Yêremya 23:4 - Kurmanji Încîl

⁴ Ezê şivanên ku rêberiya wan dikin ji wan re kifş bikim û wê êdî netirsin û neşikên. Wê yek ji wan jî kêm nebe.” Ev e gotina Xudan.

Yêremya 23:4 ပူးပေါင်းရင်းမြစ်များ

Îşaya 11:11

Wê rojê, wê Reb careke din destê xwe dirêj bike ku bermayiyên gelê xwe ji Aşûr, Misir, Patros, Kûş, Elam, Şînar, Hama û keviyên deryayan vegerîne.

Yêremya 30:10

Gotina Xudan ev e: “Lê Aqûbê xulamê min, netirse! Îsraêlo, neşikê! Çimkî va ye, ezê te ji dûrî Û ziriyeta te ji welatê sirgûnbûna wan rizgar bikim. Wê Aqûb vegere, aramî û bêxemiyê bibîne. Wê kesê wî bilerizîne tunebe.

Yêremya 31:10

“Miletno, guh bidin gotina Xudan! Bi keviyên dûr ên deryayan bidin bihîstin û bêjin: ‘Yê ku gelê Îsraêl belav kiriye wê bide hev, Wekî şivên, wê keriyê xwe biparêze.’

Yêremya 33:26

wî çaxî minê ziriyeta Aqûb û Dawidê xulamê xwe red bikira û ji ziriyeta wî tu kesî li ser ziriyeta Îbrahîm, Îshaq û Aqûb nekira serwer. Ezê esse wan vegerînim firehiya berê û li wan werim rehmê.”

Lêwiyî 26:9

Ezê berê xwe bidim we û we berdar û zêde bikim. Ezê peymana ku min bi we re kiriye berdewam bikim.

Mîxa 4:4

Wê herkes li bin mêw û darhejîra xwe de rûnin, Wê tu kes wan nelerizîne. Çimkî devê Xudanê Karîndar wiha gotiye.

Mîxa 5:2

“Lê tu, Bêtlehema Efrata! Tu di nav binemalên Cihûda de biçûk î, Lê ji bo min wê serwerê gelê Îsraêl ji nav te derkeve. Koka wî ji demên berê û rojên qedîm ve ye.”

Mîxa 7:14

Ya Xwedê! Bi gopalê xwe Ji gel û keriyê xwe re şivantiyê bike Ku li daristanê û li welatê berdar tenê dimîne. Wekî dema berê, bila niha jî li Başan û Gîladê biçêrin.

Sefanya 3:13

Bermayiyên Îsraêl wê neheqiyê nekin. Wê derewan nekin, Di devê wan de Wê zimanekî hîlekar tunebe. Wê biçêrin û razên Û wê tu kes wan netirsîne.”

Hejmartin 31:49

û jê re got: “Em xulamên te, me tevahiya zilamên ku me biribû şer hejmartin û ji me tu kes kêm tuneye.

Yûhenna 17:12

Dema ku ez bi wan re bûm, bi navê te yê ku te dabû min, ez li wan bûm xweyî. Min ew parastin û tu kes ji wan winda nebû, ji bilî kurê helakê, da ku Nivîsara Pîroz bê cih.

Yûhenna 18:9

Wî ev got, da ew peyva ku wî gotibû bê cih: «Ji yên ku te dane min, min yek ji wan winda nekir.»

Petrûs I 1:5

Îcar hûn bi hêza Xwedê bi riya baweriyê, ji bo xilasbûna ku amade ye di wextê dawî de bê eşkerekirin, tên parastin.