Yêremya 48:44 - Kurmanji Încîl

⁴⁴ “Kesê ji sawê direve, wê bikeve çalê, Kesê ji çalê derkeve jî wê bikeve dafikê. Çimkî ezê sala cezakirinê bînim ser Moavê.” Ev e gotina Xudan.

Yêremya 48:44 ပူးပေါင်းရင်းမြစ်များ

Padîşah I, 19:17

Wê Yêhû kesê ji ber şûrê Hazaêl bifilite bikuje û Êlîşa jî kesê ji ber şûrê Yêhû bifilite bikuje.

Padîşah I, 20:30

Yên mayî reviyan nava Afêqê. Sûrên bajêr bi ser bîst û heft hezar kesên mayî ve hilweşiya. Ben-Hadad reviya, li bajêr ket odeya malekê.

Îşaya 10:3

Di roja cezakirinê de, Dema helakbûn ji dûrî ve tê serê we, Hûnê çi bikin? Ji bo alîkariyê ber bi kê ve birevin? Hebûna xwe deynin ku derê?

Îşaya 24:17

Ya şêniyên dinyayê! Saw, çal û dafik li ser we ye!

Îşaya 24:18

Kesê ji ber hewara sawê bireve, wê bikeve çalê, Wê kesê ji çalê derkeve jî bikeve dafikê. Çimkî kulekên ezmanan vebûn Û bingeha dinyayê dilerize.

Yêremya 10:15

Ew pûç û vala ne, karên hîleyê ne. Di dema cezakirina wan de wê tune bibin.

Yêremya 11:23

Wê kesek ji wan sax nemîne. Çimkî gava sala cezakirina wan were, ezê belayê bînim serê gelê Enatotê.’”

Yêremya 16:16

“Ezê gelek masîgiran bînim û wê wan bigirin.” Ev e gotina Xudan. “Piştre ezê gelek nêçîrvanan bînim û wê li ser her çiyayî, li ser her girî û di qelîştokên zinaran de nêçîra wan bikin.”

Yêremya 23:12

“Loma wê riya wan wekî riyeke şemitok be. Wê ber bi taristanê ve bêne ajotin, biterpilin û bikevin. Çimkî ezê di sala cezakirina wan de Felaketê bi ser wan de bînim.” Ev e gotina Xudan.

Yêremya 46:21

Leşkerên bipere yên di nav wan de jî Wê wekî golikên dermalekirî Bizivirin û bi hev re birevin. Wê li cihê xwe nesekinin. Çimkî roja felaketa wan, Roja wan a cezakirinê tê.

Yêremya 49:8

Ya şêniyên Dedanê! De bizivirin, birevin! Di derên kûr de xwe veşêrin! Çimkî gava ez ceza bikim, Ezê felaketa Esaw bînim serê wan.

Yêremya 50:24

Babîlê! Min ji bo te dafik danî, Te ne zanî û ketiyê. Tu hatî dîtin û girtin, Çimkî tu li dijî Xudan derketî.

Yêremya 50:27

Hemû conegayên wê bikujin, bila herin serjêbûnê! Wey li wan! Çimkî roja wan, Dema cezakirina wan hat!

Yêremya 51:18

Ew pûç û vala ne, karên hîleyê ne. Di dema cezakirina wan de wê tune bibin.

Yêremya 8:12

Ji ber kirêtiyên xwe, şermezar bûn? Lê wan qet şerm nekir. Ew nizanin rûsorbûn çi ye, Loma jî wê di nav ketiyan de bin, Gava hatin cezakirin, wê biterpilin’” dibêje Xudan.

Lavijên Şînê 3:47

Saw û çal, wêranbûn û şikestin hatin ser me.

Hoşêya 9:7

Rojên cezakirinê hatin, Rojên hesabkirinê hatin, Bila Îsraêl vê bizanibe! Lê ji ber zêdebûna sûcê te Ji ber mezinahiya dijminatiya te, Li gorî we pêxember ehmeq, Mirovê ruhanî jî dîn e!

Amos 5:19

Wekî wî mirovî ye ku ji ber şêr direve Û hirç tê pêşiya wî, Mîna zilamê ku tê malê, dest dispêre dîwêr Û mar pê vedide.

Mîxa 7:4

Çêtirê wan wekî zîwanê ye, Herî dilrastê wan mîna stiriyan e. Lê çawa ku pêxemberên wan ew hişyar kirin, Roja cezakirina wan hat. Niha şaş û metel in.