Yêremya 20:11 - Kurmanji Încîl

¹¹ Lê Xudan wekî şervanekî dijwar bi min re ye. Loma wê kesên li pey min biterpilin û bi ser nekevin. Ji ber ku ew bi ser nekevin, wê gelekî şermezar bibin. Wê rezîlbûna wan her û her neyê jibîrkirin.

Yêremya 20:11 ပူးပေါင်းရင်းမြစ်များ

Zebûr 129:2

Ji xortaniya min vir ve, gellek tengahî dan min, Belê wan ez têk nebirim.

Zebûr 35:26

Bila şerm bikin yên ku şa dibin bi rewşa min a xerab, Ruyê wan sor bibe; Yên ku li ber min pozbilindiyê dikin, Rezîl û şermî bibin.

Zebûr 40:14

Yên ku li kuştina min digerin, Bila şerm bikin, rûreş dagerin, Yên ku şa dibin bi halê min ê xerab, Bila riswa bibin, paş ve vegerin!

Zebûr 47:2

Çimkî Xudan, Yê Herî Berz e, tirsdar e, Li ser tevahiya erdê, padîşahê mezin e.

Zebûr 6:10

Wê şerm bikin hemû dijminên min, Û têr bilerizin hemû. Wê vegerin û pê re şermezar bibin.

Zebûr 65:5

Ey tu, Xwedayê rizgariya me, Di dadperweriyê de, Bi karên tirsdar didî bersîva me. Ey tu, yê li çaraliyên dinyayê, Hêviya wan ên dûr ên li ser deryayê;

Zebûr 66:5

Werin, karên Xwedê bibînin! Çi karên mezin kir li nav mirovan.

Îşaya 41:10

Tu netirse, çimkî ez bi te re me. Tu nebizde, çimkî Xwedayê te ez im. Ezê te bişidînim, alîkariya te bikim. Ezê bi destê rastê yê edaleta xwe Ji te re bibim destek.

Îşaya 41:14

“Ya Aqûbê kurmê axê! Îsraêlo, netirse! Ezê alîkariya te bikim.” Ev e gotina Xudan. “Yê ku te rizgar dike, Pîrozê Îsraêl e!

Îşaya 45:16

Wê hemû rezîl û şermezar bibin. Hemû kesên pûtan çêdikin, Wê bi hev re rezîl bibin.

Yêremya 1:18

Min jî îro tu li dijî tevahiya welêt, li dijî padîşahên Cihûdayê, li dijî serek û kahinên wan, li dijî gelê welêt kirî bajarekî bisûr, stûneke hesinî û dîwarekî tûncîn.

Yêremya 1:19

Wê li dijî te şer bikin, lê wê nikaribin te têk bibin. Çimkî ez bi te re me ku te rizgar bikim.” Ev e gotina Xudan.

Yêremya 1:8

Ji wan netirse. Çimkî ez bi te re me ku te rizgar bikim.” Ev e gotina Xudan.

Yêremya 15:15

Ya Xudan, tu vê dizanî! Min bi bîr bîne, li min xweyî derkeve. Heyfa min ji zordarên min bistîne. Di sebra te de min ji mirinê re nehêle, Bizanibe ez ji bo xatirê te hatim riswakirin.

Yêremya 15:20

Ezê te ji vî gelî re bikim sûrekî tûncîn. Wê li dijî te şer bikin, lê wê bi te nikaribin. Çimkî ez bi te re me ku te xilas û rizgar bikim.” Ev e gotina Xudan.

Yêremya 17:18

Bila kesên li pey min şerm bikin, lê min nede şermê, Bila ew bişikên, lê ez neşikêm. Roja belayê bi ser wan de bîne, Wan bi şikandina du qatî bişikîne.

Yêremya 22:22

Wê ba hemû şivanên te bajo û bibe Û yarên te herin sirgûnê. Tê ji ber hemû xerabiya xwe, Rezîl û riswa bibî.

Yêremya 23:40

Ezê şermeke herheyî û riswabûneke her û her bînim ser we ku neyê jibîrkirin.”

Yêremya 32:18

Tu bi hezaran re dilsoziyê dikî, lê bergîdana gunehên bavan tînî serê kuran. Tu Xwedayê mezin û hêzdar î. Navê te Xudanê Karîndar e.

Daniyêl 12:2

Gelek kesên di nav toza erdê de wê hişyar bibin. Wê hinek bigihîjin jiyana herheyî, hinek jî şermezar bibin û ber bi jiyaneke rûreş ve bên şandin.

Romayî 8:31

Îcar em li ser van tiştan çi bêjin? Eger Xwedê ji aliyê me ye, kî dikare li hember me be?

Tîmotʼêyo II 4:17

Lê Xudan li ba min rawesta û hêz da min, da ku bi saya min Mizgînî bi tevahî bê gotin û hemû milet bibihîzin. Îcar ez ji devê şêr rizgar bûm.