Yêremya 16:16 - Kurmanji Încîl

¹⁶ “Ezê gelek masîgiran bînim û wê wan bigirin.” Ev e gotina Xudan. “Piştre ezê gelek nêçîrvanan bînim û wê li ser her çiyayî, li ser her girî û di qelîştokên zinaran de nêçîra wan bikin.”

Yêremya 16:16 ပူးပေါင်းရင်းမြစ်များ

Destpêk 10:9

Ew li pêş Xudan nêçîrvanekî mêrxas bû. Ji ber vê yekê dibêjin: “Wekî Nemrûd nêçîrvanekî mêrxas ê li ber Xudan.”

Îşaya 2:21

Çaxê Xudan rabe ku dinyayê bitirsîne, Wê mirov ji ber tirs û xofa Xudan, Ji ber rewnaqiya wî, Bikevin qelîştokên zinaran Û şikeftên zinarên bilindciyan.

Îşaya 7:19

Wê hemû bên û di geliyên kûr de, di qelîştokên zinaran de, di nav hemû devî û diriyan de û li hemû mêrgan bicih bibin.

Yêremya 25:9

va ye ezê bişînim pey hemû miletên bakur.” Ev e gotina Xudan. “Ezê bişînim pey xulamê xwe Nebûxadnessarê Padîşahê Babîlê jî û wan li dijî vî welatî, hemû şêniyên wî û hemû miletên derdorê rakim. Ezê wan bi tevahî tune bikim. Ezê wan bikim mijara sawê û fîkandinê. Wê bibe xirbeyeke herheyî.

Yêremya 4:29

Hemû bajar ji ber dengê siwar û tîravêjan direvin. Dikevin nav dar û deviyan û hildikişin zinaran. Terka hemû bajaran hate kirin, tu kes lê nema.

Yêremya 49:5

Gotina Reb Xudanê Karîndar ev e: “Va ye, ezê ji hemû gelên derdora we, Bi ser we de sawê bînim. Wê her kesê ji we bi aliyekî ve belav bibe Û wê tu kes firaran nede hev.

Yêremya 6:9

Xudanê Karîndar wiha dibêje: “Çawa mêw tên efarekirin, Wê Îsraêliyên saxmayî jî bên civandin. Wekî kesê çûye berhevkirina tirî, Careke din destê xwe bavêje çiqlên mêwê.”

Lavijên Şînê 4:18

Ew didin pey şopên me Ku em nikaribin li kuçeyên xwe bigerin. Dawiya me nêzîk bû, rojên me tije bûn, Çimkî dawiya me hat.

Lavijên Şînê 4:19

Kesên li pey me ne, Ji teyrên ezmanan leztir in. Li serê çiyayan li pey me ketin, Li beriyê kemîn li pêş me danîn.

Hoşêya 10:10

Gava ez bixwazim, ezê wan bînim rê. Ji ber ku wan xwe bi cotê gunehan ve girê da, Wê netewe li dijî wan li hev bicivin.

Amos 4:2

Reb Xudan bi pîroziya xwe sond xwar û got: “Va ye, roj bi ser we de tên Ku wê we bi çengelên goşt bibin Û kesê we yê dawî bi nîkên masiyan bikişînin.

Amos 5:19

Wekî wî mirovî ye ku ji ber şêr direve Û hirç tê pêşiya wî, Mîna zilamê ku tê malê, dest dispêre dîwêr Û mar pê vedide.

Mîxa 7:2

Li welêt dilsozê Xwedê tuneye, kesê dilrast nema. Her kes ji bo xwînrijandinê kemînê datîne, Bira li pêş birayê xwe dafik datîne.

Sefanya 1:12

Wê rojê, ezê bi qendîlan li Orşelîmê bigerim. Ezê zilamên ehlê kêfê Ku di dilê xwe de dibêjin: ‘Xudan başiyê jî nake, Xerabiyê jî nake’ ceza bikim.

Samûêl I, 24:11

Bavo, li vî perçeyî destê min binêre ku ji dawa xiftanê te hatiye jêkirin. Belê lê binêre! Min ji dawa xiftanê te perçeyek qut kir, lê min tu nekuştî. Ji ber vê yekê, baş bizane ku di dilê min de xerabî û fikra serhildanê tuneye. Dîsa jî, tu dixwazî min bikujî.

Samûêl I, 26:20

Bila xwîna min li axa dûrî Xudan nerije. Padîşahê gelê Îsraêl wekî nêçîrvanê kewan çûye nêçîra kêçekê dike!”