Yêremya 13:19 - Kurmanji Încîl

¹⁹ Wê bajarên Negevê bên girtin, Kesê wan veke tunebe. Wê tevahiya gelê Cihûda bê sirgûnkirin, Erê, wê hemûyan bi hev re sirgûn bikin.

Yêremya 13:19 ပူးပေါင်းရင်းမြစ်များ

Padîşah II, 25:21

Padîşahê Babîlê li welatê Hamayê, li Rîvlayê li wan xist û ew kuştin. Bi vî awayî Cihûda, ji welatê xwe hat sirgûnkirin.

Dîrok I, 9:1

Tevahiya gelê Îsraêl li gorî qeyda ziriyetên xwe hat hejmartin. Ev kes di Nivîsa Padîşahên Îsraêlê de hatin nivîsandin. Ji ber nedilsoziya xwe, Cihûdayî ber bi Babîlê ve hatin sirgûnkirin.

Eyûb 12:14

Yê ku ew hilweşîne, ji nû ve ava nabe, Deriyê ku ew li ser kesekî bigire, nayê vekirin.

Yêremya 17:26

Îcar wê mirov ji bajarên Cihûdayê, ji derdora Orşelîmê, ji welatê Binyamînê û Şefêlayê, ji herêma çiyayî û Negevê bên û qurbanên şewitandinê, qurbanên din, pêşkêşiyên dexlê, guniyê û pêşkêşiyên şikirdariyê bînin Mala Xudan.

Yêremya 20:4

Çimkî Xudan wiha dibêje: ‘Va ye ezê te ji bo te û ji bo hemû dostên te bikim saw. Tê bi çavên serê xwe bibînî ku hemû hevalên te bi şûrê dijmin dikevin. Ezê tevahiya Cihûdayê bidim destê Padîşahê Babîlê. Wê wan sirgûnî Babîlê bike û bide ber şûran.

Yêremya 24:1

Piştî ku Nebûxadnessarê Padîşahê Babîlê, Yehoyaxînê Padîşahê Cihûdayê kurê Yehoyaqîm, serekên Cihûdayê, hoste û hesinkaran ji Orşelîmê sirgûn kirin û ew birin Babîlê, Xudan du selik hejîrên ku danîne pêş Perestgeha Xudan nîşanî min da.

Yêremya 28:4

Ezê Yehoyaxînê kurê Yehoyaqîmê Padîşahê Cihûdayê û hemû sirgûniyên Cihûdayî yên ku çûne Babîlê dîsa vegerînim.’ Ev e gotina Xudan. ‘Çimkî ezê nîrê Padîşahê Babîlê bişikênim.’”

Yêremya 32:44

Li welatê Binyamîn, li gundên derdora Orşelîmê, li bajarên Cihûdayê, li herêma çiyayî, li Şefêla û Negevê wê zevî bi zîvan bên kirîn û nivîsên kirînê li ber şahidan bên îmzekirin û morkirin. Çimkî ezê wan vegerînim firehiya berê.’” Ev e gotina Xudan.

Yêremya 33:13

Li bajarên herêma çiyayî, li Şefêlayê, li Negevê û li bajarên welatê Binyamîn, li gundên derdora Orşelîmê û li bajarên Cihûdayê, wê careke din pez di ber şiva jimarkaran re derbas bibin’” dibêje Xudan.

Yêremya 39:9

Nebûzaradanê fermandarê parêzvanan, kesên li bajêr sax mane –firarên derbasî aliyê wî bûne û kesên din– sirgûnî Babîlê kirin.

Yêremya 52:27

Padîşahê Babîlê li welatê Hamayê, li Rîvlayê li wan xist û ew kuştin. Bi vî awayî gelê Cihûda, ji welatê xwe hat sirgûnkirin.

Yêremya 52:28

Hejmara kesên ku Nebûxadnessar sirgûn kirin, ev e: Di sala heftan de 3.023 Cihûdayî hatin sirgûnkirin,

Yêremya 52:30

û di sala xwe ya bîst û sisêyan de, Nebûzaradanê fermandarê parêzvanan jî 745 Cihûdayî sirgûn kirin. Hemû kesên hatine sirgûnkirin 4.600 kes bûn.

Lavijên Şînê 1:3

Cihûda bi tengasî û koletiya giran hat sirgûnkirin. Di nav miletan de rûdine, Rihetiyê nabîne. Hemû kesên pey wê, Di dema tengasiyê de gihîştinê.

Zekeriya 7:7

Dema Orşelîm, bajarên derdora wê, Negev û Şefêla tije bûn û di firehiyê de bûn, ma peyvên ku Xudan bi riya pêxemberên berê gotibû ne ev bûn?’”

Dubarekirina Şerîetê 28:15

“Lê heke hûn guh nedin dengê Xwedayê xwe Xudan, heke hûn hemû emir û qanûnên wî yên ez îro li we emir dikim pêk neyînin, wê tevahiya van naletan bi ser we de bên û we dorpêç bike:

Dubarekirina Şerîetê 28:52

Heta dîwar û sûrên bilind ên ku tu pê ewle yî hilweşin, wê te di hemû bajarên te de dorpêç bike. Wê li seranserê welêt, li hemû bajarên te, te dorpêç bike ku Xwedayê te Xudan dane te.

Yêşû 18:5

Bila axê bikin heft par, eşîra Cihûda li başûr, Mala Ûsiv li bakur bimînin.