Yêremya 5:23 - Kurmanji Încîl

²³ Lê dilê vî gelî serhişk û serhildêr e, Ew bû serhildêr û çû.

Yêremya 5:23 ပူးပေါင်းရင်းမြစ်များ

Zebûr 78:8

Bila wek bav û kalên xwe serhişk û serhildar nebin, Ew nifş ku, bi ruhê xwe û bi dilê xwe, Ji Xwedê re dilsoz nebû.

Zebûr 95:10

Çil salan min derdê wî nifşî kişand, Min got, «Ev miletek dilşaşbûyî ye, Wan bi riyên min nizanibûn.»

Îşaya 1:5

Çima hûn dixwazin dîsa lêdan bixwin? Çima hûn serî hildidin? Serî bi tevahî nexweş, Dil bi tevahî xayîs e.

Îşaya 31:6

Îsraêlîno! Li Xudanê ku we ewqas lê bêbextî kir vegerin!

Yêremya 17:9

Dil ji her tiştî xapînoktir e, Çare jê re tuneye. Kî dikare jê fêm bike?

Yêremya 4:17

Wekî nobedarên zeviyê, Dor li Orşelîmê bipêçin. Çimkî wê li dijî min serî hilda.’” Ev e gotina Xudan.

Yêremya 5:5

Ezê herim ba mezinan û bi wan re bipeyivim. Bêguman ew riya Xudan Û hikmên edaleta Xwedayê xwe dizanin.” Lê wan jî nîr şikandiye, Wan ben qetandine.

Yêremya 6:28

Hemû jî gelekî serhildêr in, fesadiyê dikin. Wekî tûnc û hesin in, hemû xerabiyê dikin.

Hoşêya 11:7

Gelê min bi biryar e ku ji min dûr bikeve, Heke ew gazî min, gazî Yê Berz bikin jî, Ezê bi tu awayî wan bilind nekim.

Hoşêya 4:8

Bi gunehên gelê min xwe têr dikin, Ji sûckirina wan pir kêfxweş in.

Sefanya 3:1

Wey li wî bajarê serhildêr, pîs û zordar!

Dubarekirina Şerîetê 21:18

“Heke kurê zilamekî, serhişk û serhildêr be, guh nede dengê dê û bavê xwe yan terbiyekirina wan,

Dubarekirina Şerîetê 31:27

Çimkî ez bi serhişkiya we dizanim. Hê îro ez sax û di nav we de me hûn li dijî Xudan radibin, piştî mirina min ka hûnê çiqasê din serhildêr bin.

Îbranî 3:12

Birano, hay ji xwe hebin ku bi tu kesî ji we re dilekî xerab û bêbawer ê ku we ji Xwedayê jîndar bizivirîne, peyda nebe.