Yêremya 13:13 - Kurmanji Încîl

¹³ Wî çaxî tê ji wan re bêjî: ‘Xudan wiha dibêje: Ezê hemû şêniyên vî welatî; padîşahên ku li ser textê Dawid rûdinin, kahin, pêxember û hemû şêniyên Orşelîmê, bi serxweşiyê tije bikim.

Yêremya 13:13 ပူးပေါင်းရင်းမြစ်များ

Zebûr 60:3

Te tengahî bi gelê xwe da kişandin, Şeraba sermestkirinê bi me da vexwarin.

Zebûr 75:8

Di destê Xudan de kase heye, Ji şereba kefdayî û tevlihev; Ew dirêje û tije dike kasê, Hemû xerabên ser rûyê erdê, vedixwin ji retma wê.

Îşaya 29:9

Xwe şaşomaşo bikin, Şaş û metel bimînin. Xwe kor bikin û nebînin. Serxweş bin, lê ne bi şerabê, Bişewişin, lê ne ji ber meyê.

Îşaya 49:26

Ezê kesên li te zordariyê dikin, Goştê wan bi wan bidim xwarin. Çawa ku şeraba şîrîn vexwaribin, Wê bi xwîna xwe serxweş bibin. Wê hemû beşer bizanibin Ku Xudanê tu rizgar kiriye ez im. Rizgarkarê te, Hêzdarê Aqûb ez im.”

Îşaya 51:17

Rabe! Rabe! Ya Orşelîm, rabe ser lingan! Te ji destê Xudan, Ji kasa xezebê ya wî vexwar. Te şerbika sersemiyê heta ritama wê vexwar û qedand.

Îşaya 51:21

Loma ya bindesto, bibihîze! Ya serxweşo, lê ne serxweşê şerabê!

Îşaya 63:6

Min gel bi hêrsa xwe perçiqandin, Min bi xezeba xwe ew serxweş kirin Û xwîna wan rijand erdê.”

Yêremya 13:12

“Loma tê ji wan re vê gotinê bêjî: ‘Xwedayê Îsraêl Xudan wiha dibêje: Wê her meşk bi şerabê tije be.’ Îcar wê ji te re bêjin: ‘Qey em nizanin divê her meşk bi şerabê tije bibe?’

Yêremya 25:27

“Tê ji wan re bêjî: ‘Xwedayê Îsraêl Xudanê Karîndar wiha dibêje: Vexwin, serxweş bibin û vereşin. Ji ber şûrê ku ezê bişînim nav we bikevin û ranebin.’

Yêremya 25:29

Va ye, ez belayê bi ser bajarê ku bi navê min tê gazîkirin ve tînim. Ma hûnê qet bêceza bimînin? Hûnê bêceza nemînin, çimkî ez bi ser hemû şêniyên dinyayê ve gazî şûr dikim.’” Ev e gotina Xudanê Karîndar.

Yêremya 51:57

Ezê serek û şehrezayên wê, Walî, qeymeqam û mêrxasên wê serxweş bikim. Wê bikevin xewa giran û hişyar nebin.” Ev e gotina Padîşahê ku navê wî Xudanê Karîndar e.

Yêremya 51:7

Babîl kasa zêrîn bû di destê Xudan de Ku tevahiya dinyayê serxweş dike. Miletan ji şeraba wê vexwar, Bi vî awayî har bûn.

Habaqûq 2:16

Ji dêla rûmetê hûnê rezîl û riswa bibin, Niha dora we ye, vexwin ku tazîbûna we xuya bibe. Tasa xezebê ya destê Xudan ê rastê wê bigihîje we, Wê rûmeta we bibe rezîlî.