Yêremya 37:7 - Kurmanji Încîl

⁷ “Xwedayê Îsraêl Xudan wiha dibêje: ‘Ji Padîşahê Cihûdayê re wiha bêje ku tu ji bo şîretê şandiye ba min: Artêşa Firewn a ku ji bo alîkariya we bi rê ket, wê vegere welatê xwe Misrê.

Yêremya 37:7 ပူးပေါင်းရင်းမြစ်များ

Padîşah II, 22:18

“Lê ji Padîşahê Cihûdayê ê ku hûn ji bo şîreta Xudan şandine re wiha bêjin: ‘Xwedayê Îsraêl Xudan wiha dibêje: Em bên ser gotinên ku te bihîstine.

Padîşah II, 24:7

Padîşahê Misrê, careke din ji welatê xwe derneket. Çimkî Padîşahê Babîlê, ji Newala Misrê heta Çemê Feratê, her tiştên wî jê standin.

Methelokên 21:30

Ne şehrezayî, ne fêmdarî, ne jî şêwir heye Ku li dijî Xudan bi ser bikeve.

Îşaya 30:7

Çimkî alîkariya Misrê pûç û beredayî ye, Loma min navê wir kir ‘Rahava Bêkêr.’

Îşaya 36:6

Va ye tu bi Misrê ewle yî. Lê kesê xwe bispêre vê şiva ji qamîşê şikestî, wê şiv di destê wî re here û qul bike. Firewnê Padîşahê Misrê, ji her kesê pê ewle ye re wisa ye.

Yêremya 2:18

Heke niha tu bidî riya Misrê Û ava Şîhorê vexwî, wê çi kar bide te? Yan çi karê te hebe ku tu bidî riya Aşûrê Û ava Çemê Feratê vexwî?

Yêremya 2:36

Veguhertina rê, Ji bo te çiqas xweş e! Çawa ku Aşûrê tu şermezar kirî, Wê Misir jî şermezariya te bike.

Yêremya 2:37

Wê destê te li ser serê te, tê ji wir jî derkevî. Çimkî kesên tu bi wan ewle yî, Xudan ew red kirin. Tê bi wan baş pêşve neçî.

Yêremya 21:1

Gava Sîdqiyayê Padîşah, Paşxûrê kurê Malkiya û Sefanyayê Kahinê kurê Maesêya şandin ba Yêremya, gotina Xudan jê re hat û got:

Yêremya 21:2

“Ji kerema xwe, ji bo me ji Xudan şîretê bixwaze. Çimkî Nebûxadnessarê Padîşahê Babîlê li dijî me şer dike. Belkî Xudan ji bo me kerameteke xwe pêk bîne ku Nebûxadnessar ji me dûr bibe.”

Yêremya 37:3

Sîdqiyayê Padîşah di wê demê de Yehûxalê kurê Şelemya û Sefanyayê Kahin ê kurê Maesêya şandin ba Yêremyayê Pêxember ku bêjin: “Ji bo me, ji Xwedayê me Xudan re dua bike.”

Yêremya 37:5

Herwiha artêşa Firewn ji Misrê derketibû û Kildaniyên ku Orşelîm dorpêç kiribû, bi bihîstina vê xeberê ji Orşelîmê vekişiyan.

Yêremya 37:6

Wê gavê gotina Xudan ji Yêremyayê Pêxember re hat û got:

Lavijên Şînê 1:7

Di rojên tengasî û bêmaliya wê de Orşelîm hemû tiştên xweş bi bîr tîne Ku di demên berê de yê wê bûn. Gava gelê wê ket destê neyarên xwe Û tu alîkarî tunebû, Neyar li rewşa wê nêrîn û bi ketina wê keniyan.

Lavijên Şînê 4:17

Ji ber bendemayîna badilhewa, roniya çavê me tefiya, Em beredayî li hêviya miletekî me rizgar neke man.