Yêremya 14:22 - Kurmanji Încîl

²² Ma pûtekî miletan bikaribe baranê bibarîne heye? Ma ezman dikarin ji ber xwe, taviyê bibarînin? Ya Xwedayê me Xudan! Ma tu ne ew î? Hêviya me tu yî, çimkî te ev hemû tişt kirin.

Yêremya 14:22 ပူးပေါင်းရင်းမြစ်များ

Padîşah I, 17:1

Êlyasê ji Tîşbeya Gîladê ji Ahav re wiha got: “Bi navê Xudanê Jîndar ê Xwedayê Îsraêl ku ez li ber sekinî me, bêyî ku ez bêjim, wê di salên bê de, ne xunav hebe, ne jî baran.”

Padîşah I, 17:14

Çimkî Xwedayê Îsraêl Xudan wiha dibêje: ‘Heta roja ku Xudan baranê bibarîne, wê ji kûp arvan, ji meşkê jî rûn kêm nebe.’”

Padîşah I, 18:1

Piştî demeke dirêj, di sê saliya xelayê de gotina Xudan ji Êlyas re hat û got: “Here xwe nîşanî Ahav bide. Ezê baranê bibarînim ser axê.”

Padîşah I, 8:36

wê gavê li ezmanan bibihîze û gunehê xulamên xwe gelê xwe Îsraêl bibexişîne. Riya baş a tê de bimeşin hînî wan bikî û baranê bide welatê ku te bi mîrasî daye gelê xwe.

Eyûb 28:26

Çaxê wî ji baranê re qanûn çêkir Û riya brûskên ezmanan danî,

Eyûb 5:10

Ew baranê dide rûyê erdê Û avê bi ser zeviyan ve dişîne.

Zebûr 130:5

Çavê min li riya Xudan e, Canê min li benda wî ye, Hêviya min peyva wî ye.

Zebûr 135:7

Ew ji çaraliyên erdê ewran bilind dike, Ji bo baranê birûskan çêdike, Ji embarên xwe bayê radike.

Zebûr 147:8

Ew, bi ewran ezmanan dinixême Ew amade dike baranê, ji bo rûyê erdê, Ew li çiyayan giya dertîne.

Zebûr 25:21

Bila rastî û durustî min biparêze, Hêviya min hergav tu yî.

Zebûr 25:3

Hemû yên ku bi hêvî ne, wê şermî nebin; Yên ku bêsedem çavsorî dikin, wê bibînin şermê.

Zebûr 27:14

Li benda Xudan be, Hêzdar û bizirav be; Erê li benda Xudan be!

Îşaya 30:18

“Dîsa jî Xudan disekine ku kerema xwe nîşanî we bide. Dîsa jî radibe ku rehma xwe nîşanî we bide. Çimkî Xudan, Xwedayê edaletê ye. Xwezî bi her kesê ku li benda wî ye.”

Îşaya 30:23

“Ji bo tovê ku tu diçînî axê Wê baran bide te. Nanê ku ji axê derkeve, Wê baş û zêde be. Wê rojê wê dewarên we Li mêrga fireh biçêrin.

Îşaya 41:29

Va ye ew hemû vala ne, Karên wan pûç in. Pûtên wan ên rijandî, Wekî bayê vikîvala ne.”

Yêremya 10:12

Wî bi hêza xwe erd afirand, Bi şehrezayiya xwe dinya danî Û bi fêmdariya xwe ezman tikand.

Yêremya 10:13

Gava ew dengê xwe dike, Li ezmanan av dixuşe Û ew ji binê dinyayê jî ewran bilind dike. Ew ji bo baranê brûskan çêdike, Ji embarên xwe bayê dertîne.

Yêremya 10:15

Ew pûç û vala ne, karên hîleyê ne. Di dema cezakirina wan de wê tune bibin.

Yêremya 10:3

Adetên miletan pûç in. Darekî ji daristanê dibirin, Bi bivir, bi destê hosteyekî,

Yêremya 16:19

“Ya Xudan! Tu hêz û keleha min î, Di roja teng de cihê reva min î! Wê milet ji binê dinyayê, Werin ba te û bêjin: ‘Bav û kalên me tenê derew, tiştên pûç, Pûtên bi kêrî wan nehatin, mîras standin.’

Yêremya 5:12

Wan bi navê Xudan derew kir û got: “Ew tiştekî nake. Wê xerabî bi serê me de neyê, Emê şûr û xelayê nebînin.”

Yêremya 5:24

Ew di dilê xwe de nabêjin: ‘Em ji Xwedayê xwe Xudan bitirsin Ku barana pêşî û paşî di dema wan de dide Û hefteyên palehiyê ji bo me diparêze.’

Yêremya 51:16

Gava ew dengê xwe dike, li ezmanan av dixuşe Û ew ji binê dinyayê jî ewran bilind dike. Ji bo baranê brûskan çêdike, Ew ji embarên xwe bayê dertîne.

Hoşêya 2:7

Wê li pey yarên xwe bikeve Lê wê negihêje wan. Wê li wan bigere, Lê wê wan nebîne. Wê gavê wê bêje: ‘Ez vegerim mêrê xwe yê berê, Rewşa min a wê demê ji ya niha baştir bû!’

Yoêl 2:23

Ya zarokên Siyonê şa bibin, Bi Xwedayê xwe Xudan kêfxweş bibin. Çimkî ew barana pêşî bi pîvana kamil dide we, Çawa ku berê dikir, Barana pêşî û barana paşî dibarîne.

Amos 4:7

“Hê ji dema palehiyê re sê meh hebû, Min baran ji ser we birî. Min bi ser bajarekî de barand, Lê bi ser bajarê din de nebarand. Bi ser zeviyekê de baran hat, Lê zeviya ku baran bi ser de nehat ziwa bû.

Mîxa 5:6

Wê welatê Aşûrê bi şûr Û welatê Nemrûd bi şûrên tazî şivantiyê bikin. Heke Aşûrî derbasî sînorê me bibin û pê li welatê me jî bikin, Wê ev rêber me rizgar bikin.

Mîxa 7:7

Lê ezê berê xwe bidim Xudan, Ezê li benda Xwedayê rizgariya xwe bim. Xwedayê min wê min bibihîze.

Metta 5:45

da ku hûn bibin zarokên Bavê xwe yê li ezmanan. Çimkî ew tava xwe hem li ser xeraban û hem jî li ser qencan dertîne û barana xwe bi ser rast û nerastan de dibarîne.

Dubarekirina Şerîetê 28:12

Wê Xudan ezmanan ango xezîneya xwe ya qenciyê ji te re veke ku baranê di wextê xwe de bide û hemû keda destê te bereket bike. Tê bi deyn bidî gelek miletan, lê bi deyn nestînî.

Dubarekirina Şerîetê 32:21

Wan bi tiştên ne Xwedê ne, Bi pûtan xîreta min bilind kir. Ezê jî bi kesên ku ne gel in wan bihesidînim, Bi miletekî ehmeq wan hêrs bikim.