Yêremya 17:27 - Kurmanji Încîl

²⁷ Lê heke hûn guh nedin min, di Roja Septê de bar di dergehên Orşelîmê re derbas bikin û Roja Septê pîroz nehesibînin, ezê êgir bi dergehên bajêr bixim. Wê agir qesrên Orşelîmê daqurtîne û netefe.’”

Yêremya 17:27 ပူးပေါင်းရင်းမြစ်များ

Padîşah II, 22:17

Ji ber ku wan dev ji min berda, ji îlahan re bixûr pêxistin û bi kirinên destên xwe ez hêrs kirim, wê li dijî vê derê agirê xezeba min a dijwar rabe û netefe.’

Padîşah II, 25:9

Wî agir berda Mala Xudan, qesra padîşah û tevahiya malên Orşelîmê. Tevahiya malên mezin şewitandin.

Zebûr 122:7

Bila di nav sûrên te de aştî hebe, Qesrên te di nav aştiyê de bin!»

Îşaya 1:20

Lê hûn nexwazin û serî rakin, Wê şûr we bixwe û biqedîne.” Çimkî devê Xudan wiha gotiye.

Îşaya 1:31

Wê zilamê hêzdar bibe wekî pûş Û karên wî bibe mîna çirûsk. Wê herdu bi hev re bişewitin û wê kes netefîne.

Yêremya 17:24

Lê gotina Xudan ev e: “‘Heke hûn baş guh bidin min, Roja Septê di dergehên vî bajarî re bar derbas nekin, qet kar nekin û bi vî awayî Roja Septê pîroz bihesibînin,

Yêremya 17:4

Tê mîrasa ku min daye te bi destê xwe winda bikî, Ezê li welatê tu pê nizanî te ji dijminên te re bikim kole. “Çimkî we hêrsa min pêxist ku her û her dişewite.”

Yêremya 18:1

Gotina Xudan ku ji Yêremya re hat ev e:

Yêremya 21:12

Ya Mala Dawid, Xudan wiha dibêje: “‘Her sibe edaletê pêk bînin, Kesê hatiye şelandin ji destê zordaran rizgar bikin. Yan na, ji ber xerabiya karên we Wê xezeba min wekî êgir rabe û bişewitîne. Wê kesê bitefîne tunebe.

Yêremya 21:14

“‘Ezê we li gorî berê karê we ceza bikim.’” Ev e gotina Xudan. “‘Ezê li daristana bajêr agirekî wisa pêxim Ku hemû derdora wî dadiqurtîne.’”

Yêremya 22:5

Gotina Xudan ev e: “‘Lê heke hûn guhdariya vê yekê nekin, ez bi navê xwe sond dixwim ku wê ev qesir wêran bibe.’”

Yêremya 32:29

Wê Kildanî bên, li dijî vî bajarî şer bikin û bajêr bidin ber êgir. Wê bajêr tevî xaniyên ku wan li ser wan ji Baal re bixûr pêxist, pêşkêşiyên rijandinê ji îlahan re dan û ez hêrs kirim, bişewitînin.

Yêremya 39:8

Kildaniyan qesra padîşah û malên gel şewitandin û sûrên Orşelîmê hilweşandin.

Yêremya 44:16

“Emê guh nedin gotina ku te bi navê Xudan ji me re got!

Yêremya 49:27

“Ezê êgir bi sûrên Şamê bixim Ku qesrên Ben-Hadad bixwe.”

Yêremya 52:13

Wî agir berda Mala Xudan, qesra padîşah û tevahiya malên Orşelîmê. Tevahiya malên mezin şewitandin.

Yêremya 6:17

Min nobedar danîn ser serê we ku gotin: ‘Guhdariya dengê boriyan bikin.’ Lê wan got: ‘Emê guhdariyê nekin.’

Yêremya 7:20

“Loma Reb Xudan wiha dibêje: ‘Va ye, ezê li vê derê, bi ser mirovan, heywanan, darên çolê û berê axê ve hêrs û xezeba xwe birijînim. Wê bişewitîne û netefe.’

Lavijên Şînê 2:6

Wî malika xwe wekî malika bexçeyê rakir, Wî meskenê xwe rakir. Xudan li Siyonê cejn û Sept dan jibîrkirin. Bi xezeba xwe ya dijwar, Padîşah û kahin red kirin.

Lavijên Şînê 4:11

Xudan xezeba xwe bi tevahî barand, Kela hêrsa wî rijiya. Wî agirê hîmê Siyonê daqurtandin, Li nav wê bixwe pêxist.

Hoşêya 8:14

Îsraêl Afirînerê xwe ji bîr kir. Ji xwe re qesir çêkirin. Cihûda bajarên bisûr zêde kirin. Lê ezê êgir bi ser bajarên wan de bibarînim. Ev agir wê bircên wan daqurtîne û tune bike.”

Amos 1:10

Loma ezê êgir bi ser sûrên Sûrê de bibarînim Ku bircên wê daqurtîne.”

Amos 1:12

Ezê êgir bi ser Têmanê de bibarînim Ku bircên Bosrayê daqurtîne.”

Amos 1:14

Loma ezê sûrên Rabbayê bişewitînim Ku bi qîrînên roja şer Û babelîska roja bahozê bircên wê daqurtîne.

Amos 1:4

Loma ezê êgir bi ser mala Hazaêl de bibarînim Ku bircên Ben-Hadad daqurtîne.

Amos 1:7

Loma ezê êgir bi ser sûrên Xezayê de bibarînim Ku bircên wê daqurtîne.

Amos 2:2

Loma ezê êgir bi ser Moavê de bibarînim Ku bircên Qeriyotê daqurtîne. Wê Moavî bi dengê boriyan, qîrîn û xirecirê bimirin.

Dubarekirina Şerîetê 32:22

Ji hêrsa min agirek pêket, Heta binê diyarê miriyan dişewitîne. Ew dinyayê û berê wê dixwe, Ew bingeha çiyayan dişewitîne.

Îbranî 12:25

Hay ji xwe hebin û yê ku dipeyive red nekin. Ew ên ku dengê wî yê ku ew li ser erdê hişyar kirin, red kirin, xilas nebûn. Îcar, eger em berê xwe ji wî yê ku ji ezmanan dibêje badin, em hê bêtir nikarin xilas bibin.