Yêremya 17:6 - Kurmanji Încîl

⁶ Ew wekî deviya beriyê ne, Gava qencî bê, wê nebînin. Wê li axa ziwa ya beriyê Û li erdekî şor bi cih bin.

Yêremya 17:6 ပူးပေါင်းရင်းမြစ်များ

Padîşah II, 7:2

Fermandarê ku padîşah xwe dispartê, ji zilamê Xwedê re got: “Heke Xudan di ezmanan de pencereyan jî veke, ma wê ev tişt bibe?” Êlîşa got: “Tê bi çavên xwe bibînî, lê tê jê nexwî.”

Eyûb 20:17

Wê çem û newalan nebînin Ku bi hingiv û nivişkê diherikin.

Eyûb 39:6

Ew kerê ku min deşt jê re kir mal Û axa şor min jê re kir sitar.

Zebûr 1:4

Xerab ne weha ne, Wek hûrikê kayê ne ku ba lê dixe û dibe.

Zebûr 107:34

Axa bi ber û adan, Ji rûyê xerabên li ser rûniştî dike çol.

Zebûr 92:7

Wek giya şînbûna xeraban, Hergav şaxdayina yên ku dikin fesadiyan, Ji bo her û her hilweşîna wan e.

Îşaya 1:30

Çimkî hûnê bibin wek darberûya pelçilmisî, Mîna bexçeyê bêav.

Yêremya 29:32

Loma Xudan wiha dibêje: Ezê Şemayayê Nehelamî û ziriyeta wî ceza bikim. Wê tu kesekî wî di nav vî gelî de nemîne. Û qenciya ezê bi gelê xwe bikim jî nebîne.’” Ev e gotina Xudan. “‘Çimkî wî gotinên serhildanê yên li dijî Xudan kirin.’”

Yêremya 48:6

Birevin! Canê xwe rizgar bikin, Bibin wekî kerê çolê yê li beriyê!

Sefanya 2:9

Gotina Xudanê Karîndar, Xwedayê Îsraêl ev e: Ji ber vê yekê, ez bi serê min bikim, Wê Moav bibe wek Sodomê, Wê Emmonî bibin wek Gomorayê. Wê bibin milkê gezgezkê û kortên xwê, Wê her û her wêrane bibin. Wê bermayiyên gelê min wan talan bikin Û wê saxmayiyên miletê min wan wek mîras bistînin.

Dubarekirina Şerîetê 29:23

Wê tevahiya welêt bi xwê û kukurdê bişewite. Wê tov neyê avêtin, şitil nede û şînahî nebe. Wê wekî Sodom, Gomora, Adma û Sevoyîmê bibe ku Xudan ew bi hêrs û xezeba xwe serobino kirin.

Dadger 9:45

Avîmelek tevahiya wê rojê li dijî bajêr şer kir. Wî bajar stand û gelê tê de kuşt. Wî tevahiya bajêr hilweşand û xwê bi ser de rijand.