Yêremya 13:10 - Kurmanji Încîl

¹⁰ Ev gelê xerab guh nade gotina min. Ew didin pey serhişkiya dilê xwe û îlahan ku ji wan re xulamiyê dikin û diperizin wan. Bi vî awayî wê bibin wekî wê piştênka ku bi kêrî tu tiştî nayê.

Yêremya 13:10 ပူးပေါင်းရင်းမြစ်များ

Zebûr 78:8

Bila wek bav û kalên xwe serhişk û serhildar nebin, Ew nifş ku, bi ruhê xwe û bi dilê xwe, Ji Xwedê re dilsoz nebû.

Waiz 11:9

Xorto! Di ciwaniyê xwe de şa be, Bila di rojên xortaniyê de dilê te, te şa bike. Tu di riya dilê xwe û di ya ku çavê te dibîne de bimeşe, Lê bizane, Xwedê ji bo tevahiya van tiştan dadbar bike.

Îşaya 3:24

Wê di şûna bêhna xweş de bêhna pîs, Di şûna piştênkê de benik, Di şûna lûrelûra keziyan de serê keçel, Di şûna cil û bergên bixemil de çûx, Di şûna bedewiyê de daxkirin hebe.

Yêremya 11:10

Ew vegeriyan xerabiya bav û kalên xwe ku nedixwestin guhdariya gotinên min bikin. Wan da pey îlahan û xulamiya wan kir. Mala Îsraêl û Mala Cihûda peymana min xera kir ku min bi bav û kalên wan re kiriye.

Yêremya 11:18

Xudan bi xwe fen û fûtên wan bi min da zanîn. Li ser vê yekê min zanî. Piştre wî karên wan ên xerab jî nîşanî min da.

Yêremya 13:7

Ez rabûm çûm ber Peratê, min kola û piştênk ji dera ku min lê veşartibû hilda. Lê piştênk xera bûbû. Bi kêrî tu tiştî nedihat.

Yêremya 16:12

We ji bav û kalên xwe zêdetir xerabî kir. Ji bo guhdariya min nekin, we da pey serhişkiya dilê xwe yê xerab.

Yêremya 16:4

“Wê bi nexweşiyên mirinê bimirin û wê tu kes şîna wan neke. Wê neyên veşartin û li ser axê bibin zibil. Wê bi şûr û xelayê biqedin. Wê cendekên wan ji teyrên ezmanan û heywanên çolê re bibin xurek.”

Yêremya 20:4

Çimkî Xudan wiha dibêje: ‘Va ye ezê te ji bo te û ji bo hemû dostên te bikim saw. Tê bi çavên serê xwe bibînî ku hemû hevalên te bi şûrê dijmin dikevin. Ezê tevahiya Cihûdayê bidim destê Padîşahê Babîlê. Wê wan sirgûnî Babîlê bike û bide ber şûran.

Yêremya 22:21

Gava tu di bêxemiyê de bûyî, Ez bi te re peyivîm, Lê te digot: ‘Ez guh nadim.’ Ji ciwaniyê ve tu wiha bûyî, Te guhdariya dengê min nekir.

Yêremya 23:17

Hergav ji kesên min kêm dibînin re dibêjin: ‘Xudan dibêje: Wê qencî li ser we be!’ Ew ji wan kesan re dibêjin Ku ketine pey serhişkiya dilê xwe: ‘Wê xerabî bi ser we de neyê!’

Yêremya 3:17

Wê demê wê ji Orşelîmê re bêjin: ‘Textê Xudan.’ Wê hemû milet li wir, bi xatirê navê Xudan li Orşelîmê bicivin û êdî wê nedin pey hişkiya dilê xwe yê xerab.

Yêremya 35:15

Min gelek caran xulamên xwe yên pêxember ji we re şandin û got: Bila herkes xwe ji riyên xwe yên xerab bide alî û karên xwe sererast bike. Li pey îlahan neçin û xulamiya wan nekin. Wî çaxî hûnê li welêt rûnin ku min da bav û kalên we. Lê belê we guh neda û guhdariya min nekir.

Yêremya 44:16

“Emê guh nedin gotina ku te bi navê Xudan ji me re got!

Yêremya 44:5

Lê wan guhdarî nekir û guh neda. Wan dev ji xerabiya xwe û dev ji bixûrpêxistina ji îlahan re bernedan.

Yêremya 5:23

Lê dilê vî gelî serhişk û serhildêr e, Ew bû serhildêr û çû.

Yêremya 7:13

Gotina Xudan ev e: “‘Niha, ji ber ku we ev kirin û tevî ku min gelek caran ji we re got, we guhdarî nekir û gava min gazî we kir, we bersiv neda,

Yêremya 7:6

heke hûn zordariyê li xerîb, sêwî û jinebiyan nekin, li vir xwîna bêsûcan nerijînin û li pey îlahan neçin ku xisarê didin we,

Yêremya 8:5

Loma çima ev gel averê dibe Û çima Orşelîm hergav çivanokiya xwe didomîne? Ew hîlekariyê zexim digirin Û red dikin ku vegerin.

Yêremya 9:13

Xudan dibêje: “Çimkî wan dev ji Şerîeta min a ku min da wan berda. Wan guhdariya dengê min nekir û li gorî wî nemeşiyan.

Yêremya 9:14

Lê ew li pey dilhişkiya xwe meşiyan. Çawa ku bav û kalên wan hînî wan kiriye, wan da pey Baalan.”

Yêremya 9:6

Dera tu lê rûdinî, navenda hîleyê ye, Ji ber hîlekariya xwe, wan naskirina min red kir.” Ev e gotina Xudan.

Hejmartin 14:11

Xudan ji Mûsa re got: “Wê heta kengê ev gel min kêm bibîne? Bi ser wan nîşanên ku ez di nav wan de raber dikim, wê heta kengê ji min bawer nekin?

شُله رسولا 7:51

«Hey serhişkno! Di dil de sinetnebûyîno, di guh de kerno! Hûn hergav li hember Ruhê Pîroz disekinin; çawa ku bav û kalên we kirin, hûn jî wisa dikin.

Îbranî 12:25

Hay ji xwe hebin û yê ku dipeyive red nekin. Ew ên ku dengê wî yê ku ew li ser erdê hişyar kirin, red kirin, xilas nebûn. Îcar, eger em berê xwe ji wî yê ku ji ezmanan dibêje badin, em hê bêtir nikarin xilas bibin.