Yêremya 31:25 - Kurmanji Încîl

²⁵ Çimkî ezê bi têra xwe canê çilmisî bidim vexwarin û hemû dilên birçî têr bikim.”

Yêremya 31:25 ပူးပေါင်းရင်းမြစ်များ

Zebûr 107:9

Çimkî ew tiyan têr dike, Canê birçî bi qenciyê tije dike.

Zebûr 23:3

Teze dike canê min, Bi saya navê xwe min di riyên rast de dide meşîn.

Îşaya 32:2

Wê her yekî ji wan Wekî dereke mirov xwe ji bayê vedişêre, Wekî sitara taviyê, Wekî coyên avê yên dera ziwa, Wekî siya zinarê bilind Li dera westayiyan be.

Îşaya 40:29

Ew hêzê dide westayiyan, Qeweta bêtaqetan zêde dike.

Îşaya 41:17

“Gava bindest û hejar Li avê digerin lê tuneye Û zimanên wan ji tîbûnê ziwa dibe, Ez Xudan, ezê bersiva wan bidim. Ez Xwedayê Îsraêl, ezê wan bernedim.

Îşaya 50:4

Reb Xudan zimanê şagirtan da min Ku ez bizanibim bi peyva xwe Ji zilamê westa re bibim alîkar. Her sibe min hişyar dike, Ew guhê min hişyar dike Ku ez wekî şagirtan guhdarî bikim.

Yêremya 31:12

Wê bên û li bilindciyê Siyonê ji kêfan biqîrin, Ji bo qenciya Xudan –Dexil, şeraba nû, zeyt û berên pez û dewêr– Wê rûyê wan ronî be. Wê canê wan bibe wekî bexçeyekî avdayî Û careke din neçilmise.

Yêremya 31:14

Ezê kahinan bi rûn têr bikim, Wê gelê min bi qenciya min têr bibe.” Ev e gotina Xudan.

Metta 11:28

«Werin ba min, ey hemû yên westayî û bargiran, ezê rihetiyê bidim we.

Metta 5:6

Xwezî bi wan ên ku tî û birçiyên rastdariyê ne, Çimkî ewê bên têrkirin.

Lûqa 1:53

Yên birçî bi tiştên qenc têr kirin, Û yên dewlemend destvala rêkirin.

Yûhenna 4:14

Lê kî ji ava ku ez bidimê vexwe, tu caran tî nabe. Belê ew ava ku ezê bidim wî, wê di dilê wî de ji bo jiyana herheyî bibe kaniyeke ava ku diherike.»

Korîntî II, 7:6

Lê belê Xwedayê ku li hana şikestiyan tê, bi hatina Tîtos li hana me hat.