Yêremya 3:19 - Kurmanji Încîl

¹⁹ “Min di dilê xwe de got: “‘Min çiqas dixwest ku te bi awayekî birûmet bixim nav kurên xwe! Welatê bi dilê her kesî, Mîrasa herî xweş a miletan bidim te.’ “Min wiha jî got: “‘Tê ji min re bêjî: Bavo! Û ji pey min neqetî.

Yêremya 3:19 ပူးပေါင်းရင်းမြစ်များ

Zebûr 106:24

Hingê wan diyarê xweş biçûk dît, Bawerî bi sozê wî neanîn.

Zebûr 16:6

Çi cihên berdar bûn para min, Erê, çi xweşik e mîrasa min.

Zebûr 89:26

Ewê ji min re bêje, ‹Bavê min tu yî, Tu Xwedayê min, zinarê rizgariya min î.›

Methelokên 3:35

Wê şehreza rûmetê mîras bistînin, Lê bêaqil wê herdem şermezar bibin.

Îşaya 63:16

Çimkî bavê me tu yî, Tevî ku Îbrahîm bi me nizane Û Îsraêl me nas nake. Tu ya Xudan, tu bavê me yî. Ji demên berê ve navê te rizgarkarê me ye.

Îşaya 64:8

Lê ya Xudan, tu bavê me yî. Em gil in, tu cerçêkerê me yî, Em hemû karê destê te ne.

Yêremya 12:10

Gelek şivanan rezê min xera kir. Wan para min perçiqand, Para min a hêja kir beriya bêkes.

Yêremya 3:17

Wê demê wê ji Orşelîmê re bêjin: ‘Textê Xudan.’ Wê hemû milet li wir, bi xatirê navê Xudan li Orşelîmê bicivin û êdî wê nedin pey hişkiya dilê xwe yê xerab.

Yêremya 3:4

Ma te hema berê gazî min nekir û negot: ‘Bavo, tu ji xortaniya min ve hevalê min î.

Yêremya 31:20

“Ma kurê min ê delal ne Efrayîm e? Ma kurê min ê şîrîn ne ew e? Tevî ku li dijî wî dibêjim, Ez wî ji bîra xwe dernaxim. Loma dilê min lê tê rehmê, Ezê esse li ber wî bikevim.” Ev e gotina Xudan.

Yêremya 31:9

Wê bi girî werin, Ezê rêberiya wan bikim û wê lava bikin. Ezê wan li ba newalên avê, Di riya rast a ku neterpilin de bimeşînim. Çimkî ez ji Îsraêl re bûm bav Û Efrayîm jî kurê min ê pêşî ye.

Yêremya 33:9

Wê ev bajar ji bo min û hemû miletên dinyayê yên ku tevahiya qenciya ez bi wan dikim bibihîzin, bibe navekî şahî, berzî û pesindanê. Wê ji ber hemû xêr û qenciya ku ez didim wan, bitirsin û bilerizin.’

Yêremya 5:7

“Ez çima te bibexişînim? Kurên te dev ji min berda Û bi îlahan sond xwar ku ne Xwedê ne. Gava min ew têr kirin, wan zina kir. Ew ref bi ref çûn malên fahîşeyan.

Daniyêl 11:16

Li hember yên ku li ber wî rabûne, wê li gorî dilê xwe bike û tu kes li pêş wî nesekine. Wê bi armanca hilweşandinê Welatê Xweş dagir bike.

Daniyêl 11:41

Wê bikeve Welatê Xweş û wê gelek welat jî bikevin. Lê wê serekên Edom, Moav û Emmonê ji destê wî xilas bibin.

Daniyêl 11:45

Wê di navbera deryayê û Çiyayê Pîroz ê delal de konên padîşahiyê deynin. Lê dîsa jî wê ev bibe dawiya wan û wê tu kes alîkariya wan neke.

Daniyêl 8:9

Îcar ji qiloçekî ji wan, qiloçekî biçûk derket. Ber bi başûr, rojhilat û Welatê Xweş ve dihat û her ku diçû mezin dibû.

Hoşêya 11:8

“Ya Efrayîm, ezê çawa te bidim destan? Ya Îsraêl, ezê te çawa teslîm bikim? Ezê çawa te bikim wekî Admayê? Ezê çawa wekî Sevoyîmê bi te re tevbigerim? Dilê min peritî, Dilovaniya min dikele.

Galatî 3:26

Çimkî hûn hemû bi baweriyê bi saya Mesîh Îsa kurên Xwedê ne.

Efesî 1:5

Li gor kêf û daxwaza xwe, wî em ji pêşî ve kifş kirin, da ku em bi saya Îsa Mesîh jê re bibin zarok.

Dubarekirina Şerîetê 14:1

“Hûn kurên Xwedayê xwe Xudan in. Hûnê ji bo miriyan bedenên xwe birîndar nekin û mûyên di navbera herdu birûyên xwe de hilnedin.

Îbranî 10:39

Lê belê em ne ji wan in ên ku xwe bi şûn ve dikişînin û helak dibin; lê em ji wan in ên ku ji bo rizgariya canê xwe bawer dikin.

Petrûs I 1:17

Eger hûn ji yê ku cihêtiyê naxe nav mirovan û her kesî li gor kirina wî dîwan dike re, dibêjin Bav, dema xwe ya xerîbiyê ya li ser dinyayê bi tirsa Xwedê derbas bikin.