Yêremya 50:34 - Kurmanji Încîl

³⁴ Lê rizgarkarê wan hêzdar e, Navê wî Xudanê Karîndar e. Wê esse doza wan biparêze Ku ji dinyayê re rihetiyê Û ji şêniyên Babîlê re nerihetiyê bîne.”

Yêremya 50:34 ပူးပေါင်းရင်းမြစ်များ

Eyûb 19:25

Ez dizanim ku rizgarkarê min zindî ye, Wê di dawiyê de li ser erdê bisekine.

Zebûr 35:1

Ya Xudan, yên ku bela xwe di min didin tu bide bela wan. Yên ku bi min re şer dikin tu bike şerê wan!

Zebûr 43:1

Li doza min binêre ey Xwedê, Min biparêze li hember bêwefayan, Azad ke, ji hîlekar û neheqan.

Derketin 6:6

“Loma ji gelê Îsraêl re bêje: ‘Ez Xudan im. Ezê we ji bin barê Misriyan derînim û we ji koletiya wan azad bikim. Ezê bi zendê xwe yê dirêjkirî wan bi giranî ceza bikim û we rizgar bikim.

Methelokên 22:23

Çimkî wê Xudan doza wan binêre Û canê kesên ku ew şelandine bişelîne.

Methelokên 23:11

Çimkî Rizgarkarê wan hêzdar e, Wê doza wan li dijî te bike.

Îşaya 41:14

“Ya Aqûbê kurmê axê! Îsraêlo, netirse! Ezê alîkariya te bikim.” Ev e gotina Xudan. “Yê ku te rizgar dike, Pîrozê Îsraêl e!

Îşaya 43:14

Xudanê rizgarkarê we, Pîrozê Îsraêl wiha dibêje: “Ji bo xatirê we Ezê artêşekê bişînim Babîlê û birevînim. Ezê hemû Kildaniyan nizim bikim Ku bi gemiyên xwe qure ne.

Îşaya 44:6

Xudan, Padîşah û Rizgarkarê Îsraêlê, Xudanê Karîndar wiha dibêje: “Yê pêşî û paşî ez im. Ji xeynî min Xwedê tuneye.

Îşaya 47:4

Navê rizgarkarê me Xudanê Karîndar e, Ew Pîrozê Îsraêl e.

Îşaya 49:25

Lê Xudan wiha dibêje: “Wê dîlên destê mêrxas esse bên standin, Wê talanê zordar bê rizgarkirin. Kesê dijberiya te bike, ezê dijberiya wî bikim. Ezê zarokên te rizgar bikim.

Îşaya 51:22

Rebê te Xudan, Xwedayê te ku li doza gelê xwe dinêre wiha dibêje: “Va ye min kasa sersemiyê ji destê te stand, Tê êdî ji şerbika xezeba min venexwî.

Îşaya 54:5

Çimkî mêrê te Afirînerê te ye, Navê wî Xudanê Karîndar e. Rizgarkarê te Pîrozê Îsraêl e, Ewê ku jê re tê gotin, Xwedayê tevahiya dinyayê.

Yêremya 10:16

Para Aqûb ne wekî wan e, Çimkî Yê ku şikil dide her tiştî ew e Û Îsraêl eşîra mîrasa wî ye. Navê wî Xudanê Karîndar e.

Yêremya 15:21

Ezê te ji destê xeraban rizgar bikim Û ji kefa destê zordaran azad bikim.

Yêremya 30:20

Wê zarokên wan wekî demên berê bin, Civata wan li hizûra min qewîn be. Ezê hemû zordarên wan ceza bikim.

Yêremya 31:11

Çimkî Xudan ji bo Aqûb berdêl da Û ji destê hêzdartir ew rizgar kir.

Yêremya 31:35

Xudanê ku rojê dide ji bo ronahiya rojê Û heyv û stêr saz kirine ji bo ronahiya şevê, Yê ku deryayê tev radike ku pêlên wê bikin xuşîn Û navê wî Xudanê Karîndar e, wiha dibêje:

Yêremya 32:18

Tu bi hezaran re dilsoziyê dikî, lê bergîdana gunehên bavan tînî serê kuran. Tu Xwedayê mezin û hêzdar î. Navê te Xudanê Karîndar e.

Yêremya 48:15

Xerabkarê Moavê û bajarên wê hat Û xortên wê yên bijare ji bo ku bên serjêkirin daketin.” Ev e gotina Padîşahê ku navê wî Xudanê Karîndar e.

Yêremya 51:19

Para Aqûb ne wekî wan e, Çimkî Yê ku şikil dide her tiştî ew e Û Îsraêl eşîra mîrasa wî ye. Navê wî Xudanê Karîndar e.

Yêremya 51:36

Loma Xudan wiha dibêje: “Va ye ezê doza te biparêzim û heyfa te bistînim. Ezê deryaya wê biçikînim û kaniya wê ziwa bikim.

Lavijên Şînê 3:58

Ya Reb! Te parastina doza min kir, Te canê min rizgar kir.

Yoêl 2:11

Dengê Xudan li pêş artêşa wî bilind dibe, Artêşa wî pir zêde ye Û kesê gotina wî pêk bîne hêzdar e. Çimkî roja Xudan mezin û gelek tirsdar e, Kî dikare li ber xwe bide?

Mîxa 4:10

Ya Siyona keç! Wekî jina zarok tîne, êş û janê bikişîne! Çimkî tê niha ji bajêr derkevî û li çolan kon vedî. Tê herî Babîlê û li wê derê bêyî azadkirin. Li wir, wê Xudan te ji destê dijminên te rizgar bike.

Mîxa 7:9

Ji ber ku min li dijî wî sûc kir, Heta li doza min binêre û mafê min bistîne, Ezê li ber hêrsa Xudan xwe ragirim. Wê min derxe ronahiyê, Ezê edaleta wî bibînim.

Peyxam 18:8

Ji bo vê yekê belayên wê – Mirin, şîn û xela – wê di rojekê de bên Û ewê bi êgir bê şewitandin. Çimkî Xudan Xwedayê ku dîwana wê dike, hêzdar e.»