Yêremya 44:6 - Kurmanji Încîl

⁶ Loma hêrs û xezeba min di bajarên Cihûdayê û kolanên Orşelîmê de hatin rijandin û pêxistin. Bi vî awayî ew xirbe û wêrane bûn û îro jî wisa dibin.’

Yêremya 44:6 ပူးပေါင်းရင်းမြစ်များ

Îşaya 1:7

Welatê we wêran bûye, Bajarên we şewitî ne. Li ber çavê we, Xerîb axa we dixwin. Çawa ku xerîban serobino kiribin, Welat wisa wêran bûbû.

Îşaya 51:17

Rabe! Rabe! Ya Orşelîm, rabe ser lingan! Te ji destê Xudan, Ji kasa xezebê ya wî vexwar. Te şerbika sersemiyê heta ritama wê vexwar û qedand.

Îşaya 51:20

Kurên te ji hiş çûne. Ew wekî xezalên dafikan, Li ser serê her kuçeyan ketine. Bi xezeba Xudan, Bi erzşikandina Xwedayê te têr bûne.

Îşaya 6:11

Min pirsî û got: “Heta kengê ya Reb?” Wî got: “Heta bajar wêran û bêkes bimînin Û xanî bêmirov bimînin. Heta ax bi tevahî bibe wêran.

Yêremya 21:12

Ya Mala Dawid, Xudan wiha dibêje: “‘Her sibe edaletê pêk bînin, Kesê hatiye şelandin ji destê zordaran rizgar bikin. Yan na, ji ber xerabiya karên we Wê xezeba min wekî êgir rabe û bişewitîne. Wê kesê bitefîne tunebe.

Yêremya 21:5

Ezê dest û zendê xwe yê hêzdar li dijî we rakim û bi hêrs û kela xezeba xwe ya dijwar şerê we bikim.

Yêremya 34:22

Gotina Xudan ev e: “‘Va ye ezê emrekî bidim û wan vegerînim vî bajarî. Wê li dijî bajêr şer bikin, desteser bikin û bişewitînin. Ezê bajarên Cihûdayê bikim wêraneyeke bêkes.’”

Yêremya 36:7

Dibe ku ew ji Xudan re lava bikin û hemû dev ji riya xwe ya xerab berdin. Çimkî hêrs û xezeba ku Xudan li dijî vî gelî gotiye dijwar e.”

Yêremya 4:27

Çimkî Xudan wiha dibêje: “Wê tevahiya welêt wêran bibe, Lê ezê bi tevahî neqedînim.

Yêremya 4:4

Ya gelê Cihûda û şêniyên Orşelîmê! Xwe ji Xudan re pak bikin, Dilê xwe sinet bikin! Yan na, ji ber kirinên we yên xerab, Wê xezeba min wekî êgir rabe û bişewite Û kesê bitefîne tunebe.

Yêremya 42:18

“Çimkî Xwedayê Îsraêl Xudanê Karîndar wiha dibêje: ‘Çawa ku hêrs û xezeba min bi ser şêniyên Orşelîmê ve rijiya, wê bi ser kesên herin Misrê ve jî birije. Hûnê bibin nifir û nalet, mijara saw û riswabûnê. Hûnê careke din vê derê nebînin.’

Yêremya 44:22

Xudan ji ber xerabî û kirêtiyên we êdî hew ragirt, welatê we bûye wêraneya bêkes û xirbeya naletbûyî û îro jî wisa ye.

Yêremya 7:17

Ma tu nabînî ew li bajarên Cihûdayê û li kuçeyên Orşelîmê çi dikin?

Yêremya 7:20

“Loma Reb Xudan wiha dibêje: ‘Va ye, ezê li vê derê, bi ser mirovan, heywanan, darên çolê û berê axê ve hêrs û xezeba xwe birijînim. Wê bişewitîne û netefe.’

Yêremya 7:34

Ezê li bajarên Cihûdayê û kuçeyên Orşelîmê dengê kêf û şahiyê, dengê bûk û zavê nehêlim. Çimkî wê welat wêran bibe.’”

Yêremya 8:3

Wê hemû kesên ku ji vî miletê xerab sax mane, li hemû derên ku min ew ajotin, wê di saxiya xwe de, xweziya xwe bi mirinê bînin.’” Ev e gotina Xudanê Karîndar.

Lavijên Şînê 1:1

Ew bajarê ku bi mirovan tije bû, Çawa bi tena serê xwe rûdine! Di nav miletan de mezin bû, Niha wekî jinebiyekê ye! Di nav herêman de şahbanûyek bû, Niha di bin suxrevaniyê de ye.

Lavijên Şînê 1:13

Wî ji jor ve agir şand, ew ket nav hestiyên min. Wî tor danî ber lingên min û ez zivirandim. Wî ez wêran kirim, ez tevahiya rojê xayîs im.

Lavijên Şînê 5:18

Ji ber wêranbûna Çiyayê Siyonê, Li ser wî çeqel digerin.

Daniyêl 9:12

Te xerabiya mezin bi ser me de anî, gotinên ku te ji bo me û ji bo serekên me got, pêk hatin. Tişta ku hat serê Orşelîmê, li ser tevahiya rûyê erdê nehatiye serê tu bajarî.

Lêwiyî 26:28

ezê bi xezeba xwe li dijî we derkevim û ji ber gunehên we, ezê we heft qat ceza bikim.

Lêwiyî 26:31

Ezê bajarên we bikim wêrane. Ezê pîrozgehên we bikim xirbe û bêhnên we yên xweş bêhn nekim.

Nahûm 1:2

Xudan, Xwedayekî xîretkêş û heyfgir e, Xudan heyfê bistîne û tije xezeb e. Xudan heyfa xwe ji neyarên xwe distîne Û kîndarê dijminê xwe ye.

Zekeriya 1:2

“Xudan ji bav û kalên we pir hêrs bûye.

Zekeriya 1:6

Gotin û qanûnên ku min li xulamên xwe yên pêxember emir kirine, ma negihîştin bav û kalên we?’ “Loma ew jî zivirîn û gotin: ‘Xudanê Karîndar li rê û kirinên me nihêrî û ji bo me çi fikirî be kir.’”

Zekeriya 7:14

Min ew wekî bahozê avêtin nav tevahiya miletên nenas. Wan welat hişt, loma bû wêrane ku kesek here û lê bimîne nema. Welatê xweş bû wêrane.’”