Yêremya 30:24 - Kurmanji Încîl

²⁴ Heta Xudan armanca dilê xwe pêk anî û xilas kir, Wê hêrsa wî ya dijwar danekeve. Di rojên pêş de hûnê vê fêm bikin.”

Yêremya 30:24 ပူးပေါင်းရင်းမြစ်များ

Destpêk 49:1

Aqûb gazî kurên xwe kir û got: “Li dora min bicivin, tiştê ku wê di rojên pêş de bê serê we, ez ji we re bêjim.

Îşaya 14:24

Xudanê Karîndar sond xwar û got: “Ez çawa fikirîbim wê wisa be, Min çawa pîlan kiribe wê pêk bê.

Îşaya 46:11

Yê ku ji rojhilat gazî teyrê dirinde, Ji welatê dûr gazî zilamê ku Pîlana min pêk bîne dike, ez im. Erê, min got û ezê bînim cih, Min şîret kir, ezê wê çêkim.

Yêremya 23:19

Va ye, bagera Xudan! Xezeba wî rabûye, Bahoza wî dizivire. Wê di serê xeraban de biteqe.

Yêremya 23:20

Heta ew armancên dilê xwe bike û pêk bîne, Wê hêrsa Xudan danekeve. Hûnê di rojên pêş de vê yekê baş fêm bikin.

Yêremya 4:28

Loma wê erd şînê bike Û ezman li jor tarî bibe. Çimkî min got û min pîlan kir. Ezê poşman nebim, Ezê dev jê bernedim.”

Yêremya 4:8

Loma çûx li xwe bikin, Şînê bikin û bikin zarîn. Çimkî hêrsa Xudan a dijwar ji ser me ranebû.

Yêremya 48:47

“Lê di rojên pêş de, Ezê Moavê vegerînim firehiya berê.” Ev e gotina Xudan. Dadbarkirina Moavê li vir xilas dibe.

Yêremya 49:37

Ezê Elamê li ber dijminên wan, Li ber kesên li pey kuştina wan, bişikênim. Ezê hêrsa xwe ya rabûyî Û xerabiyê bi ser wan de bînim.” Ev e gotina Xudan. “Heta ez wan biqedînim, Ezê şûr li pey wan bişînim.

Yêremya 49:39

“Lê di rojên pêş de, Ezê Elamê vegerînim firehiya berê.” Ev e gotina Xudan.

Lavijên Şînê 1:12

“Hemû rêwîno! Ma ev ji bo we ne tiştek e? Binêrin û bibînin Ka êş heye wekî êşa ket serê min, Ev êşa ku di roja hêrsa xwe ya dijwar de Xudan anî serê min.

Daniyêl 10:14

Niha ez hatim ku ji te re bêjim, ka wê di rojên pêş de çi bê serê gelê te. Çimkî ev dîtinî li ser wan rojan ye.”

Daniyêl 2:28

Lê li ezmanan Xwedayek heye ku siran vedike. Wî ji Nebûxadnessarê Padîşah re gotiye ka wê di rojên pêş de çi bibe. Xewn û dîtiniyên ku te di nav nivînan de dîtine, ev in:

Hoşêya 3:5

Paşê wê Îsraêlî vegerin û li Xwedayê xwe Xudan û padîşahê xwe Dawid bigerin. Di rojên pêş de, wê xwe bispêrin tirs û kerema Xudan.

Mîxa 4:1

Di rojên pêş de, Wê çiyayê Mala Xudan bê danîn Ku bibe çiyayê herî bilind. Wê bi ser hemû giran bikeve û gel biherikinê.

Hejmartin 24:14

Va ye ez diçim nav gelê xwe. De tu were ez ji te re bêjim ka wê ev gel di rojên pêş de çi bîne serê gelê te.”

Dubarekirina Şerîetê 31:29

Çimkî ez dizanim piştî mirina min hûnê bi tevahî dilxerab bibin û ji wê riya min li we emir kiriye averê bibin. Di rojên pêş de wê xerabî bên serê we, çimkî hûnê tiştên di çavê wî de xerab in bikin. Hûnê bi kirinên destê xwe, Xudan hêrs bikin.”

Dubarekirina Şerîetê 4:30

Di rojên pêş de, dema hûnê bikevin tengasiyê û wê tevahiya van tiştan bên serê we, hûnê li Xwedayê xwe Xudan vegerin û guh bidin dengê wî.

Samûêl I, 3:12

Wê rojê her tiştê ku min derbarê malbata Elî de got, ezê ji serî heta binî pêk bînim.