Yêremya 17:11 - Kurmanji Încîl

¹¹ Kewa li ser hêkên ku nekiriye rûnê çawa be, Kesê bi neheqî dewlemendî bi dest xistiye jî wisa ye. Ew di nîvê emrê wî de, wî berdide Û di dawiyê de ehmeq xuya dibe.

Yêremya 17:11 ပူးပေါင်းရင်းမြစ်များ

Eyûb 20:21

Ji sifreya wan tiştek nema, Loma wê qenciya wan berdewam neke.

Zebûr 49:13

Ev e dawiya ahmeqan, Û yên ku bawerî tînin bi gotinên wan.

Zebûr 55:23

Belê tu, ya Xwedê, tê wan bavêjî korta mirinê, Wê zilamên xwînî û hîlekar, nîvê rojên xwe nebînin tucar; Herçî ez im, min xwe spartiye te.

Methelokên 13:11

Malê bi lez û bez hatiye qezenckirin kêm dibe, Lê kesê ku bi destan dide hev, jê re zêde dibe.

Methelokên 15:27

Kesê çavê wî li qezenca neheq e, Tengasiyê dide mala xwe, Lê kesê ji bertîlê nefret dike, wê bijî.

Methelokên 21:6

Xezîneya bi zimanê derewîn tê çêkirin, Wekî mijê derbas dibe û dafika mirinê ye.

Methelokên 23:5

Çaxê te çav berdayê, serwet namîne Çimkî baskan ji xwe re çêdike Û wekî teyrekî difire ezmanan.

Methelokên 28:16

Serwerê ne fêmdar e, gelekî xedar e, Lê kesê ji qezenca neheq nefret dike, emirdirêj e.

Methelokên 28:20

Bereketa kesê dilsoz gelek e, Lê kesê ji bo serwetê dilezîne, bêceza namîne.

Methelokên 28:22

Mirovê çikûs li pey serwetê dibeze, Lê nizane xizanî bi ser wî de tê.

Methelokên 28:8

Kesê bi faîz û selefxwariyê hebûna xwe zêde dike, Wî ji bo kesê li ber belengazan dikeve, kom dike.

Yêremya 22:13

“Wey li wî mirovî Ku qesra xwe bi nerastiyê Û odeyên xwe yên li jorê bi neheqiyê ava dike, Cîranê xwe bêpere dide xebatê Û heqdestê wî nadê.

Yêremya 22:17

“Lê çav û dilê te tenê li ser qezenca neheq e. Tu li pey rijandina xwîna bêsûcan, Neheqî û zordestiyê dikevî.”

Yêremya 6:13

“Çimkî ji biçûkan heta mezinan, Çavê her kesî li ser qezenca neheq e. Ji pêxemberan heta kahinan, hemû hîlekar in.

Yêremya 8:10

Loma ezê jinên wan bidim kesên din Û zeviyên wan bidim dagirkeran. Çimkî ji biçûkan heta mezinan, Çavê her kesî li ser qezenca neheq e. Ji pêxemberan heta kahinan, hemû hîlekar in.

Amos 3:10

Gotina Xudan ev e: “Ew nizanin heqiyê bikin, Zordarî û zordestî li bircên xwe didin hev.”

Mîxa 2:9

Hûn jinên gelê min ji malên wan ên rihet diqewitînin Û zarokên wan ji rewnaqiya min bêpar dihêlin.

Mîxa 7:3

Herdu destên wan ji bo karên xerab jêhatî ne! Serek diyarî, dadger jî bertîl dixwaze, Mezin ya ku dixwazin didin kirin. Bi vî awayî edaletê xera dikin.

Sefanya 1:9

Wê rojê ezê hemû pûtperestên Ku bi zordarî û hîleyan Malên îlahên xwe dadigirin ceza bikim.”

Zekeriya 5:4

Gotina Xudan ev e: ‘Ezê bikim ku ew bikeve. Wê bikeve mala kesê dizek û kesê li ser navê min sonda derewîn dixwe. Wê li ser vê malê bimîne û tevî dar û kevirê wê, wê tevahiya malê telef bike.’”

Melaxî 3:5

“Ji bo dîwanê ezê nêzîkî we bibim. Ezê li dijî sêrbazan, zinakaran, sondxwarên derewîn, li dijî kesên ku zordariyê li karker, jinebî û sêwiyan dikin, kesên neheqiyê li dijî xerîban dikin û li dijî kesên ji min natirsin, yekser bibim şahid” Xudanê Karîndar dibêje.

Metta 23:13

«Wey li we hûn Şerîetzan û Fêrisîno! Hûn durûno! Hûn Padîşahiya Ezmanan li ber mirovan digirin. Hûn bi xwe nakevinê û ne jî hûn dihêlin ên ku dixwazin bikevinê, derbas bibin.

Lûqa 12:20

Lê Xwedê jê re got: ‹Bêaqilo, îşev canê te wê ji te bê xwestin. Îcar ew malê ku te hilaniye wê ji kê re bimîne?›

Tîmotʼêyo I 6:9

Lê ew ên ku dixwazin dewlemend bibin, dikevin ceribandinê, xefikê û pey gelek xwestekên bêhiş û ziyanker, yên ku mirov dixewirînin nav helakbûn û wêranbûnê.

نامَ بُ تیتوس 1:11

Divê devê wan bê girtin, çimkî ew ji bo qezenca xwe ya qirêjî tiştên ku divê neyên hînkirin, hîn dikin û malan bi tevahî xera dikin.

Petrûs II 2:14

Çavên wan tije zîna ye, ji gunehkirinê têr nabin û canên xilupilo dixapînin. Dilê wan hînî çavbirçîtiyê bûye, ew zarokên nifirê ne.

Petrûs II 2:3

Bi çavbirçîtiya xwe, ewê bi peyvên xapînok li ser pişta we biçêrin. Dîwanbûna ku ji berê ve ji bo wan e, dereng namîne û helaka wan naponije.