Yêremya 4:18 - Kurmanji Încîl

¹⁸ “Rê û kirinên te ev anî serê te, Ev cezayê te ye. Bi rastî tehl e û gihîştiye dilê te.”

Yêremya 4:18 ပူးပေါင်းရင်းမြစ်များ

Zebûr 107:17

Hin ji wan bêaqil bûn, Ji ber sûc û xerabiyên xwe kişandin.

Methelokên 1:31

Loma wê fêkiyê riya xwe bixwin, Bi fêlbaziya xwe têr û tije bin.

Methelokên 5:22

Wê xerab bikeve dafika neheqiyên xwe Û bi benên gunehên xwe ve bê girêdan.

Îşaya 50:1

Xudan wiha dibêje: “Ka ew nivîsa jinberdanê? Ka yê ku min diya we pê berda? Min hûn firotin kîjan deyndarê xwe? Va ye hûn ji ber xerabiyên xwe hatin firotin, Ji ber serhildanên we diya we hat berdan.

Yêremya 14:16

Ew gelê ku pêxemberiyê ji wan re dikin, wê ji ber şûr û xelayê ber bi kuçeyên Orşelîmê ve bên avêtin. Wê kesekî wî gelî; jin, kur û keçên wî gelî veşêre tunebe. Çimkî ezê xerabiya wan bi ser wan de bînim.

Yêremya 2:17

Ma te dev ji Xwedayê xwe Xudanê Ku di rê de rêberiya te kir, Berneda û bi vî awayî ev neanî serê xwe?

Yêremya 2:19

Wê xerabiya te, te terbiye bike, Wê çivanokiya te erzê te bide şikandin. Bizane û bibîne, Xwedayê xwe Xudan berdan, Tiştekî xerab û tehl e. Tirsa min li ba te tuneye.” Ev e gotina Reb Xudanê Karîndar.

Yêremya 26:19

“Ma Hîzqiyayê Padîşahê Cihûdayê û gelê Cihûda ew kuşt?! Qey ew ji Xudan netirsiyan, li hizûrê wan lavayî Xudan nekir? Loma Xudan fikra xwe guhert û xerabiya ku gotibû ezê bînim serê wan, pêk nehat. Lê niha em bixwe belayeke mezin tînin serê xwe.”

Yêremya 5:19

Gava ew bêjin: ‘Çima Xwedayê me Xudan tevahiya van tiştan anîn serê me?’ tê ji wan re bêjî: ‘Çawa ku we dev ji min berda û li welatê xwe xulamiya îlahên xerîb kir, hûnê li welatekî ku ne yê we ye wisa ji xerîban re xulamiyê bikin.’

Yêremya 5:25

Neheqiyên we ew ji we dûr kirin, Gunehên we qencî ji we texsîr kir.

Yêremya 6:19

Erdo bibihîze! Va ye, ez belayekê bi ser vî gelî ve tînim, Ez berê fikrên wan tînim. Çimkî wan guhdariya gotina min nekir, Wan Şerîeta min jî red kir.

Lavijên Şînê 3:15

Wî ez bi giyayê tehl têr kirim, Wî ava zirîçkê bi min da vexwarin.

Hoşêya 7:2

Lê ew nafikirin, Ez tevahiya xerabiyên wan tînim bîra xwe. Gunehên wan ew dorpêç kirine, Va ye li ber çavê min in.