Yêremya 38:20 - Kurmanji Încîl

²⁰ Yêremya got: “Te nadin destê wan. Ji kerema xwe guh bide dengê Xudan ku ez ji te re dibêjim. Wê qencî bi te bê kirin û canê te sax bimîne.

Yêremya 38:20 ပူးပေါင်းရင်းမြစ်များ

Destpêk 12:13

Loma bêje: ‘Ez xwişka wî me’ ku ji bo xatirê te bi min qencî bikin û min sax bihêlin.”

Destpêk 19:20

Binêre, bajarekî biçûk ê ku ez birevimê li vir heye. Bi destûra te ez birevim wê derê û canê xwe rizgar bikim. Ji xwe bajarekî biçûk e.”

Methelokên 4:4

Bavê min hînî min dikir û digot: “Bila dilê te bi gotinên min re be, Emrên min pêk bîne û bijî.

Methelokên 7:2

Emrên min pêk bîne û bijî, Hînkirina min biparêze, wekî bîbika çavê xwe.

Îşaya 55:3

“Guh bidin, werin ba min. Bibihîzin ku canê we bijî! Ezê peymaneke herheyî bi we re çêkim, Ji bo xatirê dilovaniya min a dilsoz a ji Dawid re.

Yêremya 11:4

Roja min bav û kalên we ji welatê Misrê, ji êtûna helandina hesin deranî, min li wan emir kir û got: Guh bidin dengê min û her tiştê ku li we emir dikim pêk bînin ku hûn bibin gelê min û ez jî bibim Xwedayê we.

Yêremya 11:8

Lê wan guhdarî nekir û guh nedayê. Hemûyan jî da pey serhişkiya dilê xwe yê xerab. Min jî hemû gotinên vê peymanê bi ser wan de anî. Çimkî min li wan emir kir ku pêk bînin. Lê wan nekir.’”

Yêremya 26:13

Niha rê û kirinên xwe rast bikin û guh bidin dengê Xwedayê xwe Xudan. Wî çaxî wê Xudan jî fikra xwe biguherîne û pêk neyîne ku xerabiya ku gotibû wê bîne serê we.

Yêremya 38:21

Lê heke tu naxwazî teslîmê wan bibî, gotina ku Xudan ji min re got ev e:

Yêremya 7:23

Lê min ev li wan emir kir û got: Hûn guhdariya dengê min bikin û ezê bibim Xwedayê we, hûnê jî bibin gelê min. Di hemû riyên ez li we emir dikim de bimeşin ku qencî bi we bibe.

Daniyêl 4:27

Padîşahê min, bila şîreta min ji bo te xweş be: Bi kirinên rast, gunehên xwe û bi alîkariya ketiyan, xerabiyên xwe bişikêne û dev ji wan berde. Bi vî awayî belkî rihetiya te bê dirêjkirin.”

Amos 5:4

Çimkî Xudan ji Mala Îsraêl re wiha dibêje: “Li min bigerin û bijîn!

Amos 5:6

Li Xudan bigerin û bijîn! An na, wê bibe agir û bi Mala Ûsiv bikeve, Wê Bêt-Êlê daqurtîne û wê tu kes netefîne.

شُله رسولا 26:29

Pawlos lê vegerand: «Zû an dereng, ez hêvî ji Xwedê dikim ku ne tenê tu, lê hemû yên ku îro guhdariya min dikin, ev zincîr ne tê de, wek min bin.»

Korîntî II, 5:11

Îcar, ji ber ku em dizanin tirsa Xudan çi ye, em dixwazin baweriya mirovan bînin. Em ji Xwedê ve eşkere ne û hêviya min heye ku em ji wijdana we ve jî eşkere ne.

Korîntî II, 5:20

Îcar wek ku Xwedê bi devê me hêvî dike, em ji bo Mesîh qasidiyê dikin. Em ji bo Mesîh lava dikin: «Bi Xwedê re li hev werin.»

Korîntî II, 6:1

Em ên ku hevparên Xwedê yên xebatê ne, em ji we lava dikin ku hûn kerema wî badîhewa qebûl nekin.

یعقوب 1:22

Xwe nexapînin û nebin yên ku tenê peyvê dibihîzin, lê peyvê bînin cih.