Yêremya 16:6 - Kurmanji Încîl

⁶ “Wê li vî welatî mezin jî, biçûk jî bimirin. Wê neyên veşartin û tu kes şîna wan neke. Wê tu kes xwe birîndar neke û ji bo wan porê xwe kur neke.

Yêremya 16:6 ပူးပေါင်းရင်းမြစ်များ

Îşaya 22:12

Wê rojê Reb Xudanê Karîndar, Gazî we kir ku hûn bigirîn, Li xwe bixin, porê xwe kur bikin Û çûx li xwe bikin.

Îşaya 24:2

Gel çawa be, wê kahin jî wisa be. Xulam çawa be, wê xweyî jî wisa be, Xadim çawa be, wê xatûn jî wisa be. Kesê dikire çawa be, wê kesê difiroşe jî wisa be, Xweyê deynan çawa be, wê deyndar jî wisa be, Kesê faîzê dixwe çawa be, wê kesê faîzê dide jî wisa be.

Yêremya 13:13

Wî çaxî tê ji wan re bêjî: ‘Xudan wiha dibêje: Ezê hemû şêniyên vî welatî; padîşahên ku li ser textê Dawid rûdinin, kahin, pêxember û hemû şêniyên Orşelîmê, bi serxweşiyê tije bikim.

Yêremya 16:4

“Wê bi nexweşiyên mirinê bimirin û wê tu kes şîna wan neke. Wê neyên veşartin û li ser axê bibin zibil. Wê bi şûr û xelayê biqedin. Wê cendekên wan ji teyrên ezmanan û heywanên çolê re bibin xurek.”

Yêremya 41:5

heştê zilam ji Şexem, Şîlo û Sameryayê hatin ku rihê xwe kur kirine, cilên xwe çirandine û laşên xwe jî birîndar kirine. Wan bi xwe re dexil û gunî anîbûn ku li Mala Xudan pêşkêş bikin.

Yêremya 47:5

Wê Xeza rût û Aşqelon bêdeng be. Ya saxmayiyên deştê! Hûnê heta kengê bedena xwe birîndar bikin?

Yêremya 48:37

“Porê her serî hatiye rûtkirin, Her rih hatiye kurkirin. Li ser her destî, birîn û li piştan tenê çûx heye.

Yêremya 7:29

“‘Ya Orşelîm! Porê xwe kur bike û bavêje, Li ser bilindciyên rût û tazî lavijeke şînê bibêje. Çimkî Xudan nifşê ku xezeba wî rakir, red kir û berda.’”

Yêremya 8:2

Wê li ber roj, heyv û tevahiya nexşên ezmanan bên raxistin ku wan ji wan hez kir, xulamî kir, da pey wan, lê geriyan û deverû çûn erdê. Wê neyên civandin û neyên veşartin. Wê li ser axê wekî ziblê bimînin.

Lêwiyî 19:27

Hûnê porê xwe yê li kêleka serê xwe nekusînin û dest nedin keviyên rihê xwe.

Lêwiyî 19:28

Hûnê ji bo miriyan di bedena xwe de birînan venekin, di çermê xwe de deqan çênekin. Xudan ez im.

Amos 6:11

Çimkî Xudan emir dike û dibêje: “Wê mala mezin perçe perçe, Mala biçûk jî hûr hûr bike xwelî.”

Metta 9:23

Gava Îsa ket mala serekê kinîştê, bilûrvan û elaleta ku dikirin qîjeqîj dîtin,

Dubarekirina Şerîetê 14:1

“Hûn kurên Xwedayê xwe Xudan in. Hûnê ji bo miriyan bedenên xwe birîndar nekin û mûyên di navbera herdu birûyên xwe de hilnedin.

Peyxam 20:12

Û min yên mirî, yên biçûk û mezin, li ber text sekinî dîtin. Kitêb vebûn û kitêbeke din a ku Kitêba Jiyanê ye vebû. Mirî, li gor kirinên xwe yên ku di kitêban de nivîsî bûn, hatin dîwankirin.

Peyxam 6:15

Hingê padîşahên dinyayê, mezinên wê, serekleşkerên wê, dewlemendên wê û hêzdarên wê û hemû mirovên xulam û azad xwe di şkeft û latên çiyan de veşartin.