Yêremya 30:8 - Kurmanji Încîl

⁸ Gotina Xudanê Karîndar ev e: “Wê rojê ezê nîrê wî yê stûyê te bişikênim Û benên wî biqetînim. Êdî wê xerîb wan ji xwe re nekin kole.

Yêremya 30:8 ပူးပေါင်းရင်းမြစ်များ

Zebûr 107:14

Wî ew ji tariyê û ji bin siya mirinê deranîn, Wî şikand zîncîrên wan.

Îşaya 10:27

Wê rojê wê barê wan ji ser milê we rabe. Wê nîrê ser stûyê we ji ber xurtiya we bê şikandin.”

Îşaya 14:1

Çimkî wê Xudan li ber Aqûb bikeve. Wê cardin Îsraêl hilbijêre Û wan li ser axa wan bi cih bike. Wê xerîb bi wan re bibin yek Û bi Mala Aqûb ve bên girêdan.

Îşaya 14:25

Ezê li welatê xwe Aşûriyan bişikênim, Li çiyayên xwe wan di bin lingan de biperçiqînim. Wê nîrê wan ji ser gelê min rabe, Barê wan ji ser pişta wan rabe.

Îşaya 14:3

Di roja ku Xudan tu ji êş, derd û koletiya giran derxist û rihetî da te,

Îşaya 9:4

Çimkî çawa ku te di roja Mîdyanê de şikandin, Tê nîrê li ser wan dibe bar, Darê zilma li ser milê wan, Gopalê li ser pişta wan bişikênî.

Yêremya 2:20

“Çimkî dema berê te nîrê xwe şikand Û benên xwe qetandin. Te got: ‘Ez xulamiyê nakim.’ Tu li ser her girê bilind Û li bin her dara şîn, Razayî û fahîşetî kir.

Yêremya 25:14

Çimkî wê gelek milet û padîşahên mezin wan ji xwe re bikin kole. Ezê li gorî kar û kirinên destê wan bergîdana wan bidim.”

Yêremya 27:2

Xudan ji min re wiha got: “Ji xwe re qeyd û nîran çêke û wan deyne ser stûyê xwe.

Yêremya 27:7

Wê hemû milet jê re, ji kurê wî re û ji kurê kurê wî re xulamiyê bikin, helbet heta roja welatê wî jî were. Piştre wê gelek milet û padîşahên mezin wî bikin koleyê xwe.

Yêremya 28:10

Li ser vê yekê Hananyayê Pêxember nîr ji stûyê Yêremyayê Pêxember derxist û şikand.

Yêremya 28:13

“Here ji Hananya re bêje: ‘Xudan wiha dibêje: Te nîrê darîn şikand û di şûna wî de nîrê hesin çêkir!

Yêremya 28:4

Ezê Yehoyaxînê kurê Yehoyaqîmê Padîşahê Cihûdayê û hemû sirgûniyên Cihûdayî yên ku çûne Babîlê dîsa vegerînim.’ Ev e gotina Xudan. ‘Çimkî ezê nîrê Padîşahê Babîlê bişikênim.’”

Nahûm 1:13

Niha ezê nîrê wî yê li ser te bişikênim, Ezê benên te biqetînim.”