Yêremya 50:4 - Kurmanji Încîl

⁴ Gotina Xudan ev e: “Di wan rojan de, di wê demê de, Wê gelê Îsraêl û gelê Cihûda bi hev re werin. Wê bi girî werin û li Xwedayê xwe Xudan bigerin.

Yêremya 50:4 ပူးပေါင်းရင်းမြစ်များ

Zebûr 105:4

Li Xudan û li hêza wî bigerin, Hergav li rûyê wî bigerin!

Îşaya 14:1

Çimkî wê Xudan li ber Aqûb bikeve. Wê cardin Îsraêl hilbijêre Û wan li ser axa wan bi cih bike. Wê xerîb bi wan re bibin yek Û bi Mala Aqûb ve bên girêdan.

Îşaya 45:19

Min li dereke veşartî, Li diyarê tarî negot. Min ji ziriyeta Aqûb re negot: ‘Li dereke vikîvala li min bigerin.’ Ez Xudan bi edaletê dibêjim, Tiştên rast didim bihîstin.

Îşaya 55:6

Hê ku fersenda dîtina wî heye, li Xudan bigerin, Hê ku nêzîk e gazî wî bikin.

Îşaya 63:4

Çimkî roja tolstandinê di dilê min de bû, Sala rizgarkirina min hatibû.

Yêremya 31:31

Gotina Xudan ev e: “Va ye, ew roj tên ku ezê bi Mala Îsraêl re Û bi Mala Cihûda re peymaneke nû çêkim.

Yêremya 33:15

“‘Di wan rojan de, di vê demê de, Ezê ji bo Dawid guliyekî rast bipişkivînim. Wê li welêt edalet û rastiyê pêk bîne.

Yêremya 41:6

Îsmaîlê kurê Natanya bi girî ji Mîspayê derket ku pêşwaziya wan bike. Gava rastî wan hat, ji wan re got: “Werin ba Gedalyayê kurê Ahîqam.”

Hoşêya 1:11

Gelên Cihûda û Îsraêl wê ji nû ve bibe yek. Wê ji xwe re serekekî tekane kifş bikin û wê ji welatê xwe derkevin. Ji ber ku wê roja Yîzreyêlê bibe rojeke mezin.

Hoşêya 11:10

Wê li pey Xudan bimeşin, Xudanê ku wekî şêr dike himîn. Gava ew bike gurmînî jî, Wê zarokên wî ji rojava bi lerz vegerin.

Hoşêya 3:5

Paşê wê Îsraêlî vegerin û li Xwedayê xwe Xudan û padîşahê xwe Dawid bigerin. Di rojên pêş de, wê xwe bispêrin tirs û kerema Xudan.

Hoşêya 6:1

Werin, em li Xudan vegerin. Wî em perçe kirin, Wê me baş jî bike. Wî em birîndar kirin, Wê birîna me jî bipêçe.

Yoêl 2:12

Gotina Xudan ev e: “Niha bi hemû dilê xwe, Bi rojî, bi şînê û bi girînê Li min vegerin.

Zekeriya 12:10

“Ezê ruhê kerem û lavakirinê birijînim ser Mala Dawid û şêniyên Orşelîmê ku li min, li yê ku wan qul kirine binêrin. Wê mîna kesekî ku şîna kurê xwe yê tenê dike, şînê bikin. Wekî kesê ku ji bo kurê xwe yê pêşî êşê dikişîne, wê êşê bikişînin.

یعقوب 4:9

Bi keder bin, şînê bigirin û bigirîn. Bila kenê we bibe şîn, şahiya we jî bibe melûlî.