Yêremya 50:10 - Kurmanji Încîl

¹⁰ Wê welatê Kildaniyan bê şelandin, Wê hemû talankar têr bibin.” Ev e gotina Xudan.

Yêremya 50:10 ပူးပေါင်းရင်းမြစ်များ

Îşaya 33:23

Werîsên gemiyên te sist bûn. Nikarin binê singê zexim bikin Û babirkê vekin. Wê gavê wê talanê mezin bê parvekirin, Wê kulek jî bişelînin.

Îşaya 33:4

Çawa kulî zeviyan talan dikin, Wê malê we jî wisa bê talankirin. Wê wekî koma kuliyan, bavêjin ser we.

Îşaya 45:3

Ezê xezîneyên di tariyê de dimînin Û dewlemendiya veşartî ya sitaran bidim te Ku tu bizanibî ez, Xwedayê Îsraêl Xudan, Bi navê te gazî te dikim.

Yêremya 25:12

“Lê piştî heftê sal temam bû, ezê ji ber xerabiya wan Padîşahê Babîlê û miletê wî ceza bikim.” Ev e gotina Xudan. “Ezê welatê Kildaniyan bikim wêraneyeke herheyî.

Yêremya 27:7

Wê hemû milet jê re, ji kurê wî re û ji kurê kurê wî re xulamiyê bikin, helbet heta roja welatê wî jî were. Piştre wê gelek milet û padîşahên mezin wî bikin koleyê xwe.

Yêremya 50:26

Ji her alî ve bi ser wê de werin. Embarên wê vekin. Wekî dexlê, wê kom bi kom bikin. Bi tevahî tune bikin, bila tiştek jê nemîne.

Yêremya 50:37

Li dijî hesp û erebeyên wê, Li dijî hemû xerîbên nav wê şûrek tê Ku wê bike wekî jinan. Li dijî xezîneyên wê şûrek tê Ku wan talan bike.

Yêremya 51:24

“Ezê li ber çavê we, Bergîdana hemû xerabiya Babîl û Kildaniyan bidim Ku wan li Siyonê kiriye.” Ev e gotina Xudan.

Yêremya 51:35

Bila zordariya ku li bedena min hat kirin, Di stûyê Babîlê de be,” Wê şêniyên Siyon wisa bêjin! Wê Orşelîm wiha bêje: “Bila xwîna min di stûyê Kildaniyan de be.”

Habaqûq 2:8

Ji ber ku te gelek milet talan kirin, Her kesê ji wan sax mane jî, Wê te talan bikin. Çimkî te xwîn rijand. Te zordarî li welat, bajar û şêniyên wan kir.

Peyxam 17:16

Ew deh strûhên ku te dîtin û cenawir, wê ji fahîşeyê nefret bikin. Ewê wê tazî û şeperze bikin, wê goştê wê bixwin û wê di êgir de bişewitînin.