Yêremya 18:23 - Kurmanji Încîl

²³ Ya Xudan, tu hemû pîlanên wan Ên ji bo kuştina min dizanî. Neheqiyên wan nebexişîne, Gunehên wan ji ber xwe xîş neke! Bila ew li hizûra te biterpilin, Gava hêrsa te rabû, belayê bîne ser wan.

Yêremya 18:23 ပူးပေါင်းရင်းမြစ်များ

Zebûr 119:126

Dem dema tevgerê ye, ya Xudan, Çimkî wan şerîeta te şikand.

Zebûr 35:4

Yên ku li kuştina min digerin, bila rezîl û riswa bibin! Yên ku li xerabiya min digerin, bila bi şermî şûn ve vegerin!

Zebûr 56:8

Te êş û jana min hesiband, Hêstirên çavên min di meşka xwe de civand! Ma te ew di kitêba xwe de nenivîsand?

Zebûr 59:5

Û tu ya Xudan, Xwedayê ordiyan, Xwedayê Îsraêlê, Hişyar be, hemû mîletan bitoqlîne, Ber tu kesê xayîn û xerab nekeve!

Îşaya 10:3

Di roja cezakirinê de, Dema helakbûn ji dûrî ve tê serê we, Hûnê çi bikin? Ji bo alîkariyê ber bi kê ve birevin? Hebûna xwe deynin ku derê?

Îşaya 2:9

Mirov hatin tewandin, Herkes hat nizimkirin. Wan nebexişîne, ya Xudan!

Yêremya 11:23

Wê kesek ji wan sax nemîne. Çimkî gava sala cezakirina wan were, ezê belayê bînim serê gelê Enatotê.’”

Yêremya 15:15

Ya Xudan, tu vê dizanî! Min bi bîr bîne, li min xweyî derkeve. Heyfa min ji zordarên min bistîne. Di sebra te de min ji mirinê re nehêle, Bizanibe ez ji bo xatirê te hatim riswakirin.

Yêremya 17:18

Bila kesên li pey min şerm bikin, lê min nede şermê, Bila ew bişikên, lê ez neşikêm. Roja belayê bi ser wan de bîne, Wan bi şikandina du qatî bişikîne.

Yêremya 17:4

Tê mîrasa ku min daye te bi destê xwe winda bikî, Ezê li welatê tu pê nizanî te ji dijminên te re bikim kole. “Çimkî we hêrsa min pêxist ku her û her dişewite.”

Yêremya 18:18

Wî çaxî wan got: “Werin, em li dijî Yêremya pîlan bikin. Çimkî ji kahin Şerîet, ji şehreza şêwir û ji pêxember jî gotin qet kêm nabe. Werin, em bi gotinan lê bixin û guhdariya gotineke wî jî nekin.”

Yêremya 26:11

Wî çaxî kahin û pêxemberan ji serekan û ji tevahiya gel re got: “Ev zilam mirin heq kir. Çimkî çawa ku we bi guhê xwe bihîst, wî li dijî vî bajarî pêxemberî kir.”

Yêremya 26:8

Gava Yêremya hemû gotinên ku Xudan lê emir kiribûn, gotin û qedandin, kahinan, pêxemberan û tevahiya gel ew girt û got: “Divê tu bimirî!

Yêremya 37:15

Serek li Yêremya hêrs bûn. Wan lê xist û ew li mala Yonatanê Nivîsende hepis kir. Çimkî wan mala wî kiribû zîndan.

Yêremya 38:4

Li ser vê yekê serekan ji padîşah re got: “Bila ev zilam bê kuştin. Çimkî bi gotinên wiha destê şervanên li vî bajarî mane û hemû gel sist dibe. Ev zilam ne xêrê, lê xerabiya vî gelî dixwaze!”

Yêremya 6:15

Ji ber kirêtiyên xwe, şermezar bûn? Lê wan qet şerm nekir. Ew nizanin rûsorbûn çi ye. Loma jî wê di nav ketiyan de bin, Gava ez wan ceza bikim, wê biterpilin” dibêje Xudan.

Yêremya 6:21

Loma Xudan wiha dibêje: “Va ye, ezê tiştên terpilînê deynim ber vî miletî Ku tê de biterpilin. Bi hev re wê bav û kur, dost û cîran tune bibin.”

Yêremya 7:20

“Loma Reb Xudan wiha dibêje: ‘Va ye, ezê li vê derê, bi ser mirovan, heywanan, darên çolê û berê axê ve hêrs û xezeba xwe birijînim. Wê bişewitîne û netefe.’

Yêremya 8:12

Ji ber kirêtiyên xwe, şermezar bûn? Lê wan qet şerm nekir. Ew nizanin rûsorbûn çi ye, Loma jî wê di nav ketiyan de bin, Gava hatin cezakirin, wê biterpilin’” dibêje Xudan.

Lavijên Şînê 3:60

Te hemû tola wan a li dijî min, Hemû fen û fûtên wan ên li dijî min dîtin.

Lavijên Şînê 3:61

Ya Xudan! Te riswatiya wan, Hemû fen û fûtên wan ên li dijî min bihîstin.

Lûqa 21:22

Çimkî ev rojên heyfstandinê ne, da ku heçî tiştên hatine nivîsîn, bên cih.

Romayî 2:5

Lê tu bi rikdarî û dilê xwe yê bêtobe ji bo Roja Xezebê li hember xwe xezebê dicivînî. Ewê wê rojê, dîwana Xwedê ya dadperwer xuya bibe.