Yêremya 49:31 - Kurmanji Încîl

³¹ Rabin, êrîşî miletekî bikin Ku di bêxemî û ewlehiyê de rûdine.” Ev e gotina Xudan. “Dergeh û zirzeyên wan tunene, Bi tena serê xwe rûdinin.

Yêremya 49:31 ပူးပေါင်းရင်းမြစ်များ

Zebûr 123:4

Ji tinazên yên di rihetiyê de, Ji neheqiya pozbilindan, Canê me pirr têr bû.

Zebûr 73:12

Binêr, weha ne, yên xerab, Hergav rihet in, serweta xwe zêde dikin.

Îşaya 32:11

Bilerizin, jinên bêxem! Bihejin, jinên di nav ewlehiyê de dimînin! Cilên xwe derxin, Xwe tazî bikin Û çûx li navtenga xwe girê bidin!

Îşaya 32:9

Ya jinên bêxem! Rabin, dengê min bibihîzin. Keçên di nav ewlehiyê de dimînin, Guh bidin gotina min.

Îşaya 42:11

Bila deşt û bajarên wan, Dengê xwe bilind bikin, Gundên Qêdariyan jî! Bila şêniyên Selayê bi kêf biqîrin, Bila ji serên çiyayan biqîrin!

Îşaya 47:8

“Ya jina kêf û zewqê ku di ewlehiyê de rûdine Û di dilê xwe de dibêje: ‘Ez heme Û ji xeynî min, yeka din tuneye. Ezê jinebî nemînim Û windabûna zarokan nebînim’ Niha bibihîze!

Yêremya 48:11

Moav ji xortaniya xwe ve bêxem bû. Wekî şerabê, li ser ritama xwe ma, Ji ceran valayî cerên din nekirin. Ji ber ku neçû sirgûnê, Çêj ma û bêhna wê neguherî.”

Mîxa 7:14

Ya Xwedê! Bi gopalê xwe Ji gel û keriyê xwe re şivantiyê bike Ku li daristanê û li welatê berdar tenê dimîne. Wekî dema berê, bila niha jî li Başan û Gîladê biçêrin.

Nahûm 1:12

Xudan wiha dibêje: “Tevî ku ew hêzdar û zêde ne jî, Wê wekî hiriyê bên birîn, Wê derbas bibin û nemînin. Ya gelê min! Min tu nizim kiribe jî, Ezê careke din te nizim nekim.

Sefanya 2:15

Va ye bajarê ku şahiyê dikir Û difikirî ku di ewlehiyê de ye! Ev e bajarê di dilê xwe de dibêje: “Ez heme û ji bilî min kes tuneye.” Çawa bû wêraneyek Û cihekî razanê yên heywanan! Her kesê di ber re derbas dibe Wê bifîkîne û jê re tewtew bike.

Hejmartin 23:9

Ez ji ser zinaran, wan dibînim, Ji ser giran li wan dinêrim. Ew miletekî ku bi tena serê xwe dijî Û xwe di nav miletan de nahesibîne.

Dubarekirina Şerîetê 33:28

Loma wê Îsraêl di ewlehiyê de rûne, Wê kaniya Aqûb bêasteng be. Wê li welatê dexil û şeraba nû bimîne, Wê ezman li ser wî dilopên xunavê bibarîne.