Yêremya 27:9 - Kurmanji Încîl

⁹ “‘Divê hûn guhdariya pêxember, falbaz, sêrbaz û kesên xewnan dibînin nekin ku ji we re dibêjin: Xulamiya Padîşahê Babîlê nekin!

Yêremya 27:9 ပူးပေါင်းရင်းမြစ်များ

Derketin 22:18

“Tê jinika sêrbaz sax nehêlî.

Derketin 7:11

Firewn gazî aqilmend û sêrbazên xwe kir. Sêrbazên Misrê jî bi sêra xwe wisa kirin.

Methelokên 19:27

Lawo, heke tu guhdariya şîretê bihêlî, Tê ji gotinên zanînê bixapî.

Îşaya 8:19

Heke hinek ji we re bêjin: “Bi sêrbaz û ruhan bişêwirin ku dikin pistepist û mirînî,” ji wan re bêjin: “Ma hewce nake ku miletek ji Xwedayê xwe şîreta bixwaze? Mirov qet ji bo zindiyan bi miriyan dişêwire?”

Yêremya 14:14

Wî çaxî Xudan ji min re got: “Pêxember bi navê min pêxemberiya derewîn dikin. Min ew neşandine, min li wan emir nekiriye û min ji wan re negotiye. Tiştên ji we re dibêjin dîtiniyên derewîn, remildarî, pûtperestiya vala û hîlekariya dilê wan bixwe ye.”

Yêremya 23:16

Loma Xudanê Karîndar wiha dibêje: “Guh nedin gotinên pêxemberên Ku ji we re pêxemberiyê dikin. Ew we dixapînin! Ne gotinên ji devê Xudan, Lê dîtiniyên dilê xwe dibêjin.

Yêremya 23:25

“Min gotinên pêxember bihîstin ku bi navê min pêxemberiya derewîn dikin. Ew dibêjin: ‘Min xewn dît, min xewn dît!’

Yêremya 23:32

Ez li dijî wan pêxemberan im ku bi xewnên derewîn pêxemberiyê dikin.” Ev e gotina Xudan. “Tevî ku min ew neşandine û hînî wan nekiriye, ew derew û pesindanên xwe yên pûç bi gelê min didin zanîn û wan ji rê derdixin. Tu feydeyeke wan ji vî gelî re tuneye.” Ev e gotina Xudan.

Yêremya 29:8

Çimkî Xwedayê Îsraêl Xudanê Karîndar wiha dibêje: “Bila falbaz û pêxemberên di nav we de, we nexapînin. Guh nedin xewnên wan.

Daniyêl 4:7

Dema sêrbaz, stêrnas û falbaz hatin, min li pêş wan xewna xwe got, lê nikaribûn xewna min şirove bikin.

Mîxa 3:7

Wê zanyar, rûreş û falbaz, şermezar bibin. Ji ber ku ji Xwedê bersiv nayê, Wê hemû ji şermê devê xwe bigirin.”

Zekeriya 10:2

Çimkî pûtên malê bersivên vala didin. Falbaz dîtiniyên derewîn dibînin Û beredayî bi behskirina xewnên pûç teselî dikin. Loma gel mîna pêz da rê, Di eziyetê de ye, çimkî şivan tuneye.

Melaxî 3:5

“Ji bo dîwanê ezê nêzîkî we bibim. Ezê li dijî sêrbazan, zinakaran, sondxwarên derewîn, li dijî kesên ku zordariyê li karker, jinebî û sêwiyan dikin, kesên neheqiyê li dijî xerîban dikin û li dijî kesên ji min natirsin, yekser bibim şahid” Xudanê Karîndar dibêje.

شُله رسولا 8:11

Û wan bi baldarî guhdariya wî dikir, çimkî ji demeke dirêj ve wî bi sêrbaziya xwe ew şaş dikirin.

Efesî 5:6

Bila tu kes we bi peyvên pûç nexapîne, çimkî xezeba Xwedê ji ber van tiştan tê ser kurên neguhdariyê.

Dubarekirina Şerîetê 13:2

ew nîşan û kerametên ku wan gotibûn rast derkevin û ji we re bêje: ‘Em li pey îlahên din herin’ ku hûn nizanin ‘Û xulamiya wan bikin,’

Dubarekirina Şerîetê 18:14

“Ev miletên ku hûnê biqewitînin, guhdariya sêrbaz û falbazan dikin. Lê Xwedayê we Xudan destûr nade we ku hûn wiha bikin.

Yêşû 13:22

Di nav kuştiyan de Balamê kurê Beor jî hebû ku falbaz bû.

Peyxam 18:23

Êdî ronahiya qendîlan Tu caran di nav te de ronahî nade Û êdî dengê bûk û zava Tu caran di nav te de nayê bihîstin. Bazirganên te giregirên dinyayê bûn Û hemû milet bi sêrbaziya te ji rê derketin.

Peyxam 21:8

Lê heçî yên tirsonek in, yên bêewle, yên di nav pîsîtiyê de ne, yên kuştinê dikin, yên zînakar, yên sêrbaz, yên pûtperest û hemû yên ku derewkar in, para wan di wê golê de ye, ku bi êgir û kewkurtê dişewite. Mirina diduyan ev e.»

Peyxam 22:15

Yên wek kûçikan, yên sêrbaz, yên zînakar û yên mêrkuj, yên pûtperest û her kesê ku ji derewan hez dike û derewan dike, ew li derve ne.

Peyxam 9:21

Û ji kuştin, sêrbazî, fuhûşî û diziya xwe jî tobe nekirin.