Ji welatê dûr gazî zilamê ku Pîlana min pêk bîne dike, ez im. Erê, min got û ezê bînim cih, Min şîret kir, ezê wê çêkim.

Yêremya 25:25

hemû padîşahên Zîmriyê, hemû padîşahên Elamê, hemû padîşahên Medan,

Yêremya 46:3

“Mertalên biçûk û mezin amade bikin, rabin şer!

Yêremya 46:4

Hespan amade bikin, siwar bin! Kumzirxên xwe li xwe bikin, tevdîra şer bikin! Rimên xwe tûj bikin, zirxên xwe wergirin!

Yêremya 46:9

Hespno, rabin herin! Erebeyên şer, mîna haran êrîş bikin! Bila mêrxas herin! Kûşî û Pûtî yên bimertal Û tîravêjên Lûdî herin!

Yêremya 50:25

Xudan xezîneya xwe vekir Û çekên hêrsa xwe deranîn. Çimkî li welatê Kildaniyan, Karê Xudanê Karîndar Reb heye.

Yêremya 50:3

Çimkî wê miletekî bakur bi ser wê de were Û welatê wê wêran bike. Wê tu kes tê de rûnene, Wê mirov û heywan jê birevin.”

Yêremya 50:45

Loma guh bidin pîlana Xudan a li dijî Babîlê! Guhdariya armanca wî ya li ser welatê Kildaniyan bikin: “Wê karik û berxik bên kaşkirin, Ji rûyê wan, wê mêrgên wan wêran bike.

Yêremya 50:9

Çimkî va ye, ezê ji herêma bakur, Komeke miletên mezin rakim û li dijî Babîlê derînim. Wê ji wir werin, Li dijî wê tevdîra şer bikin Û desteser bikin. Tîrên wan, wekî tîrên mêrxasan in, Wê yek jî vala nezivire.

Yêremya 51:12

Li dijî sûrên Babîlê alê daçikînin. Nobedaran xurt bikin, çavdêran bi cih bikin. Kemînan deynin, Çimkî Xudan li dijî şêniyên Babîlê gotiye, Pîlanek kiriye û pêk jî aniye.

Yêremya 51:24

“Ezê li ber çavê we, Bergîdana hemû xerabiya Babîl û Kildaniyan bidim Ku wan li Siyonê kiriye.” Ev e gotina Xudan.

Yêremya 51:35

Bila zordariya ku li bedena min hat kirin, Di stûyê Babîlê de be,” Wê şêniyên Siyon wisa bêjin! Wê Orşelîm wiha bêje: “Bila xwîna min di stûyê Kildaniyan de be.”

Yêremya 51:36

Loma Xudan wiha dibêje: “Va ye ezê doza te biparêzim û heyfa te bistînim. Ezê deryaya wê biçikînim û kaniya wê ziwa bikim.

Daniyêl 5:30

Bêlşassarê Padîşahê Babîlê wê şevê hat kuştin.

Yoêl 3:10

Hesinên gîsin bikin şûr, Kêrên xwe yên rezvaniyê bikin rim. Bila kesê qels jî bêje: Ez mêrxas im.

Yoêl 3:9

“Di nav miletan de vê yekê bibêjin: ‘Xwe ji bo şer amade bikin! Mêrxasan bixin nava tevgerê, Bila hemû şervan nêzîk bibin û herin jor.

Lêwiyî 26:25

Ezê şûr bişînim ser we ku heyfa peymanê bistîne. Heke birevin bajarên xwe jî, ezê kulê bixim nav we û hûnê bikevin destê dijmin.

Zekeriya 14:12

Wê Xudan tevahiya gelên li dijî Orşelîmê şer dikin, bi vê belayê ceza bike: Gava li ser piyên xwe disekinin wê goştê wan bihele, çavên wan birize û zimanê wan di devê wan de bihele.

Zekeriya 14:2

Ezê hemû miletan bînim ba hev ku li dijî Orşelîmê şer bikin. Wê bajar bê standin, mal bên talankirin û tecawizê jinan bê kirin. Nîvê kesên bajêr wê bên sirgûnkirin lê nîvê mayî wê neyên avêtin.